'n Passie vir God

 
en 'n hart vir mense en 'n wêreld in nood

“Die vorm van aanbidding wat uit die standpunt van ons God en Vader rein en onbesmet is, is dit: om na wese en weduwees in hulle verdrukking om te sien en om jou sonder vlek van die wêreld te bewaar.” – Jakobus 1:27.

In ons gemeente sien die Versorgingsfonds namens ons almal om na die wese en die weduwees. Die fonds word aangevoer deur Hennie Smit, bygestaan deur Karen de Beer, Marié Kotzé (albei maatskaplike werkers) en vyf emosionele voogde en vyf finansiële voogde. Verder ondersteun omgeegroepe en professionele persone (wat insluit ‘n mediese dokter, psigiater, prokureur, asook die kliniek) hierdie projek kostevry.

Die span ondersteun tans 14 gesinne in die gemeente. Elke gesin word minstens een keer per maand besoek – die span doen dit op hul eie koste en eie tyd. ‘n Besoek is dikwels die enigste persoonlike kontak wat hierdie mense met die gemeente het en dit is maklik om in te sien dat só ‘n besoek nie net oor fisiese lewensmiddele gaan nie, maar dat Hennie en sy span waarskynlik die rol van vertrooster, berader en motiveerder moet speel.

Die fonds betaal ongeveer R72 000 per maand uit, maar ontvang slegs bydraes van ongeveer R25 000.>>

Lees verder: Versorgingsfonds – die weduwees en die wese

Ek wens alles het altyd gegaan soos ek dit beplan. Maar vroeg reeds moes ek hierdie harde les leer dit werk nie so nie. Ek het later gedink toe ek my hart vir die Here gee, nou uiteindelik gaan dinge reg loop, maar net om weer te ontdek dat om die Here te aanbid nie vir jou vrywaar van die harde werklikheid van hierdie aarde nie.

Om die Here te dien beteken dat God elke tree in hierdie harde werklikheid saam met ons stap. Ek het ook ontdek dat dit nie God is wat teleurstel nie, maar ek wat God teleurstel omdat ek so baie droogmaak, val, sukkel. Die hoop het daarin gelê dat ek ontdek het God is die God van tweede kanse. Nie net wanneer ek in my geloof val nie, maar wanneer die wêreld my stukkend kou en uitspoeg. Wanneer ek op my laagste is, het God nooit teleurgesteld weggestap nie, maar hy het by my kom sit en gesê: “Ek het ‘n droom vir jou”. Ek wil hê jy moet leef en leef met oorvloed. Ek wil hê daar moet passie en vreugde in jou lewe wees, maar Hy het my nooit gedwing nie, Hy het my net aangemoedig om self op te staan en weer te probeer.>>

Lees verder: EK wens die lewe was maklik

Nog een week oor om te stem vir jou gunsteling foto.

Kompetisie sluit 30 September.

So maak mens om te stem, kliek hier.

Top