Vir die wat na Sondag se diens by die kerkgebou kom bywoon, hier is 'n kaart om dinge bietjie makliker te maak.

Twitter

Op Sondag, 8 November lewer Hannes Theron sy afskeidspreek by die onderstaande dienste. Ongelukkig is ons nog vanweë Covid-19 regulasies beperk met getalle.

Dit is baie belangrik dat jy jou plek vooraf sal bespreek vir een van die dienste, deur op ‘n skakel te kliek:
• 08:00 Klassieke diens met meditatiewe momente in die Kapel: kliek hier (ongelukkig reeds vol)
• 09:30 Informele diens in Korinte: kliek hier
• 19:00 Aandkerk in die Tent: kliek hier 

Hou kommunikasie dop vir praktiese reëlings rondom toegang en parkering.
Daarmee saam gaan ons heerlik vanaf 11:00 onder ‘n tent in die Kapel parkering kuier. Daar sal beespotjiekos met bykosse en nagereg te koop wees @ R30 pp.

Kaartjies moet ter wille van getalle voor Woensdag, 4 November by Ontvangs gekoop word.
Bring asseblief jou eie piekniekmandjie met eetgerei, borde, glase en drinkgoed saam. Ons verskaf tafels en stoele volgens Covid-restaurant regulasies en maskers is verpligtend. Maar onthou dat aangesien dit ‘n sosiale situasie is waar geëet word, ons asseblief ekstra bedag moet wees om sosiale afstand te handhaaf. Hoop om jou daar te sien. Navrae: Corneille by Hierdie e-posadres word van Spambotte beskerm. Jy moet JavaScript ontsper om dit te lees.

Twitter

Die Skrifgedeelte vir Sondag is uit Josua 3:1-8 en Josua 24:14-16.

Die tema is: Die verlede, wegspringplek na die toekoms.

Om God se beloftes te hoor en daaroor na te dink, beteken niks as dit nie tot dissipelskap lei nie. Josua het sy mense behoorlik laat besef hulle moet twee maal dink wanneer hulle sê hulle dien die Here. Dit is wat Jesus ook in Lukas 14:25-33 sê, naamlik dat dissipelskap vra om koste te bereken. Daarom daag hierdie gedeelte ons uit om weer oor ons verbintenis aan God aandag te gee. As ons ons verwonder oor God se genade in Christus, sal ons sy genade eer deur Hom lief te hê, te dien en na sy stem te luister. Daarom is hertoewyding vandag nodig!

Twitter

Ondersteun assseblief die dogters van
Oklahoma Primêre-skool Macassar

Confidence is ‘n inisiatief om aan dogters die nodige sanitêre benodighede te voorsien en dit vir hulle moontlik te maak om met selfvertroue en waardigheid skool toe te gaan.

Produk-bydraes kan asb. by die Kerkkantoor afgegee word.

Donasies hiervoor kan by Helderberg Uitreik se rekening inbetaal word.

Helderberg Uitreik
ABSA:      Helderberg
Rek nr:     9114 483 080,
Takkode:  632005
                            Verwys:    Confidence

Jou ondersteuning maak ‘n groot verskil in die dogters se lewens.
Navrae: Aneleh 083 292 5358 of Tihanna 071 994 9227

Twitter

Agapé Mediese Projek
Ons Projek bestaan uit ‘n aantal mediese dokters en spesialiste in die Helderberg wat hulle tyd en liefde gee aan persone wat dringend enige mediese hulp nodig het. Daar is so groot behoefte aan hulp en ek kan net getuig hoe ons Hemelse Vader die regte persone op Sy tyd kies om die regte soort hulp te kry. Die projek is al 3 jaar deel van Uitreik. Ons as ‘n projekspan is die middelman tussen die pasiënt en die dokter.Enige verwysing word na ons gestuur waar ons dan die spesifieke hospitaal, patoloog , radioloog of dokter nader. Soms is ons maar moedeloos en weet nie waar daar hulp vandaan gaan kom nie. Deur geloof, hoop en liefde het God Agape nog nooit in die steek gelaat nie.
By God is die onmoontlike, moontlik. Agape se stories van genesing is ‘n getuienis van hoe die Here mense gebruik om in ander se nood, ‘n verskil te kan maak. Soms is dit menswaardigheid, soms deur middel van ‘n epos. Die foto is van ‘n 8 jarige dogtertjie op Rietbron wat gretig is om te leer maar glad nie in die klas op die bord kan sien nie. Deur middel van ‘n oogtoets en haar brilletjie kan sy nie net op die bord sien nie maar ook beleef hoe ander vir haar omgee en so God se liefde ervaar.

Enige persone met mediese agtergrond is welkom om deel te raak van die Projek.
Enige persoon wat die werk van God wil beleef en wil deel raak van die Projek kan ons skakel.
Projek leier: Junita Kruger, kontaknommer: 0836503291

Twitter