Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Colours of India – Nuusbrief
Gebedsversoeke vir Louisa ons sendeling:
Gebed dra krag en dis mense se gebede wat my deurgedra het vir amper elf jaar.
1. Bid asb vir konstante gesondheid
2. Citizenship Application wat in ‘n baie belangrike stadium is
3. Rustige denke en kalmte
4. Helpers, veral ‘n dame vertaler
5. ‘n Vaste gebou vanwaar ek my uitreik organisasie kan bestuur in die dorp
Wat sê Louisa ons sendeling?
Hoogtepunte van Mei:
‘n Groot hoogtepunt was natuurlik die kinders se Bybel vakansie program. Kinders was so opgewonde en het gereeld gekom. Dit was pragtig om te sien hoe die ouer kinders (wat deur spesiale dissipel opleiding gaan) dit wat hulle geleer het kon toepas en saai by die jonger kinders. Met die vakansie Bybel program het ons meer as 350 mense bereik met ons optog.>>
Die lewe gebeur teen ’n verskriklike spoed. Iemand sê in die week vir my, “ons is so te sê in die middel van die jaar”. Die spoed van ons lewens dikteer so gereeld ons lewe, verhoudings en verhouding met God. Daar is min of niks tyd vir stilstaan en “enjoy the view” nie.
Hierdie Sondag gesels ons oor God wat ons terugroep na die wildernis toe. Hy roep ons terug om stil te staan by die wonder van berge, valleie en riviere. In Romeine 8 word daar vertel dat die skepping ’n groot sug van frustrasie gee. Die skepping is onder druk. Hoe pas die skepping, ons lewenstempo en ons roeping om te “bewerk en te bewaar” in by God se plan? So gereeld is dit die skepping wat ons nuut maak kyk na wie God is. Inteendeel, dis God wat die skepping gebruik as eerste sendeling van Sy glorie.
Ons het ook die voorreg om Nelmarie de Wet en haar familie te verwelkom as sy ook belydenis van geloof gaan aflê. Ons sien uit om jou in die erediens te verwelkom.
– Deon Els
Danie O’Kennedy is ‘n nederige mens, maar het jy geweet hy was betrokke by die 2020 vertaling van die Bybel? Hy is ook ‘n deeltydse navorser en dosent in Ou Testament by Stellenbosch Universiteit. En hy is baie lief vir stories vertel.
Helderberg Uitreik het pas ‘n nuwe projek, Vensel Daycare registreer.
Die doel is om die bestaande dagsorg fasiliteit in Nomzamo te ondersteun en van hulp en kundigheid te voorsien om hulle visie uit te voer. Om langs hulle te staan en hulle by te staan in die volvoering van hulle visie. “To provide and promote high quality accessible early learning to under privileged children at an affordable fee.”
Indien jy belangstel in vroeë-kinderjare ontwikkeling, kontak asb vir projekleier Roelof Louw by 082 467 4328 of Hierdie e-posadres word van Spambotte beskerm. Jy moet JavaScript ontsper om dit te lees.
“The first 5 years have so much to do with how the next 80 turn out” Bill Gates
Pinksterdag word beskou as die geboorte van die kerk op aarde en dit is wonderlik om te lees wat alles op hierdie dag gebeur het. In Hand 2:4 staan die woorde: “En almal is vervul met die Heilige Gees.” Hulle het gehoor dat God in die Ou Testament net vir sekere mense sy Gees gegee het, maar nou het almal die Heilige Gees ontvang. Elkeen kon in sy eie taal oor die groot dade van God praat (Hand 2:11). Ons as gelowiges is bevoorreg om hieroor te kan feesvier. Jesus se Heilige Gees is by ons. Hy help ons feesvier. Hy help ons om te volhard in die geloof. Hy help ons om die vrug van die Gees uit te leef. Hy help ons om ’n verskil te maak in ‘n deurmekaar wêreld.
Die gelowiges het in Jerusalem opgedaag vir die Pinksterfees en die Gees is op almal uitgestort. Hulle het die seën van die Gees beleef omdat hulle daar was. Ons glo dat die Heilige Gees in en deur Helderberg Gemeente se eredienste werk. Ons nooi jou uit om Pinksterfees saam met ons te ervaar.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Wimpie van Dyk – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- dat ons vir mekaar ook kan lief wees
- dat ons met die daad kan liefhê
- vir U Gees wat U aan ons gegee het
Rou:
Marietjie du Plessis is oorlede, ons dink aan haar familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
En dit is sy gebod: Dat ons in die Naam van sy Seun, Jesus Christus, moet glo, en mekaar moet liefhê volgens die gebod wat Hy aan ons gegee het. 1 Johannes 3:23
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus