Groot opgewondenheid heers onder die Merweville skoolprojek se betrokkenes. Ons beplan ‘n Uitreik vir die naweek van 17 Maart tot 21 Maart 2017 na Merweville. Ons hoofdoel is nie net om die nodige skryfbehoeftes vir hulle te gaan aflewer nie, maar om ook met die leerders te gaan speel en sodoende verhoudings te bou.

Ons droom vir die George Frederick skool is om teen die einde van die jaar vir hulle ‘n rekenaarsentrum daar te stel met 35 rekenaars. Hulle het reeds ‘n lokaal met ‘n lugreëlaar en kragpunte. Hulle benodig nog 26 rekenaars (desktops) met die volgende spesifikasies: P4, of hoër, Windows XP of beter, 5 GB hardeskyf spasie, 2GB RAM, netwerkkaart, klankkaart en oorfone.
26 “Flat screen” skerms en 26 sleutelborde en muise. Ons is ook op soek na IT persone wat later die jaar sal kan saam gaan om ons te help met installasie.>>

Lees verder: Korttermyn Uitreik - Merweville skoolprojek

Die Tekkiekerk kweek intensioneel ‘n gemeenskap van kinders deur materiaal te ontwikkel, of identifiseer, wat ouderdomsgerig is, relevant en prakties is vir kinders om mee te ‘engage’.

Ons glo dat jy, soos baie ander rondom jou, ʼn intense behoefte het om ʼn eerstehandse ver- houding met die Here Jesus Christus te hê, Hom persoonlik te leer ken en saam met Hom te leef

As gemeente het ons die verantwoordelikheid om mekaar en ander te help om te leer leef met Jesus. Ons is immers Sy dissipels. Dissipels loop in die voetspore van Jesus en leef met, in en naby Hom.

Woensdag, 1 Maart 2017, is dit Aswoensdag – die begin van lydenstyd. Lydenstyd is ’n tyd van besinning en voorbereiding met die oog op die viering van Paasfees

Ons nooi die hele gemeente om in hierdie lydenstyd te fokus op: Leer leef met Jesus. Ons stel ook ʼn boekie beskikbaar teen R60 wat jy by die kerk-kantoor kan aankoop om saam met iemand, jou gesin, vriende, omgee groep of kollegas by die werk te doen. Daar is ʼn teks en tema vir elke week en die gedagte is dat jy die hele week met daardie teks besig bly en weekliks dit met iemand of jou groep deel wat jy geleer het. Ons gaan ook in ons prediking daarby aansluit.

Leer en ontdek saam met ons wat dit alles behels om te leef met Jesus.

Ek is al so vyf jaar betrokke by die program vir gevangenis. Dit behels ‘n langnaweek wanneer ons ‘n program vir so 30 gevangenis aanbied. Dieselfde groep word dan vir 6 - 7 maande begelei deur elke tweede Saterdag hulle weer te besoek met ‘n boodskap uit die Bybel.

My ondervinding sover is dat die manne se lewens radikaal verander en ‘n positiewe inslag op hulle medegevangenis het. Daar is wonderlike getuienisse van mense wat gered is en ‘n positiewe bydrae wil lewer in die samelewing. Die Here doen groot werk hier en as jy geroep voel om deel te wees van die Kairos Gevangenisbediening en so koningrykswerk te doen, gaan jy jou eie lewe ook baie verryk.

Ons het “mammas” en “pappas” nodig vir die mense, meeste van hulle het nie betrokke ouers gehad nie.  Kontak my gerus vir verdere inligting.
Deon van Zyl 

 

 

 

Stop’it! as ‘n projek van Helderberg Uitreik wil Christus se hoop dra na mense wat vasgevang is in mensehandel deur bewusmaking, regspraak, restourasie, intervensie en bemagtiging. Hiervoor hou die projek op Woensdag 29 Maart om 18:30 ‘n kaas-en-wyn kunsuitsalling by Helderberg Gemeente.

Alle kunstenaars in die Helderbergkom en omgewing word uitgenooi om deel te neem.

Tema: Met Lydenstyd in gedagte – jou vrye interpretasie van lig/duisternis. Dit kan tema gebonde wees met die oog op Lydenstyd of die subtema van mensehandel. Of selfs ‘n meer vrye interpretasie van wat die woord “lig” of “duisternis” vir jou simboliseer.

Kontak Isabel Vroon vir meer praktiese inligting by Hierdie e-posadres word van Spambotte beskerm. Jy moet JavaScript ontsper om dit te lees.

Top