Paul Barnard het positief getoets vir Covid-19. Hy is in isolasie en het simptome soos hoofpyn, benoudheid in sy bors, hoes, keelseer, lyfseer ens. Hy voel egter positief en sy vrou, Danette, toets steeds negatief. Hy waardeer al die boodskappe en omgee van mense. Hou sy Facebookblad dop vir meer persoonlike kommentaar.

Bid ook saam met ons vir die mense op die gebedslys. Die lys word elke week opgedateer en is op die webblad, Facebook en Whatsappgroepe. As ons vir jou moet bid of as jy wil saam bid vir die mense, kontak vir Grazie by Hierdie e-posadres word van Spambotte beskerm. Jy moet JavaScript ontsper om dit te lees..

“Selfs Covid-19 en ‘n totale lockdown in Indië het haar nie in haar werk gestuit nie”. Helderberg Uitreik se nuuste projek, “Colours of India” is in Maart 2020 registreer met ‘n Suid-Afrikaanse vrou as werker, wat vreesloos en geesvervuld die Evangelie in Indië verkondig. Sy bedien die mees onbereikte mense aan die ooste van Indië. Sy loop ‘n dissipelmakende pad met mense en straal Sy liefde uit. Sy ondersteun ook weduwees en kinders wat weens die kultuur uit die familiekringe uitgewerp word. Haar projekspan wil haar graag ondersteun om hierdie bediening uit te brei om meer mense te bereik en meer dissipels te maak.

Projekleier is Mariana Crook 

Ondersteun die projek deur deel te neem aan ‘n aanlyn kunsveiling van twee pragtige skilderye.
Roelof Rossouw “One of the world’s best living artist” The American Art Awards www.art.co.za/roelofrossouw of Facebook Roelof Rossouw Art
The old Ballet School - olie en akriel - 1000mm x 760mm op doek ongeraam

Anneke Smuts by Facebook Anneke Smuts Artist
Rose - olie - 355mm X 460mm op doek ongeraam

Stuur jou bod voor 31 Julie per e-pos na Mariana Crook by Hierdie e-posadres word van Spambotte beskerm. Jy moet JavaScript ontsper om dit te lees.

Skilderye kan besigtig word by Helderberg Gemeente kerkkantoor 

As jy wil weet wat aangaan in die gemeente word dan deel van ons Events Whatsapp broadcast-groep. Daar is ook ander verskillende groepe waar jy kan aansluit – lees meer op die web, kliek hier.

Om meer te hoor van toekomstige kuiers en sosiale gebeure kliek op die skakel vir die Events-groep, dan word jy outomaties opgesit. Stoor dan ook Helderberg Gemeente se Whatsapp-nommer op jou selfoon: 063 920 6580. Die inligting word as ʼn “broadcast” uitstuur, dus kan jy nie daarop terug antwoord nie, maar 'n kontakpersoon en nommer sal altyd gegee word.

Die Psalms kan eintlik heel basies beskryf word as óf ‘n loflied óf ‘n klaaglied. Lofprysing en smeekbede is die twee pole wat die aard van alle gesprekke met God bepaal. God stel nie net belang in vroom en dapper mense nie, maar ook in opstandige mense wat eerlik en opreg hul nood, sonde, ellende en ongemak voor God bely. Die probleem vandag is juis dat ons nie met ons ongemak voor die Here kom staan nie, maar eerder net kom vra, soms baie voorskriftelik kom vra.

Sondag dans ons op ’n Klaagpsalm – Psalm 130 – met die tema: Eerlik met God in tye van ongemak.

Ons dienste word uitgesaai op die webblad (voorblad) en op YouTube. Ons sit ook skakels op Facebook en Whatsapp.

Deurkollekte gaan vir kinderhuise.

Al ons kreatiewe lidmate word uitgenooi om deel te neem aan Helderberg Gemeente se virtuele kunsuitstalling in Julie. Daar is geen tema nie en enige kunsmedium soos skilderye, beeldhouwerk, fotografie en dies meer is welkom. Jy hoef ook nie ‘n professionele kunstenaar te wees nie. Die kunswerke sal in Julie op die gemeente se sosiale media te sien wees en sluit sommer ook aan by die afsluiting van ons Psalms preekreeks.

Vir meer inligting oor praktiese reëlings, koste en inskrywingsvorms kontak Corneille Barnard by Hierdie e-posadres word van Spambotte beskerm. Jy moet JavaScript ontsper om dit te lees.. Ons hoop om jou daar te sien en onthou asseblief – dit is nie net vir professionele kunstenaars nie. Dit is ‘n manier vir ons lidmate om mekaar te leer ken.

“Creativity is contagious – you have to pass it on” - Albert Einstein

Top