Al jubelend gaan ons die Jubeljaar in. Ons gemeente word 50 en ons weet ons God wat was, en is sal ook die toekoms met ons wees. Ons behoefte is egter om elke dag nader te groei aan God. Daarom leef ons met die leuse “Passie vir God en 'n hart vir mense en 'n wêreld in nood”. Ons doen dit as onvolmaakte mense wat saam met 'n volmaakte God op pad is.

Daarom verstaan ons as gemeente dat ons op pad is met: God, mekaar en die wêreld. Ons het nie al die antwoorde nie, ons is gebroke mense, maar saam kan ons so oorweldig word van God se liefde dat ons nie anders kan as om dit met die wêreld te deel nie. Ons staan stil by die Matt 5:3-11 en hoor hoe beleef ons Μακάριος (Makarios - Goddelike vreugde) in ons lewens. Dit begin egter op 'n baie ongemaklike plek. Geseënd (Makarios) is die wat treur.

Twitter

HelloHelderberg wil jou nooi om deel van ons gasvryheidsbediening te word. Almal met 'n passie en gawe om ander te dien en te bedien is welkom. Dit verg slegs een kwalifikasie - 'n vriendelike glimlag. Die gasvryheidsbediening wil alle gemeentelede betrek, van die jong werkende jeug tot die seniors.

Daar is verskeie plekke waar jy betrokke kan raak:
- Ons baristaspan wat die koffiemasjien beman – ons sal jou leer hoe om ‘n lekker cappuccino te maak. 
- Die verwelkomingspan wat lidmate voor die dienste by die deure verwelkom en tydens die teedrink in die tent tuis laat voel. Hulle help ook nuwe lidmate inskakel.
- Die kombuisspan wat help met voorbereiding vir Sondagverkope, funksies en teeskink by begrafnisse.
- Die span wat help met reëlings vir verskillende funksies en fondsinsamelings soos die Herfs- en Lentemakietie, gemeentebraai, wynproe ens.

Kom gesels met ons en sit koppe bymekaar met enige ander voorstelle wat jy het wat ons kan help om ‘n gasvrye gemeente te wees waar almal deel van die Helderbergfamilie voel.
Kontak ons gerus by Hierdie e-posadres word van Spambotte beskerm. Jy moet JavaScript ontsper om dit te lees..

Twitter

Raak dood, egskeiding of enkelouerskap jou gesin?
Harmony projek bied 2 keer per jaar die GriefShare, DivorceCare, DC4Kids en Single&Parenting kursusse aan. Dit is ‘n inter-kerklike program gegrond op Bybelse waardes om persone en gesinne te help met die dood van ‘n geliefde, egskeiding of enkel ouerskap. Ons
volgende 13 weke siklus begin weer Donderdag, 14 Februarie. Ons eet vanaf om 17:30 saam en om 18:00 – 20:00 word die onderskeie programme aangebied.

GriefShare is ‘n ondersteuningsgroep vir persone wat ‘n lewensmaat, kind, familielid of vriend aan die dood afgestaan het. Hier word jy toegerus vir die pad en proses van rou en verstáán mense mekaar.

Divorce Care is gerig op enigiemand wat in die proses van egskeiding of wat reeds geskei is. Jy kry waardevolle hulpmiddels om jou te help deur die pynlike proses en om weer jou lewe te herbou. Terselfdertyd kry jy ondersteuning by mense wat ook deur dit gaan en verstaan.>>

Twitter

Lees verder: Eerste siklus van 2019

HelloHelderberg wil die jaar afskop deur lidmate te help om ander te leer ken. Omdat ons ‘n groot gemeente is, is daar mense wie se paaie amper nooit kruis nie. Deur kleiner groepe te skep kan ons help om meer mense met mekaar in kontak te bring. Op Sondag 20 Januarie gaan daar lyste in die Tent wees waar jy jou naam kan opskryf en aandui waarin jy belangstel bv fotografie, kunsgroep, leesklub, stapgroep en vele meer.

Enige persoon wat ‘n klub of groep wil begin of belangstel om deel van een te raak kan my, Corneille, kontak. Kom raak deel hiervan om nuwe verhoudinge te help skep.

Twitter