Die Tekkiekerk se oorslaap vind plaas op 11 Augustus 2017 in die Jeugsentrum. Dis een aand in die jaar wat ons saam met vriende oorslaap, speel en saam as familie iets leer hoe God families gebruik om sy koninkryk uit te bou.

Vrydag, 11 Augustus om 18:00 by die Jeugsentrum, kliek hier vir die inskrywingsvorm.

Ouers kom haal die kinders weer Saterdagoggend om 07:00.

Koste: R60

Kontak JC de Jongh

Helderberg is die gasheer van ‘n reeks kwartaallikse klassieke musiekkonserte wat deel vorm van hulle ‘Klassieke Klanke’ reeks. Tydens hierdie konserte is studente van Stellenbosch Universiteit, sowel as plaaslike Somerset-Wes musiekentoesiaste, te sien.

Op Sondag, 6 Augustus, gaan die beroemde orrelis en pedagoog, dr. Mario Nell, se universiteitstudente luisteraars beïndruk met werke deur sommige van die mees bekende orreliste en orrel komponiste wat die wêreld nog ooit gesien het. Die program sluit werke van Couperin, Bonnet, Widor en Guilmant in – ja, werklik ‘n Franse affêre!

Die konsert vind plaas binne die kerkgebou en begin om 15:00. Toegang is gratis en donasies welkom. Geen bespreking is nodig. Verversings sal voor en na die afloop van die konsert in die tent te koop wees. Wat kan nou lekkerder wees as mooi musiek en saamkuier op ‘n Sondagmiddag?

Vir enige navrae kontak Yolanda Botha 

Vir die laaste 15 jaar is die Helderberg Ontwikkelingsentrum besig om werklose vroue op te lei om hulle voor te berei vir die werksplek. ’n Sertifikaatplegtigheid word twee keer ’n jaar gehou. Aan die einde van Junie het 40 studente weer sertifikate ontvang. Na die voltooing van die kursus help die Sentrum om die studente in ’n werk te plaas. Op die oomblik het die Sentrum ’n 80% plasings-suksessyfer.

Die kursus bied ’n geleentheid vir vrouens 25 jaar en ouer. Vakke soos “Life Orientation, Personal Money Management, Kitchen Skills, Laundry Skills and Cleaning Skills”, word aangebied. Spesiale kursusse sluit onder andere Naaldwerk en Entreprenieurskap in. Klasse word deur vrywilligers aangebied. Indien jy belangstel om klas te gee, skakel ons gerus.

Aangesien die Sentrum ’n nie winsgewinde organisasie is, is insameling van fondse noodsaaklik. Verlede November het die Sentrum ’n baie suksesvolle huismark gehou, Huis vol Geskenke. Aan die einde van November hou die Sentrum weer ’n mark. Enige persoon wat belangstel om uit te stal kan vir Elby by 082 563 9839 skakel of die Sentrum by 021-852 5720.

Kontakbesonderhede

‘n Goeie storie kry die aandag van mense en trek hulle in. Jesus se gelykenisse is egter meer as stories. Dit ontstel mense, maak mense deurmekaar en laat hulle DINK.

Telkens nadat Jesus ʼn gelykenis vertel het, brom die mense saam en probeer hulle bymekaar hoor wat dit nou eintlik beteken! Van nature soek ons as mens ‘n duidelike klinkklaar antwoord, maar Jesus maak dit nie so maklik nie. 

‘n Goeie gelykenis is onverwags, en laat jou wonder. Gelykenisse het die vermoë om een punt oor te dra en 100 ander vrae oop te maak. Soos ʼn goeie grap, hoe meer jy ʼn gelykenis verduidelik hoe meer verloor dit sy krag.

Die Bybelse gelykenisse het hulle trefkrag vir ons verloor, dit skok ons nie meer nie, omdat ons dit alreeds so baie gehoor het, maar ook omdat ons lewenswêreld soveel anders is as dié waarin Jesus dit vertel. Soms is dit nodig om dit oor te vertel in ʼn moderne idioom sodat ons weer kan hoor.

30 Julie 

STOP'iT werk aktief saam met STOP (Stop Trafficking Of People) teen mensehandel deur bewusmaking.
Volgens International Labour Organization is daar na raming 21 miljoen vrouens, kinders en mans oor die wêreld vasgevang in mensehandel waar hulle uitgebuit word deur seksuele misbruik en/of dwangarbeid.

Stop'it Projekleier: Isabel Vroon

 

 

Top