Here dit is so bemoedigend en bevrydend om saam met Samuel te ervaar: “Die Here kyk nie na dieselfde dinge as die mens nie. Die mens kyk na die uiterlike, maar die Here na die innerlike.” Here dankie dat ek by U voete kan kom sit met my seer oor voortdurende kritiek en my ervaring dat ek dit nie maak nie – nie as lewensmaat nie, nie as pa of ma nie, nie as tiener nie, nie as jongmense of by my werkplek nie. Help my ook om met U oë te kyk na myself, na ander en die mense wat my soms so kritiseer. Gee my ook die selfinsig en moed om te werk aan dit waaraan ek kan verbeter. Amen.