Seniorsorg is een van die oudste uitreike in die gemeente wat die welsyn van die senior gemeentelede bevorder. Onder ons vlerk het ons ook drie ouetehuise nl Huis Marie Louw, Huis Esperanza en Zandvliet Care Facility, waar ons nou saamwerk met die bestuur om die lewens van die inwoners aangenaam te maak.

Ons groot droom het waar geword toe die water-projek van Zandvliet voltooi is einde Februarie. Met die dreigende gevaar van dag zero het ons in medewerking met die bestuur van Zandvliet en Chris Bester ʼn reënwaterstelsel in werking gestel. Chris, ‘n eggenoot van een van seniorsorg se lede, het talle besoeke gebring aan Zandvliet en tans is daar drie tenks opgerig wat 30 000 liter water kan opvang. In Zandvliet is daar 185 inwoners en die tenks voorsien aan industriële wasmasjiene water. Baie dankie aan die gemeentelede wat bygedra het tot die uiters noodsaaklike projek. Ons dank ook in besonder aan Chris Bester vir sy volgehoue betrokkenheid by die projek.>>

Lees verder: Getuienisgeleentheid: Seniorsorg

Die e-nuusbrief word gewoonlik elke week op ‘n Woensdag uitgestuur na almal wat ‘n e-posadres het. Daarin is ‘n opsomming van belangrike inligting en ook ons dagboek van datums om te onthou.
As jy nie die e-nuusbrief kry nie en jy wil dit graag ontvang, stuur asseblief ‘n e-pos na Hierdie e-posadres word van Spambotte beskerm. Jy moet JavaScript ontsper om dit te lees. en ons plaas jou op ons verspreidingslys.

Eksodus 1:1-2, 10
Ons gaan hierdie kwartaal deur die boek Eksodus blaai. Die groot vraag agter die hele verhaal is, “Vir wie gaan Israel dien – God of die Farao?” God is die hele tyd aan die werk om sy kinders vry te maak nadat die Farao hulle slawe gemaak het.

Dikwels (soos Sondag se teks) werk Hy onsigbaar, agter die skerms. Ander kere kan jy sien en hoor dat Hy aan die werk is. Maar God kan net sy kinders vrymaak as hulle Hom dien. En as ek God dien, maak dit nie saak hoeveel mag of vermoëns ek het nie; God kan my gebruik.>>

Lees verder: Vorentoe met God

Persone wat graag hul lewende verhouding met Jesus Christus voor God en die gemeente wil bely word uitgenooi om die belydenisvorm in te vul, kliek hier. Die voltooide vorm kan teruggestuur word na Annette Botha.

Belydenisaflegging bestaan uit twee geleenthede:
- ‘n Intieme geleentheid in die Kapel waar die jongmense, hul ouers en/of familie saam nagmaal gebruik. Dié geleentheid vind plaas die Woensdag om 19:00 vòòr die Belydenissondag en   
- die openbare belydenis van geloof in een van die eredienste.

Hier is die datums vir 2019:
11 Augustus (gesprek op 7 Augustus)
27 Oktober (gesprek op 23 Oktober)

Navrae kan gerig word aan Annette Botha 

Egskeiding, enkelouerskap en verlies van ‘n geliefde aan die dood. HARMONY gee om en daar is ondersteuningsgroepe wat verstaan waardeur jy gaan. Hier vind jy weer hoop vir die lewe en vind jy boublokke wat sal help met die restorasie proses.

Wanneer: 18 Julie 2019 om 17:30 begin eerste sessie
Waar: Helderberg Gemeente
Kostes: R300 sluit in 13 weke program met werksboek en warm ete en baie omgee

Kontak: Annette Botha 

Top