Almal van ons wil graag fisies en geestelik heel of gesond wees. Ons glo dat God heling bring, maar wonder soms of die Here ons in die hele proses kan gebruik. 2 Kon 5:1-19 is ‘n verhaal van hoe die Here vir ‘n jong Israelitiese dogtertjie op ‘n baie spesiale manier gebruik het. Hierdie dogtertjie word weggevoer na ‘n vreemde land. Sy hoor van Naäman se siekte en getuig van die God van Israel wat genesing kan bring. Haar getuienis lei tot die fisiese en geestelike genesing van Naäman.

Glo jy dat die Here ook vir jou kan gebruik – jou getuienis, jou gebede, jou ondersteuning? Tydens die eredienste gaan ons ook luister na die getuienisse van Daniël Brewis en sy familie. Die Here het heling vir hom gebring na ‘n ernstige motorongeluk en ons hoor ook hoe die Here verskillende mense in hulle lewens gebruik het.

Groete
Danie O’Kennedy

Twitter

Vir enige navrae kontak gerus vir Olivia by 021 851 5582 of Hierdie e-posadres word van Spambotte beskerm. Jy moet JavaScript ontsper om dit te lees.

Twitter

Het jy al ooit die ervaring gehad dat jy nie behoort nie? Dat jy ‘n fake is wat probeer inpas, maar almal weet dit? Dat wanneer spanne gekies word jy die spanning beleef dat jy laaste gekies gaan word? Hierdie Sondag kyk ons na Galasiërs en die genade dat jy gekies is. Jy is ook nie gekies omdat jy die laaste persoon beskikbaar is nie en nou maar net iewers in die agtergrond moet wees nie.

Jy is gekies deur die lewende God wat hemel en aarde geskep het om Sy kind te wees. Hy het jou aangeneem om Sy kind te wees, meer nog, om een met Hom te wees. Hy het volkome vir jou gekies en homself gegee tot aan die dood. Tog is dit vir ons moeilik om te aanvaar dat ons Sy kinders is, dat Hy ons so kan liefhê.

Kom beleef hierdie Sondag die betekenis van aanneming as ons die doop vier.

Groete
Paul Barnard

Twitter

Ons is baie geseënd om vandag Helderberg Gemeente se verjaarsdag saam met julle almal te kan vier.

Twitter