Moenie dit misloop nie.

Twitter

Op Hemelvaart dag, Donderdag, 25 Mei 2017, vier Helderberg Gemeente fees en ons het meer as genoeg rede om fees te vier. Ons vier eintlik op Hemelvaart die teenwoordigheid van die Here Jesus Christus – Hy is Here en Hy is hier!

Ons vier dit met twee geleenthede om 11:00 en 19:00 wat deur Herman Breytenbach gelei word met ʼn monoloog opvoering van die evangelie van Matteus en Johannes. Herman is nie net ’n deeglike kenner van die Bybel nie, maar ook ’n merkwaardige storieverteller. Herman sal van sy boeke te koop aanbied. Daar sal ook ʼn ete in die tent wees en donasies daarvoor sal waardeer word. Kom vier met vrymoedigheid die evangelie saam met ons.

Kom kuier lekker saam na die oggenddiens met ietsie te ete. Die aand is die eetgoed vooraf vanaf 18:00 beskikbaar.

Twitter

Soos wat ons die Die Storie behandel by die Tekkiekerk, ontvang elke kind bypassende kaartjies wat hulle deur die loop van die jaar bymekaar maak om na afloop van die jaar, na God se storie van die Bybel te kyk.

Om al hierdie kaartjies bymekaar te hou, is ‘n boek beskikbaar waarin hierdie kaartjie gebêre kan word. Dit is te koop teen R55 by die Ontvangs. Hou jou kind se Storie so bymekaar.

JC de Jongh

Twitter

Pinkster begin op Sondag, 28 Mei. Nelus Niemandt gaan die reeks vir ons aanbied. Hieronder is meer oor die reeks en oor Nelus. Die dienste sal elke aand om 19:00 in die kerk wees en herhaal word die volgende oggend om 10:00 in die Kapel. Daar sal ook etes te koop wees elke aand na die diens.

Ontdek die held in jou - Efes 4:1-16

Sondagoggend, 28 Mei - Patrone van dissipelskap
Sondagaand, 28 Mei - Apostels: helde wat die groot prentjie sien
Maandag, 29 Mei - Profete: dapper helde wat nie bang is vir die waarheid nie
Dinsdag, 30 Mei - Herders: verander die wêreld met sagte sorg
Woensdag, 31 Mei - Evangeliste: aansteeklike verskilmakers
Donderdag, 1 Junie - Leraars: van nuuskierigheid is die kerk vol!
Sondagoggend, 4 Junie - Watter hoed (held) pas jou?

Opsomming
Ons leef in tye waar mense baie belangstel in superhelde. Kinders is gek oor TV-reeks daaroor en elkeen het een of ander superheld. Superhelde herinner ons daaraan dat daar baie ou patrone of maniere van optrede is wat dwarsdeur die geskiedenis ʼn verskil aan mense se lewe gemaak het. Hierdie patrone of oertipes is belangrik om ons te help om waarlik te lewe en deel te wees van God se Koninkryk. Dit is eintlik niks anders as patrone van dissipelskap nie. By Jesus se hemelvaart gee Hy juis hierdie “superhelde” as geskenke aan die kerk om die kerk op te bou en toe te rus. Ons gaan met nuwe oë kyk na apostels, profete, herders, evangeliste en leraars.

Iets oor my reis...>>

Twitter

Lees verder: Pinkster 2017

Maandag, 28 Mei tot Donderdag, 1 Junie om 19:00 - 20:00 
Die kerk se groot werk
Klein mensies kan ‘n gróót verskil in die wêreld maak

Geen rede omdat jy kleuters in die huis het, dat jy as ouer nie vanjaar die gemeente se Pinkster reeks kan bywoon nie. Goeie nuus! Daar word vir ons kleuters ook ‘n reeks aangebied. Jy kan jou kleuter met ‘n geruste hart na die Kleuterkerklokaal neem waar hulle hul eie Pinkstertema gaan hê: Die Kerk se groot werk.

God het nooit bedoel dat die kerk ‘n gebou moet wees nie. Die kerk is ek én jy! Ons moet Jesus se hande en voete op aarde wees. Kleuters is nie te klein om vir God te werk nie. Dwarsdeur die Bybel gebruik God kinders om sy werk te doen.

Daarom is ons hierdie jaar baie opgewonde om tydens Pinkster saam met die kleuters deur die boek Handelinge te stap. Hulle gaan leer om getuies te wees net soos in die Bybelse tyd vanaf Jerusalem sowel as die hele Judea, in Samaria en tot in die uithoeke van die wêreld.

Hulle gaan ook leer:>>

Twitter

Lees verder: Kleuters se Pinkster