Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Die Kersseisoen en die vakansie tyd is tyd wat ons assosieer met gesin, familie en vriende. Dit is ‘n tyd van ontspan, uitspan en feesvier. Tog kan dit ook een van die hartseerste tye van die jaar wees. Families wat geliefdes verloor het aan die dood en met verlange terugkyk, kry swaar in hierdie tyd. Maar nog erger is families wat mense verloor het a.g.v. stukkende verhoudinge.
Om oor Kerstyd te weet dat jou familie uitmekaar geskeur is, dat woede en hartseer al jou vreugde steel. Elke keer as jy ‘n gelukkige verhouding, gesin of familie sien wil jy sommer net verdwyn. Ons praat baie oor die herstel van verhoudinge, oor vergifnis, oor ‘n pad van opbou. Dit is egter belangriker om te kyk na hoe werk jy aan gesonde verhoudinge, huwelike, gesinne, familie en verhoudinge met vriende.
Mense kom sit by my vir pastoraat en dan praat hulle oor wat die ander persoon verkeerd doen, hoe word hulle behoeftes nie aangespreek nie. Ons kyk Sondag na Psalm 19 wat vir ons Goeie Nuus gee vir ons verhoudinge. Hier is 'n Bybelse oplossing wat ons nie kan mis nie.
Ons het verlede week vertel van Lizl Botha wat as diensleraar vir Familie- en Jeugbediening beroep word. Hierdie week vertel ons van Marizanne Pfeil-Wessels wat by Hoopgeloofsgemeenskap die leraar was, maar nou ‘n beroep aanvaar het in De Aar. So skryf Marizanne:
"Die laaste twee jaar by Hoopgeloofsgemeenskap was absolute genade. Die mense en herinneringe van Hoopgeloofsgemeenskap sal nog jare lank in my hart leef. Hier het my gemeentelede beddens in my woonstel ingedra sodat my gaste nie op matrasse hoef te slaap nie, as ons selgroep gehou het, het ons kampstoele opgeslaan vir genoeg sitplek en as die jong werkendes by ons kom eet het, het ons die oggend al die meubels in die gastekamer ingedra sodat daar genoeg spasie vir almal in ons leefarea is.
Saam met hierdie spesiale mense, het ek deel geword van die Helderberg-familie – die personeel. Ek onthou my Zoom-kombuistee wat die personeel vir my gehou het asof dit gister was en al die Maandae-oggende saam bid met die personeel en die lag saam met die predikantespan. Dit alles trek saam met my na ons nuwe huis toe. Ek en my man was bevoorreg om deel van hierdie Hoopgeloof en Helderberg-familie te wees, dit was 2 jaar volgeprop met God se genade en ons sal hierdie herinneringe saam met ons neem en dit in ons nuwe gemeente gaan deel met vreugde en nostalgie.
Vir nou verruil ons die stadslewe vir die eenvoud van die karoo. As alles goed afloop hierdie week, trek ons Januarie De Aar toe waar ek as predikant beroep is. Ons is gelyktydig dankbaar en hartseer, maar ons weet God het ‘n storie om met ons daar te skryf."
Marizanne, ons bid jou die seën van die Here toe en al gaan ons jou baie mis, weet ons die Here het ‘n nuwe bediening vir jou in De Aar.
Foto: saam met Marizanne is haar man Cornél
Onthou jy is welkom om in die Tent die lewendige Informele diens te kyk indien die kerk te vol is.
Hierdie komende Sondag, 5 Desember, is daar sowat 45 jongmense wat hulle geloof kom bely. Hulle kom getuig van wat God in hulle lewe doen. Die Here is lewenslank besig in ons lewens. Sy werk in en deur ons kom nie tot ’n einde nie. Sy liefde skyn deur en in ons van begin tot einde. Kom wees deel van hierdie spesiale Sondag by Helderberg Gemeente. Ons gaan ook gesels oor die goeie nuus wat sê dat ons as gelowiges is hoogs skuifbaar. Ons is geskep met die potensiaal om lewenslank te groei as dissipels van Jesus. Ons is geskep om Christus-waarts te bly groei.
Hierdie geloofspad wat ons stap het ook sy eise. Hoe kan ons as dissipels van Jesus seker maak dat ons aanhou volg, groei en leef in ’n uitdagende en veranderende wêreld? Maak seker om saam met ons te stap deur die Woord van God. Mag die Vrede van Christus in jou bly.
- Deon Els
Die deurkollekte Sondag gaan vir MIV- en VIGS-bediening, vandag is ook Wêreldvigsdag. Onthou ons Kerssangdiens Sondagaand om 17:00 en 19:00.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- vir die riglyne in die Bybel
- dat U ‘n doel het met ons lewe
- dat U ons bevry van vrees
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
In die liefde is daar geen vrees nie. 1 Johannes 4:18a
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus