Helderberg Ontwikkelingsentrum beplan om die week van 6 – 10 Junie 2022 ‘n halfdag, “Huisbestuur vir Bejaardes”-werkswinkel aan te bied. Dit is nie ‘n versorgingskursus nie en is spesifiek gerig op huishulpe wat huisskoonmaakwerk doen in omgewings waar bejaardes woon.

Dié kursus is daarop gemik om vir hulle addisionele kennis te bied om hul dienste optimaal te kan lewer, met ‘n sensitiwiteit vir bejaardes se unieke omstandighede en behoeftes. Koste is R750/persoon.

Navrae: epos aan Hierdie e-posadres word van Spambotte beskerm. Jy moet JavaScript ontsper om dit te lees. of skakel 021 852 5720 tussen 08:30 – 12:30.

Twitter

 Stel jy belang? Kontak asseblief vir Lizl by Hierdie e-posadres word van Spambotte beskerm. Jy moet JavaScript ontsper om dit te lees. of vir Ronell by Hierdie e-posadres word van Spambotte beskerm. Jy moet JavaScript ontsper om dit te lees.

Twitter

Die MIV projek van Helderberg Uitreik ondersteun die Hope&Support projek van CABSA. ‘n CABSA opvoeder, ‘n plaaswerker uit De Doorns, kontak ons vir raad. Sy is deur die plaasbestuurder gevra om haar oor ‘n MIV positiewe man, vrou en dogter te ontferm.

En so ontvou die inspirerende verhaal van een plaaswerker gesin wat hulle oor ‘n ander gesin ontferm, selfs vir hulle kos koop, aandete voorsien, afspreek en toesien dat hulle hul medikasie gereeld neem. Sy het hulle ook gehelp om ‘n begroting op te stel, saam gaan inkopies doen om hulle leiding te gee en aangemoedig om op te hou drink. “Ek en ‘my gesin’ het ‘n goeie dag gehad. Ons het gaan shop vanoggend, hulle het niks alkohol gebruik nie. Ons dank die Vader.”

Die Hope&Support projek maak dit vir ons moontlik om ‘n deel van die finansiële las met haar te deel en ons is opgewonde en dankbaar om te sien hoe die gesin reageer op haar betrokkenheid. Ons droom daarvan om ‘n bron van ondersteuning en motivering vir meer mense te kan wees deur ons ondersteuning en betrokkenheid by die Hope&Support projek.

Projekleier: Aneleh Fourie-Le Roux 083 292 5358 of Hierdie e-posadres word van Spambotte beskerm. Jy moet JavaScript ontsper om dit te lees.

Twitter

Gelowiges in die kerk word fyn dopgehou. Telkens lees ons van mense wat krities oor gelowiges is, maar ons hoor ook talle getuienisse waar gelowiges die liefde van Jesus Christus uitgeleef het. As mense jou nie dophou nie, kan jy nie ’n getuie wees nie.

In Hand 2:42-47 lees ons die verhaal van die eerste gemeente in Jerusalem, kort na Jesus se opstanding, sy hemelvaart en die uitstorting van die Heilige Gees. Dit was nie ’n maklike tyd vir die eerste Christene nie. Maar Hand 2 getuig van dit wat in die gemeente gebeur het – van hulle volharding, sorg vir mekaar, toewyding en blydskap. Hierdie eerste gemeente is fyn dopgehou, maar hulle het die toets geslaag. Vers 47b sê: “....en die hele volk was hulle goedgesind. En die Here het daagliks verlostes by hulle getal gevoeg.”

Ons is ‘n gemeente wat saam Paasfees gevier het. Ons wil mekaar inspireer om werklik ‘n getuienis van die Lewende Here te wees.

– Danie O’Kennedy

Twitter

David Koopman, nederig en 'n regte staatmaker. Hy hou van lees en sport en help graag vir ander.

Twitter