Kontak gerus vir Grazie by Hierdie e-posadres word van Spambotte beskerm. Jy moet JavaScript ontsper om dit te lees.

Twitter

Die Harmony-span streef daarna om individue en hul kinders wat geraak word deur die dood van ‘n geliefde, egskeiding en enkelouerskap te ondersteun en te mobiliseer om draers van Christus se hoop te wees.

Die programme Grief Share en Divorce Care begin 16 Februarie en word in September herhaal. Dit bestaan uit 13 sessies wat jou help en toerus vir die moeilike pad van rou en egskeiding. Donderdae-aande van 18:00 tot 20:00 kom die groepe in onderskeie lokale bymekaar en kyk na ‘n video wat aangebied word deur professionele persone en mense wat self die pad van genesing al gestap het. Na die video fasiliteer ons vrywilligers, wat verstaan en weet wat hierdie pyn beteken, die vrywillige groepbesprekings. Dit is hier waar mense besef dat wat hulle deurgaan normaal is en dat ander ook in dieselfde bootjie is.

Enige persone, ook nie-lidmate, is welkom om die programme by te woon. Jy hoef nie dié pynlike pad alleen te stap nie.

Ons deel graag 2 getuienisse:>>

Twitter

Lees verder: Getuienisgeleentheid: Harmony Projek

Ons het pas by Helderberg Gemeente begin met ’n reeks: 7 Weke aan tafel met Jesus. Ons wil leer by Jesus se tafelgewoontes. Hierdie week sien ons Jesus eet nie net saam met die “vrate en wynsuipers” nie. Jesus eet ook in die “pastorie”. By hierdie ete is daar opskudding en skandes, maar veral is daar genade. Genade vir die vromes en die minder vromes. En dalk het die vromes dit baie meer nodig as wat hulle besef.

Lees saam met ons hierdie week elke dag Lukas 7:36-50. Nooi iemand en gesels saam daaroor rondom ’n bord kos of iets om te drink. Kom Sondag na die eredienste. Kom aanbid die Here, beleef die saamwees van gelowiges en die boodskap oor die teks. Die 7 Weke aan tafel met Jesus-gids sal ook weer beskikbaar wees. Sien jou Sondag.

Danie Möller

Twitter

Jurie Goosen het op 15 Januarie 2023 sy demissie ontvang van Helderberg Gemeente in Somerset-Wes, vanwaar hy sedert sy bevestiging in 1989 as die eerste sendeling van die gemeente uitgestuur is. “Ons is baie dankbaar vir die gebede en ondersteuning van Helderberg Gemeente en Helderberg Uitreik oor baie jare”, skryf Jurie.

Jurie loof die Here vir Sy getrouheid oor baie jare en die voorreg om in Sy diens te staan. “Die Here het deure geopen na studente van die mees geslote lande. Ek is baie dankbaar vir die ondersteuning van 'n goeie lewensmaat en medewerker (Magdaleen), sonder wie ek nie die bediening sou kon doen nie.”

Die verantwoordelikhede van die gemeente vir Internasionale Studente op Stellenbosch gee hy oor aan Tyler Helfers, ‘n gereformeerde predikant van die VSA wat die werk as ‘n uitreikbediening van Stellenbosch Moedergemeente sal voorsit.

Aftrede is vir Jurie 'n nuwe seisoen en nie die einde van sy roeping nie. Hy wil voortgaan met die vriendskap met studente van geslote lande en bemoediging van leiers uit die Majority Christian World. Verder wil hy Magdaleen, wat nog vier jaar van bediening oor het, ondersteun. Hy sien ook uit na 'n kans om meer te lees en te skryf.

Met groot waardering vir jou gewaardeerde en passievolle bydrae tot die Internasionale Studentebediening-projek van Helderberg Uitreik.

Louise Theron
Uitreikbestuur

Foto: Jurie en Magdaleen saam met internasionale studente

Twitter

Ons is besig met ons 7 weke reeks “Aan tafel met Jesus” en hierdie week se teksgedeelte is die verhaal van die Emmausgangers in Lukas 24:13-35. Kleopas en sy reisgenoot stap ongeveer 11 km saam met Jesus vanaf Jerusalem na Emmaus. Hulle gesels oor allerhande dinge, maar hulle herken glad nie vir Jesus in hulle midde nie. Maar nadat hulle aan tafel gaan sit het en die brood gebreek het, gaan hulle oë oop. Hulle herken vir Jesus. En hieroor kon hulle nie stilbly nie.

Dit kan gebeur dat ons nié vir Jesus in ons midde raaksien nie. Soms help dit om saam met Jesus en sy kinders “aan tafel” te gaan sit sodat ons Hom in die oë kan kyk. Hy sal ons “harte laat brand” te midde van ‘n wêreld wat ons kan moedeloos maak. Sien jou Sondag.

Danie O’Kennedy

Twitter