Harmony projek begin vanaf 8 Augustus om 17:30 in die Tent met die volgende 13 weke siklus van die kursusse in DivorceCare, DC4Kids en Single&Parenting. Ons begin ook met GriefShare wat persone ondersteun en toerus in die rouproses wanneer ‘n familielid of vriend gesterf het.

Die inter-kerklike programme is gegrond op Bybelse waardes wat volwassenes en kinders toerus en ondersteun wat geraak word deur die dood van ‘n geliefde, egskeiding of enkel ouerskap.

Ons eet vanaf 17:30 lekker saam in die Tent en dan begin die onderskeie programme om 18:00 - 20:00.
Kliek op die verskillende programme om meer daaroor te lees of kyk op http://www.churchinitiative.org/
- GiefShare
- DivorceCare
- DivorceCare4Kids
- Single&Parenting

Moenie alleen hierdie pynlike pad loop nie – daar is mense wat verstaan en jou kan ondersteun. Enigeen is welkom, ook nie-lidmate.

Kontak ons ook gerus as jy op ‘n ondersteunende manier wil betrokke raak as donateur of adviseur. Rig enige navrae aan  Annette Botha 

Ons leef in ʼn veranderende wêreld waarin mense kom en gaan; die tegnologie met die spoed van lig ontwikkel en al hoe meer “menslik” word sodat die term “the humanisation of technology” ʼn algemene term word; die demografie van gemeenskap drasties verander; en die wêreld eintlik as gevolg van tegnologie ontstellend “klein” geword het; persoonlike kontak skaars geraak het en “Facebook” vir baie ʼn gemeenskap, vir sommige hul enigste gemeenskap, geword het.

Wat wel onveranderlik bly, is die wete dat die Drie-enige God in hierdie veranderende wêreld ook ons Vader en Verlosser is, en dat Hy deur die Heilige Gees altyd by ons is. Ja, die Koninkryk van God is werklik en ek is deel daarvan. God is aktief besig in hierdie wêreld en ons is Sy medewerkers. Hierdie reis saam met God behoort eintlik ʼn avontuur te wees. Die bediening van die versoening is aan ons toevertrou om mense te help om deel van God se Koninkryk te wees en die avontuur daarvan te beleef.

Wat wel ook waar is, is dat mense as gevolg van die veranderende wêreld met ander vrae oor God, dissipelskap, die kerk en wêreld worstel. Daar is ook by baie mense intense behoefte om God te beleef en die pad wat Hy met ons loop as ʼn avontuur te beleef. Die vraag wat ons voordurend moet vra, is: Help ons as gemeente mekaar werklik om in hierdie veranderende wêreld God se teenwoordigheid en betrokkenheid by mense te beleef? Is dit vir ons ʼn avontuur om juis binne hierdie veranderende konteks in Sy voetspore te loop?>>

Lees verder: En wat nou?

Hoop Geloofsgemeenskap

Sluit aan by Helderberg Gemeente se uitreikspan na Athene vir 'n gesellige Griekse aand by Opa Restaurant in Hoofstraat, Somerset-Wes, op Dinsdagaand, 15 Augustus. Dié span reis in September 2017 na Griekeland om Eleni Melirrytou en die Omonia Gemeente by te staan in hul werk onder vlugtelinge.

Koop ’n kaartjie vir hierdie ete – wat sop, verskeie Griekse lekkernye, nagereg en ’n glasie wyn insluit – en ondersteun só die korttermyn-uitreikfonds. Kaartjies teen R225 per persoon kan by die kerkkantoor of met 'n elektroniese betaling gekoop word.

Bankbesonderhede: ABSA Bank, Somerset-Wes; Rekeningnaam: NGK Helderberg; Tipe rekening: Tjek; Rekeningnommer: 2900590094; Takkode: 632005; Verwysing: Grieks + Naam en Van. Stuur asseblief 'n bewys van betaling met jou kontakbesonderhede na Hierdie e-posadres word van Spambotte beskerm. Jy moet JavaScript ontsper om dit te lees.

Merk dit in jou dagboek.

Top