Daar kom mos tye in jou lewe waarin jy graag in God sê oor wil fluister: "Here God, ek weet U is in beheer; is daar nie ‘n moontlikheid dat U dit net vir ‘n oomblik meer sigbaar kan maak nie?” Petrus, Jakobus en Johannes het so ‘n intense Goddelike oomblik beleef met Jesus se verheerliking op die berg. Die week se Bybelstudie handel oor Markus 9:2-13. Die vrae met aantekeninge is beskikbaar op die webblad, kliek hier. Vir die wat graag wil saamgesels, is daar ‘n Zoom-byeenkoms Donderdag, 25 Junie om 09:00.
Die skakel na die byeenkoms is: https://us04web.zoom.us/j/78342132878?pwd=U0JnZEtzMW8yNFRIeVRDWnUrZFI0dz09 (Meeting ID: 783 4213 2878; Password: 3AA4ey)

Twitter

Burgert en Maritha le Roux was 45 jaar lank deel van Helderberg Gemeente en vertrek op 25 Junie na hulle nuwe tuiste in Mosselbaai. ‘n Mens kan jou amper nie die gemeente indink sonder hierdie twee besonderse lidmate nie. Toe ek in 1991 hier gekom het, was Burgert, Maritha en hulle drie dogters Esmé, Marié en Nina al klaar baie aktief in die gemeente – ‘n mens sien hulle gesin so sit in die kerkbanke.

Burgert skryf die volgende in sy groete e-pos: “Maritha en ek sal Helderberg Gemeente altyd onthou as die plek waar ons geloofslewe wonderlik gegroei het. Daar was oorvloedige geleenthede vir ons albei om betrokke te kon wees in die areas waar die Here ons met gawes en talente toevertrou het.” En ja, hulle was betrokke by “oorvloedige” dienswerk in ons gemeente. Ek was bevoorreg om in die beginjare saam met Maritha by die Kinder- en Jeugklub (Kinderkrans) te werk en alreeds vanaf die begin was sy vir my ‘n voorbeeld en mentor. Sy en Burgert was geestelike mentors vir talle persone.

Maritha was later betrokke by die kerkraad, Alternatiewe bediening en het haar bediening in Helderberg afgesluit by die Beradingsentrum. Burgert het vir 25 jaar die klank van die gemeente gedoen en was ook betrokke by die omgeebediening, Uitreikprojekleier (Annelize Wiid), kommunikasie en veral die laaste tyd by die gemeente se webwerf.>>

Twitter

Lees verder: Ons groet vir Burgert en Maritha

Mag dit vir elke vader hierdie Sondag 'n geseënde Vadersdag wees. Baie dankie vir die rol wat julle in die kinders se lewe speel en ook dit wat julle vir julle vrouens, susters en moeders beteken.

Twitter

Ons teksgedeelte vir Sondag 21 Junie is Psalm 47 en die tema “God is Koning en ons sy koningskinders.” Mense ontstel hulle baie oor politieke leiers se optrede, veral in hierdie krisistyd. Ons weet egter dat aardse konings en koninkryke kom en gaan. Ons kan nie op hulle vertrou nie. Die skrywers van Psalm 47 het amper nie genoeg woorde om God as Koning se lof te besing nie. Ons word opgeroep om vir God as die enigste ware Koning van die hemel en die aarde te erken. Elkeen staan nederig voor Hom. Dit is ons wens dat meer en meer mense vir Hom as Koning sal eer. Ons wil graag as koningskinders leef. Ons wil elke dag bid: “Laat U koninkryk kom” en daarmee saam ook “laat my eie koninkryk gaan”. Ons wil ons beywer vir sy koninkryk en sy wil.

Ons dienste word uitgesaai op die webblad (voorblad) en op YouTube. Ons sit ook skakels op Facebook en Whatsapp.

Deurkollekte gaan vir Dankoffers.

Twitter

Heerlike Merweville droëwors is te koop by Helderberg Ontvangs ten bate van die Versorgingsfonds.

Daar is pakkies van R230 per 1kg en R115 per 500g.

Dit is beskikbaar Maandae tot Vrydae vanaf 09:00 tot 13:00 by die kerkkantoor.

Twitter