Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Goeie nuus! Ons gemeente groei. Daar is meer mense wat die eredienste bywoon. Daar is groter betrokkenheid by bedieninge, en energie om bedieninge uit te bou. Dit kan, in geloof, ons gemeente se droom om beter, dieper en op ‘n groter skaal bedieninge te bou aanhelp.
As ons kyk na die stories wat ons finansies in 2023 vertel, blyk dit daar groter gemeente ondersteuning is. Ons het ons begrote inkomste van R12 miljoen bereik, wat ons in staat stel om gelyk te breek (voor kapitaal uitgawes). Dit is ‘n verbetering op die vorige jaar toe dinge swaar gegaan het.
In geloof begroot ons dus dat hierdie positiewe tendens sal voortgaan in 2024 en 2025. Ons begroot vir ‘n 12% groei in totale gemeente bydraes. Ons mikpunt is R10.9 miloen rand.
Met die fondse kan ons baie meer doen. Ons droom om:
• Bedieninge verder uit te bou.
• Die personeel wat die gemeente moet lei en versorg ‘n lang uitgestelde regstelling op vergoeding gee (11%). Dit is nog steeds onder die sinodale gemiddeld. Hierdie groep is die hart van ons gemeente en moet ook ondersteun word.
• Ons fasiliteite in stand te hou.
• En die heel belangrikste – dat ons God se Koningryk uitbou sodat elkeen ‘n persoonlike verhouding met die Here kan hê.
Daarom wil ons vra. Help ons asseblief. Ons het tans gemiddeld 820 lidmate wat maandeliks bydrae. Raak asseblief deel van hierdie groep in 2024/2025.
Baie dankie
Rudolph Fourie - Rentmeesterspan
Ja, dit klink nog ver, maar ons werk nou al aan die basaar van 31 Augustus. Gasvryheid wil mense of groepe nooi om jou talente te gebruik vir een van die volgende portefeuljes:
• Aktiwiteite vir kinders
• Kos stalletjies en kompetisie
• Reëlings rondom die vermaaklikheid van die dag
• Organisering van die uitstallers
• Iemand wat die bemarking kan doen
Olivia Gardner hoor graag van jou. Kontak haar by 021 851 5582 of Hierdie e-posadres word van Spambotte beskerm. Jy moet JavaScript ontsper om dit te lees.
Het iemand onlangs vir jou omgegee? Hoe het dit jou laat voel? Het jy beleef dat God self vir jou omgee?
Het jy die afgelope tyd vir iemand anders omgegee? Wat het dit aan jou gedoen? Dit is waaroor ons praat tydens eerskomende Sondag se eredienste. Die tema is “Ons gee om …” en die teksgedeelte Joh 6:1-15 (Week 5 van ons reeks).
Jesus sien dat die mense wat Hom volg honger is en Hy gee om vir hulle (Joh 6:5). Hy wil hulle nie net geestelik voed nie, maar ook fisies voed. Al wat hulle het is ‘n seuntjie wat bereid is om sy vyf brode en twee vissies te skenk (vv 8-9). Jesus vermeerder hierdie “omgee” van die seuntjie en voed 5 000+ mense (vv 10-12). Dink net hoe kan Jesus vir ons as gemeente (5 000+ lidmate) gebruik om werklik vir ander om te gee.
Sien jou Sondag.
Danie O’Kennedy
Die BoekeHoekie en GeskenkHoekie kan amper ook omgee-hoekies genoem word. Dit het ontstaan uit ‘n behoefte om die gemeente en gemeenskap rondom ons te help.
Ons BoekeHoekie het boeke te koop teen slegs R10 ‘n boek en word met liefde versorg deur Avril Labuschagne en Betsie Smit. Jy kan hulle help deur boeke te skenk in Afrikaans en Engel, enige boeke selfs ou handboeke (vir herwinning). Ons het ook ‘n gratis Bybel rakkie, so bring gerus daai ou gebruikte Bybels.
Ons GeskenkHoekie is ‘n geleentheid vir lidmate om hulle eie produkte te maak en te verkoop ten bate van die kerk, 10% van alle verkope gaan na die kerkkas. Dié hoekie is al ‘n gewilde plek vir vinnige inkopies om aan te smul of om ‘n oulike geskenk te koop. Kom ondersteun ons gerus en weet dat jy ‘n verskil maak met elke aankoop.
Jy kan sommer vir Grazie Beets “hallo” sê by Ontvangs. Sy is verantwoordelik vir hierdie twee lekker kuierplekke.
Die Kerkraad het gisteraand die Bedryfsbegroting vir 1 Maart 2024 tot 28 Februarie 2025 goedgekeur. Baie dankie vir almal wat hierby betrokke was.
Bernard Visser was gekies as kerkraadslid en is nou die leier van Aanbidding.
Zani Malan wat reeds op die kerkraad dien, is die nuwe leier van Kommunikasie.
Christian Schietekat was as kerkraadslid voorgestel.
Ons is baie opgewonde oor hierdie drie mense en waarmee die Kerkraad besig is.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- vir die riglyne in die Bybel
- dat U ‘n doel het met ons lewe
- dat U ons bevry van vrees
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
In die liefde is daar geen vrees nie. 1 Johannes 4:18a
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus