Getuienis van ‘n gesin gehelp deur die Versorgingsfonds:

“Een aand ‘n hele paar jaar gelede het ek in my kamer gesit en gedink: Dis nou die EINDE – Wat Nog ? Dit kan nie erger nie. Waar is God? Ons gesin is verlam van vrees en kommer, my liewe sus besig om te sterf agv nierversaking, my ouers versorg ons almal fisies en finansieel. Ons lewens en alles om ons spat aan skerwe. Daar is so baie stukkies om op te tel. Hoe doen jy iets so onmoontlik? Hoe harder jy probeer, sny die skerwe jou stukkender en die pyn is groter, die wonde is groter. Jy is verlam van vrees. Waar is God dan?

My man verloor sy werk en vir 2 jaar loop hy van deur tot deur om werk te kry, stuur CV’s uit en niks positiefs gebeur nie. Hy raak stiller en stiller en later kan jy fisies sien sy menswaardigheid is weg. Ek moet my tas pak om in Johannesburg te gaan werk, want die inkomste van my halfdagpos was skaars genoeg om melk en brood op die tafel te hou. My kinders hier los! My siel is verpletter, in alles moet ek nou sterker as ooit wees, want ek bekommer my oor my ouers, suster, werklose man en kinders. Die pyn, vernedering, skande en angs is te veel. Jy moet funksioneer, maar jy kan nie eers dink nie. Ek lewe net van uur tot uur, daar is nie ʼn manier wat ek vooruit kan dink nie. Ek is nou die nek wat alles moet regop hou en bymekaar moet hou, maar hoe?>>

Lees verder: Getuienisgeleentheid - Versorgingsfonds

Sondag 10 Junie is Nagmaalsondag en ons wil lekker saam kuier as gemeente. Daar gaan heerlike ontbytrolletjies te koop wees tussen die dienste (9:00-10:00). Plaas jou bestelling vooraf by Hierdie e-posadres word van Spambotte beskerm. Jy moet JavaScript ontsper om dit te lees. om teleurstelling te voorkom.

Ontbytrolletjie (eier, spek, gebraaide uie en tamatie) @ R30 en ontbytrolletjie & cappuccino @ R50

Sien jou daar.

(1 Sam 3:1-18)

Daar is soveel verskillende “stemme” in die wêreld wat met ons praat. Die vraag is: Praat God nog met ons vandag soos in die tyd van die Bybel?

1 Samuel 3 begin in vers 1 met die woorde “Die woord van die Here is in daardie tyd min gehoor; daar was nie dikwels openbarings nie.” Ná die Here se openbaring aan Samuel (vv 1-18) lees ons in vers 21 dat “Die Here Hom weer in Silo aan Samuel openbaar het”. God het nie stilgebly nie. Hy het met Samuel en met sy volk gepraat. God praat nog steeds vandag met ons op verskillende maniere. Ons lewende God is nie ‘n God wat stilgeraak het nie.

‘n Tweede vraag wat die teks oproep is: Hoe luister ons na die stem van die Here? Die jong Samuel het die Here getrou by die tempel gedien. Tog was dit nié vir hom maklik om die stem van die Here te herken nie. Dit was ook nie vir hom maklik om dit wat Hy by God gehoor het verder oor te dra nie. Eli was nie ‘n goeie pa nie, maar as priester het hy vir Samuel gehelp om die stem van die Here te herken. Hy was ook bereid om die wil van die Here te aanvaar (v 18b). Ons wil mekaar as gelowiges help om die stem van die Here duidelik te hoor en sy wil te doen.

Is jy werklik oop dat die Here met jou kan praat? Herken jy sy stem?

 

 

Almal is welkom.

Die Versorgingsfonds verkoop op Sondag, 3 Junie na die dienste heerlike pannekoeke in die kombuis @ R6 elk. Plaas jou bestellings sommer direk by Odette.

Om terleurstelling te voorkom, bestel asseblief vroegtydig, want daar gaan slegs ‘n sekere hoeveelheid gemaak word.

Kom ondersteun gerus ons Helderberg lidmate in nood.

Top