Die Versorgingsfonds se Bestuur bestaan uit twee persone met 'n gekoöpteerde lid. Hulle is Hennie Smit (Voorsitter en Finansies), Marie Kotzé (Maatskaplike sake en Emosionele Versorging), en dan die lid Dirk Wessels (Kommunikasie). Daar is tans 15 gesinne van ons gemeente wat op die lys is van die VF se bestuur. Daar is egter, met die Covid-19 pandemie, talle nuwe gesinne wat op een of ander manier vasbrand en hulp van die kerk vra. Met almal moet onderhoude gevoer word en 'n pad moet gestap word.

'n Emosionele ondersteuner moet die wel en weë van so 'n gesin ondersteun en hulle begelei op die pad van herstel sodat hulle weer stewig en met selfvertroue die pad kan stap. Die probleme het toegeneem onder ons mense, selfs onder die 15 gesinne. Dit het net baie moeilik geword vir die huidige emosionele ondersteuners in die veld om geredelik beskikbaar te wees en reg te laat geskied aan die behoeftes van die gesinne op die lys.

Daar is dus 'n dringende uitnodiging om betrokke te raak en 'n sterk skouer te gee om op te leun vir die wat dit so nodig het. Ons vra jou tyd, toewyding en energie. Jy hoef nie spesifieke opleiding hiervoor te hê nie – net 'n omgee-hart en liefde.

Indien jy voel om op hierdie wyse betrokke te raak, skakel asseblief vir Marie Kotzé by 072 433 0068. Ons het jou regtig nodig. Dankie.

Dirk Wessels (Kommunikasielid)
082 859 5214

Twitter

Ons is opgewonde om maatskaplike werker, Liesl de Kock bekend te stel aan die Gemeente. Liesl woon in Somerset-Wes saam met haar man, Jean-Pierre en twee dogtertjies, Mila (3jr) en Klara (1jr).

Sy begin op 1 Maart deeltyds werk vir Helderberg Beradingsentrum as koördineerder.

Ons is sien baie uit om haar deel te maak van ons span.

Twitter

Verlede Vrydagoggend stap hier twee pragtige mensies, wegneem Ambeans-koffie in die hand, by die Tent in en trek onmiddellik my aandag. Oom Diek (82) en Tannie Marthie (88) van der Zel is lidmate by Strand Moedergemeente, maar geniet dit om ons Boekehoekie te kom besoek. Hulle spog dat hulle albei uitlanders is wat mekaar ontmoet het hier in SA en al 57 jaar gelukkig getroud is.

Oom Diek is ‘n gebore Nederlander en Tannie Marthie kom van Zimbabwe. Die twee is steeds betrokke by papierherwinning by Strand Moedergemeente, vandaar die liefde vir boeke.

Dit was ‘n voorreg om hulle te kon ontmoet en ek sal die indruk van ware liefde en God se seën, wat hulle op my gemaak het, nooit vergeet nie.

Grazie by Ontvangs

Twitter

Helderberg Uitreik se Uitreikfees-“uitstallings” vind hierdie jaar per video op YouTube plaas. Kliek hier om die volledige video van al die projekte te sien.

Die projekte is in vyf fokusgroepe verdeel met ‘n kort inleiding by elke groep, hier is elke groep se video’s afsonderlik:
• Vroeë kinderjare-ontwikkeling
• Tiener- en volwasse-ontwikkeling
• Evangelisasie
• Berading, terapie en medies
• Ondersteuning

Onthou ook die uitsending van die diens op YouTube Sondagoggend deur Strydom Bruwer.

Kontak gerus vir Louise by Hierdie e-posadres word van Spambotte beskerm. Jy moet JavaScript ontsper om dit te lees. as jy meer inligting benodig.

Twitter

Helderberg Gemeente maak erns met klassieke musiek – ook as deel van ons eredienste – en daarom is die onderhoud van ons kerkorrel vir ons belangrik. Ons is van die min gemeentes wat nog gekies het om daardie deel van musiek en aanbidding in eredienste te behou, uit te bou, en vernuwend te wees wat dit aanbetref: ons orrel speel natuurlik ‘n sleutelrol hierin. Daarmee saam ook die feit dat ons die wyer gemeenskap dien met klassieke musiekkonserte en terselfdertyd die Evangelie op hierdie wyse verkondig. Juis daarom is die orrel se onderhoud en herstel vir ons ‘n prioriteit.

Ons orrel is een van ons kerk se grootste bates met ‘n vervangingswaarde van om-en-by R9 miljoen en benodig nou dringende herstel en skoonmaak, wat sy bruikbaarheid tans grootliks beperk. Dit is dus hier waar ons jou hulp en vrygewigheid benodig.>>

Twitter

Lees verder: (Bank)noot vir (musiek)noot: die orrel benodig herstelwerk