“I’ve learned that I am okay”
Is dit nie kosbare woorde nie? Die woorde kom uit die mond van ‘n sesjarige seuntjie saam met wie ons ‘n pad gestap het by die Beradingsentrum.

Hierdie ses woorde som so mooi op dít wat die Beradingsentrum streef om te wees, ‘n plek waar enige iemand in die gemeenskap kan kom aanklop vir emosionele ondersteuning en iets van Jesus se liefde kan beleef.

Ons is ‘n span vrywilligers, gerugsteun deur ‘n deeltydse maatskaplike werkster, met ‘n passie om mense te ondersteun op hul reis na genesing en herstel.

Saggaria 8:23 verduidelik so presies wie ons poog om te wees: “So sê die Here die Almagtige: Daardie tyd sal uit al die nasies tien man, een Judeër aan die klere gryp en sê: “Ons wil met julle saamgaan, want ons het gehoor God is by julle”.

Hoe kan jy baatvind of betrokke raak by die sentrum?
- Eerstens is enige iemand welkom om by ons deur aan te klop vir ondersteuning, ongeag hoe groot of klein jy dink jou probleem is, dit is altyd makliker om saam met iemand daardeur te werk.
- Verder is daar altyd befondsing nodig om die administratiewe kostes van die sentrum te befonds. Sien ons “borg ‘n sessie inisiatief” op die webblad.
- Indien jy wil deel word van ons span om ander te ondersteun, kom ontmoet ons asb. na afloop van die diens in die Tent om meer uit te vind oor hoe jy kan betrokke raak.

Verdere navrae kontak Meagin by die kerkkantoor. 

Soek ‘n boek

Ons beplan `n lekker boekverkoping tydens die Lente-makietie, maar dan het ons boeke nodig. Lekker baie boeke! En dis waar jy ons kan help.

Gaan staan voor die boekrak en haal alle boeke uit wat jy nie weer gaan lees nie en bring dit vir ons kerk toe, gee dit af by die kerkkantoor, gemerk: l-m (boeke). Ons soek lekker leesboeke wat ander ook sal wil lees, dalk `n kookboek of tuinboek wat nie meer gebruik word nie, letterlik enige boek op jou rak of koffietafel (enige boek wat nog in `n goeie toestand is, Afrikaans of Engels).

Vir meer inligting: Annette Gerber 082 5457718 of Meagin van der Westhuizen 071 3540509

Word jy geraak deur dood, egskeiding of enkelouerskap?
Harmony projek begin vanaf Donderdag, 26 Julie met die volgende programme: GriefShare; Single&Parenting; DivorceCare en DC4Kids. Dit is ‘n 13 weke program wat elke week op Donderdae om 18:00 - 20:00 in die Tent plaasvind.

Die programme is inter-kerklik en is gegrond op Bybelse waardes wat volwassenes en kinders toerus en ondersteun wat geraak word deur die veranderinge in die familie struktuur. Ons eet en kuier gesellig vooraf saam vanaf 17:30 en gaan dan na die onderskeie groepe in verskillende lokale. Enigeen is welkom, ook nie-lidmate.

Gaan lees gerus meer van die programme:
http://www.churchinitiative.org/ of neem ‘n brosjure by die kerkkantoor. Moenie alleen hierdie pynlike pad loop nie – daar is mense wat verstaan en jou kan ondersteun.

Kontak ons ook gerus as jy op ‘n ondersteunende manier wil betrokke raak as donateur of adviseur.
Navrae aan Annette Botha 

Twaalf jong sokkerspelertjies en een afrigter in ‘n grot vasgekeer; 13 lande wat betrokke was by die reddingspoging – dié storie het mense dwarsoor die wêreld se verbeelding aangegryp. Thailand sê dankie met die woorde: Ons is één wêreld.

Efesiërs 2:11-22 vertel ook ‘n wonderverhaal wat mense se verbeelding oor die hele wêreld aangryp. Die verlossing in Christus. Daar was en is nog steeds mense wat sonder God en sonder hoop leef. Maar dan was en is daar ook Christus Jesus wat alles gedoen het om mense sonder hoop en sonder God te red.

Stel jou ‘n kerk voor – daar is natuurlik ook net één kerk in die wêreld – wat vasgenael sit voor die televisie om die nuutste beriggewing te hoor oor nog mense wat tot geloof gekom het; ‘n kerk wat opgewonde is oor elkeen wat ontdek: In Christus Jesus is God ons vrede.

Ons beweeg almal tussen destyds, maar nou in Christus Jesus. Destyds, dalk sommer nog gister, was ek vasgeval in selfsug of haat, woede, begeertes; maar nou in Christus Jesus het ek vrede, is ek deel van die kerk waarvan Christus Jesus self die hoeksteen is.

Ons is één kerk.

‘n Oproep aan alle entoesiastiese en vindingryke omgeegroepe, bedienings, projekte, groepe en indiwidue:

Verkope-tafels is beskikbaar in die tent. Jy is welkom om enige-iets te verkoop. Die opbrengs van jou winste kan vir die Gemeente, ‘n projek, ‘n bediening of jouself gaan. Die keuse is joune. Daar is slegs 20 tafels beskikbaar @ R200 elk.

Daar is ook ‘n potjiekos-kompetisie en potjie-staanplekke (buite) is beskikbaar @ R300 per plot. Die begunstigde van die wins van die verkope van jou potjiekos is jou keuse: Gemeente/projek/bediening/self.

Wie kan deelneem? Almal is almal welkom!

Die verhurings-inkomste van die tafels en potjie-plotte is ten bate van Helderberg Uitreik se Omonia-vlugtelingprojek wat uitreik na die Siriese vlugtelinge in Athene.

Bespreek jou tafel/plot by Hierdie e-posadres word van Spambotte beskerm. Jy moet JavaScript ontsper om dit te lees. en stuur bewys van betaling aan dieselfde e-pos adres. (Merk betaling l-m + jou naam)

Navrae: Louise Theron

Top