Ons sluit vanoggend die reeks waarin ons vars gekyk het na die gelykenisse af. Vandag is die gelykenis van die Fariseër en die tollenaar wat altwee in die tempel gaan bid het aan die beurt. (Lukas 18:9-14)

Jesus vertel hierdie gelykenis met die oog op mense wat seker is dat hulle eie saak met God reg is en wat nou op ander neersien wat in hulle oë dalk nie sulke goeie mense is nie. Jesus se dissipels het dalk gedink Hy is weer besig om met die Fariseërs te raas, maar hierdie boodskap is vir hulle bedoel. Ook ek en jy kan as gelowiges maklik begin neersien op ander mense. Natuurlik maak ander mense foute, maar ons mag nooit vergeet dat dit nie ek en jy is wat so oulik is nie. Dit is deur God se genade dat ons hier staan. John Bradford was ʼn ou Engelse kerkvader in die 16de eeu en bekend vir sy vroom en goeie lewe. Volgens oorlewering was hy die oorsprong van die bekende uitdrukking: "There but for the grace of God go I” toe hy ʼn misdadiger sien op pad na die galg toe.

Dit is nie sonder rede dat Jesus net hierna in Lukas ook sê: “Laat die kindertjies na my toe kom en moet hulle nie verhinder nie.”

As jy meer wil weet: Toe Mary Tudor in 1553 koningin in Engeland geword het, het die Katolieke Kerk weer beheer oorgeneem en kerkleiers soos Bradford is ter dood veroordeel oor hulle s.g. kettery. Toe Bradford op die brandstapel staan saam met nog ʼn jong kerkleier, was sy woorde: "Be of good comfort brother; for we shall have a merry supper with the Lord this night!"

Sedert 2012 ontvang kinders in armoede geskenk gevulde skoenbokse met behulp van die Omgee Boks Projek. 

Hierdie jaar het jy die geleentheid om een van 693 kinders in die Klein Karoo se harte te vul met Jesus se boodskap van liefde en hoop.

Registreer op die volgende skakel:
https://goo.gl/forms/iilABS2QM8S436CA3 of vul 'n registrasie bladjie in, beskikbaar na die diens in die tent of by die kerkkantoor. Nadat jy geregistreer het ontvang jy 'n kind se naam en besonderhede. Kliek hier vir die plakkers en kliek hier hom om die boks te verpak.

Stuur voltooide bokse terug na die kerkkantoor voor of op Sondag 15 Oktober.

Deel ook asseblief julle ervaringe en foto's van die projek op ons sosiale media blaaie.

Matt 5:16 - Laat julle lig so voor mense skyn, dat hulle julle goeie werke kan sien en julle vader wat in die hemel is, verheerlik.

Marinda Koch

Moet dit nie misloop nie.

Waarom het God Farao se hart 9 keer verhard voordat hy uiteindelik die Israeliete laat trek het?  

Dit is wat die kinders vra wat aan die Bybelvasvra deelneem wanneer hulle vir rondte 2 voorberei. 
Hulle het Exodus 9-14 en Matteus 5-7 geleer en saam ontdek wat is die verband tussen Moses en Jesus se Bergpredikasie in Matteus. Wat ‘n voorreg is dit nie om saam met ons kinders die Bybel te ontdek nie.

Indien jy belangstel om ‘n groepie van 4 kinders, in graad 3 – 7, af te rig om aan 2018 se Rapportryerbeweging Bybelvasvra deel te neem, kontak vir Annette of Lizl.

Die twee spannetjies wat vanjaar deelgeneem het is:
Van agter links: Annika de Wet, Anné Botha, Danielle Cronjé, Marli van Zyl
Van voor links: Cara Siebert, Kayla Groblaar, Annelien Botha en Mienke Krog

Stel jou voor jy loop in die veld en iets blink hier naby jou voete. Eers skop jy dit so half oop met die punt van jou skoen. Wanneer jy dan registreer dis iets van waarde, ‘n houer vol geld of juwele, val jy op jou knieë en begin sommer met jou hande grawe.

Met die koninkryk van die hemel gaan dit soos met ʼn skat wat in ʼn saailand onder die grond lê... Die verrassing om die skat te ontdek, die vreugde waarmee jy alles prysgee om die skat in die hande te kry. Dis wat die koninkryk van die Here vir ons beteken. Eintlik nog meer, die skat kry vir ons, ons moet dit net raaksien.

Met vreugde sal ons op die grond rondkruip en met ons hande grawe. Dit maak jou irrasioneel en jy kan nooit weer dieselfde wees. My enigste troos in die lewe en dood is dat ek aan Jesus Christus behoort en weet dat die ewige lewe aan my ook behoort.

Top