Óf Jesus is Here van jou lewe, óf iemand anders, dalk selfs ook iets anders. As Christene word ons vrygespreek, maar nie onafhanklik van God nie. Ons leef en werk onder Sy heerskappy, binne Sy koninkryk, in verbondenheid met Hom. Hy is Here van my lewe.

Ons bely in Helderberg Gemeente: Gedring deur die liefde van ons Here Jesus Christus wil ons saam met ander Sy dissipels wees. Om saam met ander Sy dissipels te wees, vra dat ek saam met ander sal leer om met Jesus te leef.

Brennan Manning skryf: “Christianity is not primarily a moral code but a grace-laden mystery; it is not essentially a philosophy of love but a love affair; it is not keeping rules with clenched fists but receiving a gift with open hands.” Dit is en bly seker een van die wonderlikste ervarings om te ontdek wat Paulus so mooi verwoord: “Julle het saam met Christus gesterwe en is dus dood vir die wettiese godsdienstige reëls van hierdie wêreld” (Kol 2:20) en terselfdertyd daarna te streef “dat die woord van Christus oorvloedig in ons woon (Kol 3:16).

In hierdie Lydenstyd gaan ons as Helderbergers mekaar daarmee help. Ons daag mekaar uit:>>

Lees verder: Ons loop in die voetspore van Jesus

Ons is al so te sê in die helfte van die eerste kwartaal. Vir die #Tienerkerk is dit belangrik dat julle ook weet wat vir die res van die kwartaal gebeur.

Groot opgewondenheid heers onder die Merweville skoolprojek se betrokkenes. Ons beplan ‘n Uitreik vir die naweek van 17 Maart tot 21 Maart 2017 na Merweville. Ons hoofdoel is nie net om die nodige skryfbehoeftes vir hulle te gaan aflewer nie, maar om ook met die leerders te gaan speel en sodoende verhoudings te bou.

Ons droom vir die George Frederick skool is om teen die einde van die jaar vir hulle ‘n rekenaarsentrum daar te stel met 35 rekenaars. Hulle het reeds ‘n lokaal met ‘n lugreëlaar en kragpunte. Hulle benodig nog 26 rekenaars (desktops) met die volgende spesifikasies: P4, of hoër, Windows XP of beter, 5 GB hardeskyf spasie, 2GB RAM, netwerkkaart, klankkaart en oorfone.
26 “Flat screen” skerms en 26 sleutelborde en muise. Ons is ook op soek na IT persone wat later die jaar sal kan saam gaan om ons te help met installasie.>>

Lees verder: Korttermyn Uitreik - Merweville skoolprojek

Die Tekkiekerk kweek intensioneel ‘n gemeenskap van kinders deur materiaal te ontwikkel, of identifiseer, wat ouderdomsgerig is, relevant en prakties is vir kinders om mee te ‘engage’.

Ons glo dat jy, soos baie ander rondom jou, ʼn intense behoefte het om ʼn eerstehandse ver- houding met die Here Jesus Christus te hê, Hom persoonlik te leer ken en saam met Hom te leef

As gemeente het ons die verantwoordelikheid om mekaar en ander te help om te leer leef met Jesus. Ons is immers Sy dissipels. Dissipels loop in die voetspore van Jesus en leef met, in en naby Hom.

Woensdag, 1 Maart 2017, is dit Aswoensdag – die begin van lydenstyd. Lydenstyd is ’n tyd van besinning en voorbereiding met die oog op die viering van Paasfees

Ons nooi die hele gemeente om in hierdie lydenstyd te fokus op: Leer leef met Jesus. Ons stel ook ʼn boekie beskikbaar teen R60 wat jy by die kerk-kantoor kan aankoop om saam met iemand, jou gesin, vriende, omgee groep of kollegas by die werk te doen. Daar is ʼn teks en tema vir elke week en die gedagte is dat jy die hele week met daardie teks besig bly en weekliks dit met iemand of jou groep deel wat jy geleer het. Ons gaan ook in ons prediking daarby aansluit.

Leer en ontdek saam met ons wat dit alles behels om te leef met Jesus.

Top