We walk by faith not by sight – 2 Cor 5:7
(getuienisgeleentheid van 28 Februarie)

2020 het nuwe uitdagings gebring vir baie mense en so ook vir die George Fredericks skool op Merweville. Die Onderwys Departement kan nie in al hulle skoolbehoeftes voorsien nie en ander planne moet gemaak word om aan elke leerder skryfbehoeftes te gee. Gewoonlik het die kinders potloodsakkies en skryfbehoeftes gedeel omdat daar eenvoudig nie geld in die gemeenskap is om dit vir elkeen aan te koop nie.

Met Covid-19 wat oor ons toegesak het, het dit noodsaaklik geword dat elke leerder hulle eie potloodsakkies, skryfbehoeftes en sakrekenaars moet hê. Ons is dankbaar om te sê dat ons kon voorsien het in hulle behoeftes vir 2020. Nou staan ons in die begin van ‘n nuwe jaar en dieselfde behoeftes is weer daar. Ons wil ‘n beroep op ons gemeentelede doen om vir ons te help om die volgende behoeftes bymekaar te maak sodat elke leerder op ‘n veilige manier onderrig kan ontvang en met sy skool kurrikulum kan voort gaan.

Ons wil ook dankie sê vir elkeen wat alreeds bygedra het tot die projek. Dit word opreg waardeer. Met julle bydraes sterk julle ons hande om te kan voorsien daar waar daar niks is nie. Ons sal graag teen 21 Maart Merweville wil besoek om die voorraad te gaan aflaai.>>

Twitter

Lees verder: Getuienisgeleentheid: Merweville skoolprojek

As ons as geloofsgemeenskap bymekaarkom is daar twee aspekte wat ewe belangrik is: geloof en gemeenskap. Ons ontdek weer dat God dit nooit bedoel het dat ons op ons eie moet en kan funksioneer nie. Selfs die grootste introvert het iemand iewers nodig.

Die tweede groot les wat ons leer is as geloof nie meer as net jou verstaan is nie dan is geloof leeg. Geloof moet deurvloei na die res van jou menswees. Dit moet jou emosies, jou siel, jou kreatiwiteit en jou liggaam aanraak. Ons is egter baie keer besig om geloof net 'n intellektuele speletjie te maak. Dan word dit wie is reg en wie is weg! Selfs in die kerk is ons bang om kreatief uiting te gee aan ons geloof hierdie Sondag kyk ons saam met Paul Barnard na wat Jesus bedoel as hy sê: Ons moet die Here jou God liefhê met jou hele hart en jou hele siel en jou hele verstand en jou medemens soos jouself. Ons word bewus van die God wat ons op al die terreine van ons lewe, ons wil ontmoet en nie net op die intellektuele vlak nie.

Die deurkollekte gaan vir Helderberg Babas.

Twitter

Met die nuwe vlak 1 inperkings kan die tienerbyeenkoms buite plaasvind.

Die tieners het hul eie Whatsappgroep, om deel te wees van die groep kan jy met jou selfoon een van die skakels gebruik: 

https://chat.whatsapp.com/LTahoz8ImxUK4xe8gfmxEb

Twitter

Ons is baie bly dat ons nou meer mense op ‘n Sondag mag verwelkom en hoop om julle almal binnekort te sien. Moet ek nog vooraf bespreek as ek ‘n diens wil bywoon? Ons moet wel nog Covid-reëls nakom met die lys van mense wat in die kerk was. So, asseblief ja, dit sal die proses by die deure baie vergemaklik as jy wel vooraf jou naam deurgee op die skakel: https://forms.gle/2PRno8MLxSuYFXW19 of jy kan ‘n e-pos te stuur met jou naam en kontak besonderhede aan Hierdie e-posadres word van Spambotte beskerm. Jy moet JavaScript ontsper om dit te lees.. Tydens die Informele diens, kan daar ‘n kinderdiens vir voorskool tot graad 6 kinders in Joppe wees of hulle kan by hul ouers in die kerk sit.

Ons gaan ook nog voort om die Klassieke en Informele dienste direk uit te saai op ons YouTube-kanaal en ‘n skakel op die webblad. Daar is ook ‘n vooraf opgeneemde Huiskerk-video met die boodskap van die dag, asook die Kiddie- en Tekkiediens video. Ons hoop jy skakel op een of ander manier in by ons eredienste om deel van die Helderberg familie te bly.

Twitter

Ons arms is nooit leeg nie...
Helderberg Babas ondersteun Werner en Tania Schultz om as tydelike veilige sorg ouers babas in te neem wat sorg en beskerming nodig het. Die babas is babas wat wag op aanneming en ons versorg hulle tydelik totdat die baba wetlik aanneembaar is. Dit kan ‘n tydperk van ongeveer 4 tot 6 maande wees.

Kyk ons terug oor die afgelope jaar, staan ons in verwondering oor die Here se tydsberekening in die tot standkoming van Helderberg Babas. Waar baie bedieninge gedurende die pandemie nie met hulle normale uitreike kon voortgaan nie, was ons in ‘n posisie om babas in nood in te neem en die nodige liefde en versorging te bied.

Sedert Februarie 2020 het ons tien babas in tydelik veilige-sorg geneem, waarvan 2 mikro preemies was wat minder as ‘n kilogram elk by geboorte geweeg het. Vyf van die babas is die afgelope jaar by aanneemouers geplaas, twee is terug na die biologiese families en ’n verdere drie babas wag tans op aanneming. Een van die drie babas, ’n pragtige dogtertjie van drie en ‘n half maande, gaan op Maandag 8 Maart na haar aanneemouers. Op dieselfde dag sal ons ’n nuwe seuntjie wat reeds ‘n maand oud is, in ons sorg verwelkom. Ons sal dan drie seuntjies, almal onder die ouderdom van 7 weke, versorg.>>

Twitter

Lees verder: Getuienisgeleentheid: Helderberg Babas