Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Om deel te wees van Seniorsorg is ‘n unieke geleentheid om dankie te sê aan die senior inwoners/lidmate van die gemeente vir jare se toewyding, voorbeeld en voorbidding in die gemeente. Seniorsorg is betrokke by Huis Marie Louw, Zandvliet en Strandsorg se Huis Esperanza by wyse van maandelikse finansiële ondersteuning. Daarmee saam bring Seniorsorg gereeld besoeke aan die tehuise om saam met die inwoners te kuier en heerlike bederfies te geniet terwyl ‘n gaskunstenaar ons met sang en musiek vermaak.
Die tehuise het unieke behoeftes. In 2022 is Huis Marie Louw ondersteun om die fasiliteit te verbeter. Vanjaar beplan Seniorsorg om Esperanza by te staan om ‘n aktiwiteitsentrum op die been te bring. Die aktiwiteitsentrum word benut om die Alzheimer-inwoners te stimuleer ten einde die verloop van Alzheimer positief te bestuur. Items soos eenvoudige legkaarte, inkleurboeke en boublokkies word benodig. Ons wil ook die ruimte help toerus vir ‘n veilige omgewing vir die inwoners.
By Huis Zandvliet is daar ‘n groot behoefte aan mansklere. Hierdie items kan by die Dienssentrum afgelewer word, gemerk vir Seniorsorg.
Saam met ‘n leraar deel ons in die vreugdes van lidmate wat die mylpaal van 90 jaar bereik. Dankie aan almal wat deelneem aan die "Borg ‘n ouma projek". Die bydraes word aangewend om maandelikse noodsaaklikhede soos doeke, tandepasta, seep, handeroom en haarwasmiddels vir behoeftige inwoners van die tehuise aan te koop.>>
Ons is steeds aan tafel met Jesus. Langs Jesus aan tafel is jou oop stoel. In hierdie week se gesprek breek Jesus mure af en maak Sy tafel langer. Ons nooi jou uit om hierdie Sondag 19 Februarie saam met ons te kom lees uit Lukas 14:15-24.
As leraars sien ons iets besonders wat besig is om te gebeur. Tydens ons weeklikse leraar byeenkoms het ons vir die Here dankie gesê dat ons elke week beleef dat mense tot geloof kom hier in ons gemeente. Ons sien elke week hoe die Here mense by die gemeente voeg. Hy bring gelowige mense met talente en gawes. Ander kere verwelkom Jesus mense wat soekend is na Sy genade. Prys die Here! Prys die Here. Kom loof die Here se naam saam met ons by enige van ons eredienste.
Ter afsluiting, gaan daar geen week verby wat die leraars nie vir jou in gebed aan die Here opgedra het nie. Jy kan elke week instap met die wete dat jy reeds in gebed aan ons Hemelse Vader opgedra is.
Deon Els
Aswoensdag is op 22 Februarie waarmee ons dan die Lydenstyd begin. Kom word stil saam met ons.
Die VenSel Dagsorg Sentrum (VenSel DSS) is die jongste projek wat by Helderberg Uitreik geregistreer is. Vengesai en Selina, wat die behoefte van ouers in die Lwandle- en Nomzamo-omgewing geïdentifiseer het, het die VenSel DSS begin om kinders te versorg en opvoeding te gee terwyl hierdie ouers by die werk is. Die projek se visie is "om toeganklike vroeë leer- en kindersorg programme van hoë gehalte aan minderbevoorregte kinders teen 'n bekostigbare fooi te bied en te bevorder. "
Tans baat VenSel Dagsorg Sentrum by ondersteuning deur die voorsiening van voedsel as deel van die Dienssentrum se program by Helderberg en deur ad hoc skenkings. Die projekspan het ook spesifieke behoeftes geïdentifiseer t.o.v. voedingsbehoeftes, opvoedkundige voorrade om vroeë kinderontwikkeling te bevorder en beter toegeruste fasiliteite om die ontwikkeling en versorging van die kinders by VenSel DCC te verbeter.
Die projek het ook verder VenSel ondersteun met die volgende inisiatiewe of hulp:>>
Ek hoop dat julle die week heerlik geëet, gekuier het en julle geloof om die tafel gedeel het. Dit is lekker om mense te nooi waarvan jy hou, ken, verstaan en weet gaan lekker by jou kuier. Maar Jesus se om die tafel gesprekke het wyer geloop as dit. Hy aanvaar uitnodigings om te gaan eet by mense wat nie van hom hou nie. Hy word egter nie daardeur geïntimideer nie, maar bepaal die aard van die ete.
Hierdie tafelgesprekke spreek my baie aan, want hierdie tekste het ‘n groot skuif gebring in my teologie. In die begin het ek na die opdragte gekyk wat ek in die Bybel kry en omdat ek lief is vir God het ek dit probeer uitvoer. Dit het beteken elke mens wat ek teengekom het, het ‘n objek van my evangelisasie/gehoorsaamheid aan God geword. Ek was baie trots op myself! Ek het om die tafel tekste gelees en gedink dit is ‘n wonderlike manier om hierdie objekte waarmee ek besig is te skuif na die resultaat waar ek glo hulle moet wees.
Daar het egter iets anders gebeur, om die tafel het ek die mense ontdek, het hulle my vriende geword en het ek hulle nie meer iewers probeer uitkry nie. Ek het die mense lief gekry en hulle vir my, ons het saam gegroei ek kon leer by ander wat anders as ek is. Ek dink party maal ek het meer geleer van God by mense waarmee ek my nooit sou gemeng het nie as wat ek in die teologie geleer het. Hierdie ontdekkings om die tafel leer my ontdek oor ander mense, oor myself en oor God.
Kom hierdie Sondag op hierdie ontdekkingsreis saam met ons terwyl ons kuier en lag om die tafel.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Marieta Viljoen - heupvervanging
Bia Kleynhans – ICU, seldsame bloedsiekte
Salome Visagie – operasie vir breingewas
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- dat U ons gemoed vernuwe
- dat U met liefde na ons kyk
- dat U my kop oplig
Rou:
André le Grange is oorlede, ons dink aan sy vrou Isolde en familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
want elkeen wat uit God gebore is, oorwin die wêreld; en dít is die oorwinning wat die wêreld oorwin – ons geloof. 1 Joh 5:4
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus