'n Passie vir God

 
en 'n hart vir mense en 'n wêreld in nood

Sommige reken die onlangse gebeure in ons land is die begin van die einde. Vir ander weer is ons op die einde. Koerante vlieg van die rakke af met opskrifte soos “Just the beginning”. Mense is onseker. Die kassier by Pick n Pay vertel my dat hulle Saterdagoggend vroeg moes inkom om te help “restock”. Die rakke is leeg gekoop. Hier is ‘n nuwe seisoen wat aanbreek vir Suid-Afrika.

Regdeur die Bybel lees ons van oorgangstydperke. Ons lees van volke, gelowiges en dissipels wat nuwe seisoene moet aanpak. Die goeie nuus is dat die Here die weg van elke nuwe seisoen ken. Hy ken die pad. So baie male gebeur dit dat gelowiges knus by die voete van Jesus wil wegkruip met die aanbreek van ‘n nuwe era.

Hierdie komende Sondag gesels ons oor hoe Jesus hierdie wêreld saam met ons wil binne stap. Hoe help die groter narratief van die Bybel ons om te reageer op die nuwe seisoen. - Deon Els

Die dienste is beskikbaar op ons YouTube-kanaal, ons Facebookblad, webblad en ook op die gemeente se WhatsApp-groep. Sondag se deurkollekte gaan vir dankoffer.

Ons kry navrae van mense wat graag iets wil adverteer en ons kry ook terugvoering van mense wat reeds gebruik maak van ons “adverteringsplekke”. Daar is twee plekke waar jy advertensies kan plaas en dit is op die webblad, asook Facebook.

Op die webblad (www.nghelder.co.za) gaan jy regs bo na Adverteerders en volg dan die maklike stappe. Dan kan jy ook op ons Facebookgroep met die naam Helderberg Gemeente gesels lekker inskryf en jou advertensie daar plaas. Gaan kyk gerus na wat reeds beskikbaar is hier. Natuurlik moet die advertensie ook nie teen ons waardes wees nie.

Ons begin weer met Bybelstudie hierdie week. Kliek hier vir die uitdeelstuk van Rob Clarke vir dié week se byeenkoms en hier is die Zoom-skakel:
https://us04web.zoom.us/j/76916879827?pwd=SnJxYTdPNTFQRmNCQThaQXBacTlBdz09
Meeting ID: 769 1687 9827
Passcode: pM6edU

Spreuke 30:7-9
Anton Müller, ‘n gestremde outistiese man, skryf die volgende in sy boek Ek onthou (2021):
“Ek het genoeg. Ek hunker na niks meer nie. My besittings is my fiets, my klere, my huisraad en my televisie. Maar dit is my aardse besittings. Ek het ook besittings soos geloof, my gesondheid, my familie en vriende, my vrede en my dankbaarheid. Ek is skatryk. Daar is niks waarvan ek weet waarvoor ek my oogtande sou wou gee nie.” Ons word van kleinsaf geleer om hard te werk sodat ons net nog meer kan bereik en nog meer kan besit.

Wanneer het ons genoeg in die lewe bereik? Wanneer besit ons genoeg? In die Covid-tyd sien ons hoe baie mense swaarkry en dit laat ons weer dink oor ons eie lewe. Wat is genoeg vir my? Hoe kan ek ander help? In Spreuke 30:8b staan die volgende woorde: “Moet my nie armoede of rykdom gee nie; breek my porsie brood vir my af” En in die Ons Vader gebed leer die Here vir ons bid: “Gee ons vandag ons daaglikse brood” (Matt 6:11).>>

Lees verder: Genoeg: ‘n lewe van matigheid

Top