Liewe gemeente, dit is vir my inderdaad ‘n voorreg om die volgende getuienis namens die Projek vir gestremdes te doen.

Die afgelope jaar was moeilik vir almal en die COVID19 saga het veral persone met gestremdheid erger gevang as wat dit vir die meeste van ons was. Weereens is ek dankbaar vir God se genade en liefde wat so duidelik sigbaar is deur die bydraes wat hierdie gemeente maak om die projek te ondersteun.

As voorsitter kry ek gereeld versoeke om persone met gestremdheid by te staan en nog nooit moes ek mense weg wys want daar was nie genoeg fondse nie. Die afgelope jaar kon die fonds ‘n jong man wat as Outisties identifiseer om sy GED (matriek ekwivalent) te begin. Hy het pas sy eerste eksamen geskryf en het ‘n resultaat van 77% opgelewer. (nie sleg vir ‘n kind wat nie in ‘n gewone skool plek kon vind nie!) 

Twitter

Lees verder: Getuienis namens Projek vir gestremdes

Musica Dei se bediening rus op drie hoof pilare
- gemeenskap,
- musiek, en
- ons liefde vir God

Gemeenskap – wat geskep word met die individue se saamkom, saam leer, afrond en uiteindelike optrede van repertoire. Musiek – die talent wat ons almal saam uitleef en God: die begin en die einde van alles wat ons doen. Ons moes egter in Maart vanjaar alle verdere konserte vir 2020 afstel weens Covid-19 inperkingsmaatreëls. Ons kon slegs een Klassieke Klanke konsert aanbied en daarna was daar totale stilte in ons kerkruim.

Met die verslapping van die inperking tot Vlak 1, het ons egter die kans aangegryp om te sien of dit moontlik sou wees om 'n koor en orkes bymekaar te sit vir Helderberg Gemeente se 2020 Kerssangdiens. Die positiewe reaksie wat ons van regoor die Helderberg omgewing en buurdorpe ontvang het hieroor, was oorweldigend en ons sien uit daarna om weer saam die gemeenskap te bedien met die Boodskap van Jesus se geboorte op maat van musiek.

Ons groot projek vir 2021 is die insameling van fondse vir die verdere herstel en skoonmaak van ons kerkorrel. Die meganiese orrel was vir eeue, saam met die horlosie, die hoogste vorm van tegnologie, en benodig konstante instandhouding om hom (haar?) in goeie bruikbare toestand te hou.

Ondersteun asb. hierdie insameling en help ons om Helderberg se orrel vir nog lank deel te hê van die klankpallet in die kerkruim.

Kontak gerus vir Yolanda Botha vir enige navrae by Hierdie e-posadres word van Spambotte beskerm. Jy moet JavaScript ontsper om dit te lees.

Twitter

 Die Uyavula Lees-en-Skryfprojek van Helderberg Uitreik het op 20.10.2020 tydens die ATKV se toekennings die ATKV se Woordveertjies prys ontvang vir Leesbevordering.

Dié projek dra Jesus se liefde na kinders deur stories en boeke. Die projek bedien kleuters tot 13 jarige kinders in Macassar, Chris Nissen Park en Onverwacht deur middel van leesklubs en voorleesgeleenthede in Grondslagfase-klasse en individuele kinders.

Tydens 2019 het 119 vrywilligers ongeveer 2093 kinders bereik in vyf skole, 52 klasse en vier leesklubs. Die projek staan op die drumpel van verdere uitbreiding. Helderberg Uitreik is baie trots op hierdie projek en bring alle eer aan God vir die wonderlike erkenning van die ATKV.

Dankie aan projekleier Adele Botha en Projekkoördineerder Amanda de Villiers, asook die 119 vrywilliges wat passievol is oor die bevordering van lees by kinders.

Twitter

Om die opgestane Here te sien, gooi ons eenvoudig omver. Draai ons om. Gee ons nuwe fokus. Nuwe perspektiewe. Ons sal Jesus sien! Die heel beste bewys vir die opstanding van Christus is wanneer verloste sondaars ‘n opstandingslewe begin lei. Ons is die week besig met Markus 16:1-20. Die vrae met aantekeninge is beskikbaar op die web by Mediateek. kliek hier

Donderdag, 22 Oktober is daar twee geleenthede om in te skakel by die bespreking van Markus 16:1-20 – ‘n Zoom-byeenkoms om 09:00 en ‘n byeenkoms in die kapel om 10:00.

Die skakel na die Zoom-byeenkoms is: https://us04web.zoom.us/j/73599128947?pwd=azhhdVRtQXI0R3J2SGlMYkZSNDRIdz09 (Meeting ID: 735 9912 8947 - Passcode: 1d6eY5)

Donderdag, 29 Oktober is dit die afsluiting van die Bybelstudie uit die Evangelie van Markus met ‘n gesamentlike byeenkoms om 09:00 by die kerk.

Twitter

Die Uyavula Lees-en Skryfprojek wil graag Jesus se liefde deur stories en boeke na kinders bring. Die projek bedien kleuters tot 13 jarige kinders in Macassar, Chris Nissen Park en Onverwacht deur middel van leesklubs en voorleesgeleenthede in Grondslagfase-klasse of individuele kinders. Tydens 2019 het 119 vrywilligers ongeveer 2093 kinders bereik in vyf skole, 52 klasse en vier leesklubs
Malinda Kruger, hoof van Altena Primêre Skool, som Uyavula se inset so op: “To all the classes the visits were the highlight of the week. Readers put great effort into the choice of books, questions they asked and discussions about the stories afterwards. A love for reading, stories and books were created. The learners started behaving better and some were even removed from the list of learners with behaviour barriers. We cannot imagine teaching and learning anymore without the support of Uyavula readers. May they forever be part of the Altena family.” 

Keer op keer staan ons in verwondering oor die wyse waarop iets so maklik, eenvoudig en boonop “lekker” gebruik word om ‘n betekenisvolle verskil te maak op soveel vlakke en in vele harte.
Gedurende 2020/21 wil ons graag:
1. Die lokaal by Altena Primêre Skool (Onverwacht) inrig en gebruik vir leessessies.
2. Die opvoeders ondersteun.
3. Genoeg vrywilligers hê om in die behoefte te voorsien
4. Een tot een lesers vir die skole waarby Uyavula betrokke is te voorsien.
5. Boeke aankoop en insamel vir voorlees en klasbiblioteke.

Projekleier: Adéle Botha, 072 542 2563 Hierdie e-posadres word van Spambotte beskerm. Jy moet JavaScript ontsper om dit te lees.
Koördineerder: Amanda de Villiers Hierdie e-posadres word van Spambotte beskerm. Jy moet JavaScript ontsper om dit te lees.

Twitter