Eintlik is ons almal beleggers, meer spesifiek Koninkryksbeleggers.
Pierre Malan, 'n bekende finansiële belegger, maar veral ook ‘n aktiewe en passievolle Koninkryksbelegger, kom met ons gesels op Vrydag, 15 September van 07:00-08:30 oor sy beleggingstrategie as 'n vreugdevolle Koninkryksbelegger. Sy lewe is 'n getuienis daarvan.

Daar is ook 'n ontbyt en die onkoste vir die ontbyt is 'n Koninkryksbelegging, ʼn donasie word verwelkom.

Ter wille van getalle en ons voorbereiding vir die ontbyt moet jy asseblief so spoedig moontlik vir Marisa Viljoen by Hierdie e-posadres word van Spambotte beskerm. Jy moet JavaScript ontsper om dit te lees. of 021-851 5582 laat weet. Sien jou daar en nooi sommer iemand saam.

Helderberg neem sy plek weer in op die gebedsmuur.

Omgeegroepe, bidgroepe, gesinne en individue word uitgenooi om hierdie week saam te bid vir ons land:
Geestelike ontwaking van die kerk (Jesaja 62:6-7),
Redding van die ongeredde (Handelinge 15:16) en
Sosiale geregtigheid ( Lukas 18:7-8).

Kontak Annette Botha as jy vir ‘n spesifieke uur op die gebedsmuur wil inneem

Baie dankie aan almal wat bydraes gemaak het tot die nood met die onlangse brand in die Knysna-omgewing.
‘n Bedrag van R36 000 is uit donasies ontvang en Helderberg Uitreik se Rampfonds het die bedrag aangevul tot R60 000. Daarmee kon ons die Ring van George wat die Knysna-rampfonds bestuur, help om twee houthuise aan te koop vir twee gesinne wat alles verloor het, asook vier nuwe watertenks vir die boere wie se tenks in die vuur vergaan het.

Ds Pieter van Santen van die Ring van George, koördineerder van die Rampfonds, spreek sy opregte dank en waardering uit namens die begunstigdes. Die Here voorsien deur sy gehoorsame kinders.

Louise Theron
Bestuurder: Helderberg Uitreik

Na aanleiding van ou “Whatsapp boodskappe” van 2012 wat weer die rondte doen oor die nuwe Afrikaanse Bybelvertaling.
Volgens die boodskappe gaan die naam van Jesus en God in die Nuwe vertaling verwyder word of met kleinletters gespel word. Die persoon wat dit begin het, is nie lid van ʼn erkende kerk nie en ons verstaan nie werklik sy motiewe nie. Die boodskap het egter in 2014 ‘n stille dood gesterf toe die eerste proefuitgawe van die Nuwe Testament verskyn het en almal gesien het dat die boodskap vals is. Die boodskap het skielik weer lewe gekry soos dit maar met aanstuur boodskappe gaan.

Ek wys u graag op die volgende:
Die Bybelgenootskap staan onder gesag van die erkende kerke in Suid-Afrika. Die kerke sal nooit toelaat dat God se naam oneer aangedoen word nie. Die Bybelgenootskap sal dit ook nie doen nie.

Die Bybelgenootskap staan onder gesag van kerke. Feitlik al die Christelike kerke is lede van die Bybelgenootskap. Dit is in opdrag van die kerke dat daar weer na die vertaling van die Bybel gekyk word. Die Bybelgenootskap glo absoluut in die Drie-enige God en in die verlossing van Jesus Christus. Daar is net een God en dit is die Drie- enige God, Vader Seun en Heilige Gees. Daar is net een verlosser en dit is Jesus Christus. Op geen manier sal die Bybelgenootskap die gesag van God, die Heilige Gees en Jesus wil aantas nie. Lees gerus die ware feite van die nuwe vertaling op www.bybeldirektevertaling.co.za. Daar is reeds van die proefvertalings gepubliseer. Die Nuwe Testament en Psalms het reeds 2014 verskyn en indien u dit koop sal u vir uself sien.>>

Lees verder: Whatsapp oor die Bybel se nuwe vertaling

  

18-20 September
Verstand, vooroordele, en ten volle mens
Hierdie jaar bring Rimpelweek ‘n diverse groep Christen denkers uit neurosielkunde, teologie en sosiale sielkunde byeen. Hierdie groep kom vertel hulle stories en deel van hulle navorsing oor rasse verhoudinge, gedeelde verantwoordelikheid en wat dit verg om ten volle mens te wees.

Deur hulle stories wil hulle ‘n ruimte skep waar Rimpelweek-gangers kan stil word en reflekteer. Spesifiek oor die werking van ons brein, en hoe ons “bedrading” beïnvloed wie ons is en hoe ons optree. Die hoop is dat deur te luister en saam te gesels, Rimpelweek-gangers hulle eie persoonlike lewenswandel met dieper bewustheid sal kan aanpak, veral ten opsigte van rasse verhoudings en voorreg.

Die reeks bestaan uit drie “bewegings” wat oor drie aande sal plaasvind. Ons moedig almal aan om al drie aande by te woon: Waar die eerste aand sal fokus op die biologiese onderbou van ons vooroordele, sal die tweede aand handel oor aspekte van vergifnis en rekonsiliasie tussen wit en swart Suid-Afrikaners. Die laaste aand sal die aandag vestig op ons gedeelde verantwoordelikheid, spesifiek as wit Suid-Afrikaners, om diep historiese wonde te help genees. Ons gedeelde verantwoordelikheid is dan ook die deurlopende tema van die reeks.>>

Lees verder: Rimpelweek 2017

Top