Na wie luister jy?
Wat gaan aan?

Dit lyk asof dwaasheid regeer en totaal in beheer is; en dat wysheid al hoe meer eenkant geskuif word.

As ek so na mense luister, die kommentaar van mense op Netwerk24, of op Facebook, of op Twitter lees; wanneer ek nuus luister, die koerante en sekere tydskrifte lees dan kan ek nie anders as om tot die volgende slotsom te kom nie: Dwaasheid heers!

Is daar nog mense wat erns maak met wysheid? Is wysheid nog enigsins van waarde. Dit is ontstellend om te sien hoe mense wat om een of ander rede ’n posisie of mag het die grootste onsin kan kwyt raak en deur baie as wysheid beskou word.

Êrens langs die pad het baie van ons wysheid prysgegee. Ons soek die meeste genot uit die oomblik, sonder om na te dink oor waarheen ons lewenstyl lei. Ons wil graag sekere dinge bekom, wat ons glo ons gelukkig gaan maak. Intussen kyk ons die werklik betekenisvolle aspekte van die wyse lewe mis.

Geleerdheid, kennis en data snork in biblioteke, in artikels, op die webblaaie en in boeke; wysheid daarenteen dans die wêreld vol – op die punte van haar tone en wawyd wakker - die Gees van God wat ons aanraak en ons die teenwoordigheid van God laat beleef.

Wysheid op sigself bring my nie by God nie. Nogtans begin dit by God, altans, by eerbied vir die “grotere as ek”. Wysheid begin daarom met ontsag vir God en wysheid word deur die proses van dissipelskap aangeleer.

Spreuke 1:20-33

Ons vra asseblief donasies vir die aankoop van babawaentjies vir die vlugtelinge uit Sirië in Griekeland se babas. Die waentjies se prys is €80 elk, dit is ongeveer R1 500.

Donasies kan by HU se rekening inbetaal word, met die verwysing Omonia-stroller. Die vlugtelinge moes hulle babas/kleuters fisies oor land dra tot by die kus van Turkye waar hulle op die bote klim. Dan weer in Griekeland.

Die kortuitreik vertrek 24 Oktober en sal graag waentjies in Athene wil aankoop vir die doel.

Rom 11:11-24

Hierdie Sondag is die laaste in ons preekreeks “Familieboom van God.” Ons het die afgelope weke oor talle elemente van ‘n boom gesels: wortels, seisoene, bloeisels, saadjies en groeiringe. Vandag fokus ons op die boom self met sy verskillende takke en vrugte.

In ‘n moderne wêreld kan dit baie maklik gebeur dat ons elkeen net op sy “eie tak” sit. Of dit kan gebeur dat ek dink dat my tak baie belangriker as die ander tak is. Ek moet verstaan dat ek as gelowige ingeënt is in hierdie boom van God. Ek is nie los van die ander takke nie. Ek is nie self die boom nie en het die ander takke, stam en wortels nodig. Sonder God en sonder mede-gelowiges is ek maar net ‘n droë tak wat geen vrugte kan dra nie. Die krag van die wortels vloei deur my.

Paulus stel dit so treffend in vers 18: “Moet jou dan nie bo die ander takke verhef nie! Moet jou ook nie verbeel jy is iets nie: dit is nie jy wat die wortel dra nie, die wortel dra jou.”

In die tyd van Paulus was daar sommige Joodse gelowiges wat gedink het dat hulle beter as die nie-Jode is. Hulle wou ook nie toelaat dat ander deel van hierdie familieboom van God word nie. God sê duidelik dat daar nog baie plek is vir ander om in sy boom ingeënt te word.

Is dit werklik vir jou belangrik dat meer mense die vreugde van God se boom kan beleef?

Die potjies het geprut, die roosterkoeke en pannekoeke het soos blits uitverkoop, die stal-letjies het goeie besigheid gedoen en die atmosfeer was gemoedelik.

Helderberg Gemeente se eerste Lente-makiete was voorwaar ’n groot fees, te danke aan fantastiese ondersteuning deur omgeegroepe, uitreikprojekte en gemeentelede. Ons was geseën met ’n lieflike lentedag en die makietie het ’n gesellige ruimte vir saamkuier geskep. Daar was iets vir oud en jonk en die kerkterrein het gegons van die aksie.

Sewe spanne het aan die potjiekoskompetisie deelgeneem, wat uiteindelik deur Beltsasar gewen is en hulle het dus die wisseltrofee as Helderberg Gemeente se eerste meesterpotmakers ontvang. Hul afvalpotjie was besonder gewild en is ten bate van die Uyavula lees-en-skryfprojek verkoop.>>

Lees verder: Wie het toe gewen?

Classical Sounds is proud to present Classical Organ Sounds, the third classical concert in the series for 2018.

On Sunday 23 September, Eon Malan and Christopher Petrie, students of the acclaimed organist and pedagogue, dr. Mario Nell, will impress listeners with repertoire by some of the best known organ composers we know. The program features works by Bruhns, Bach, Mendelssohn and South African composer, Albert Troskie, to only name a few.

Eon Malan is music director and choirmaster at the Bellville-West DRC, active as SAKOV Social Media Editor and a full time music student at the Department of Music, Stellenbosch.

Christopher Petrie is currently enrolled for his Honors degree in organ performance at the SU. Both of these students have received numerous bursaries from the South African Church Organist Society (SAKOV).

The concert takes place inside the Helderberg Dutch Reformed church building and starts at 16:00. Entrance is free and donations for the further development of classical music and young musicians are welcome. Delicious refreshments will be on sale in the Tent before and after the concert – a perfect Sunday afternoon outing. No bookings required.

For further information contact Classical Sounds director, Yolanda Botha on Hierdie e-posadres word van Spambotte beskerm. Jy moet JavaScript ontsper om dit te lees. or go to our Facebook page: https://www.facebook.com/classicalsounds/

Top