Helderberg Ontwikkelingsentrum lei tans huishulpe op wat spesifiek op die behoeftes van senior burgers fokus. LW Hulle is nie opgelei in versorging of verpleging nie.

Onderwerpe wat gedek word in hulle opleiding is: Working with the Elderly; Housekeeping; Safety and Injury Prevention; Nutrition and Meal Preparation; Personal Care; Healthcare and Medication.

Indien jy belangstel om ‘n huishulp aan te stel met hierdie spesifieke opleiding, kontak asb Sarie van Rooyen (Studente-steunbeampte) by 061 008 4141 of Hierdie e-posadres word van Spambotte beskerm. Jy moet JavaScript ontsper om dit te lees.

Twitter

Ons sien orals waar Jesus beweeg het, was daar ’n energie om Hom. Daar was mense om hom. Mense het vinnig gesien dat hierdie man wat hulle Jesus noem is nie net ’n enige iemand nie. In die harte van die mense sou daar ’n verwagting wees dat Hy is wie Hy sê hy is. Die Verlosser. Ons lees dat Jesus in sekere dorpe so baie aandag getrek het dat mense om hom saamgedrom het.

Ons lees gereeld dat vreemdes, sondige mens en siekes dit geniet om in Jesus en sy dissipels se teenwoordigheid te wees. Dit is vir hulle lekker om saam om ’n tafel te sit en kuier en saam te eet.

En so word ’n eenvoudige meubelstuk wat in meeste mense se huise staan, die vertrekpunt, die kern van Jesus se bediening aan almal wat soek. Jesus het die vreemde gewoonte gehad om die vyand te nooi om saam met hom om ’n tafel te sit en eet. Om saam met ’n tollenaar te geëet het, was om letterlik jou familie te verloën.>>

Twitter

Lees verder: Vreemde eet gewoonte

Helderberg Uitreik se Sir Lowry’s Pass projek fokus op die kinders van die Village. Ons bestuur sedert 2010 ‘n Kindervoedingsprogram in samewerking met inwoners soos Babsie Steyn (Sir Lowry’s Pass Primêr), Fiela Opperman (Fiela se huis-sopkombuise en Young Ones-tienerkoffiekamer) en Zelna Cupido (Kingdom Kids crèche). Behalwe vir die direkte waarde van gesonde, gereelde voeding, glo ons ook dit is een van die voorvereistes vir suksesvolle opvoeding wat weer die sleutels tot persoonlike ontwikkeling en armoedeverligting is. Tydens die grendeltyd kon ons weekliks bestanddele voorsien sodat hierdie engele in die Village vir die gemeenskap kon kosmaak. Ons het by hulle gesien wat dit beteken om Jesus se hande en voete te wees en om ander met ‘n liefdevolle gesindheid te dien.

Die SLP Leerderondersteuningsprogram het in 2014 begin en leerders van SLP Primêr wat Graad 7 suksesvol voltooi het en met hulle hoërskoolopleiding wil voortgaan, finansieel te ondersteun. Die doel van die program is om behoeftige leerders d.m.v. ‘n beurs in staat te stel om met hul hoërskoolopleiding voort te gaan en hul vordering te moniteer. Die beurs dek skoolfooie, uniforms en skryfbehoeftes. Gemeentelede se bydraes stel ons in staat om tot 20 leerders per jaar in hierdie program te ondersteun. Die SLP-projek bied ook sedert 2018 ekstra Wiskunde-tutorklasse aan hoërskoolleerders.>>

Twitter

Lees verder: Getuienisgeleentheid: Sir Lowry’s Pass projek

Ons is opgewonde om Olivia Gardner te verwelkom!
Olivia kom van 'n klein dorp af Kariega/Uitenhage. Sy is opgewonde om in ons gemeenskap te kom werk. Olivia geniet dit om seker te maak al die fyn besonderhede is in plek om Aanbidding 'n goeie ervaring vir almal te maak. Haar energie en passie vir die Here is aansteeklik en ons bid haar alle seën toe vir die nuwe seisoen in haar lewe.

Twitter