Helderberg Gemeente maak erns met klassieke musiek – ook as deel van ons eredienste – en daarom is die onderhoud van ons kerkorrel vir ons belangrik. Ons is van die min gemeentes wat nog gekies het om daardie deel van musiek en aanbidding in eredienste te behou, uit te bou, en vernuwend te wees wat dit aanbetref: ons orrel speel natuurlik ‘n sleutelrol hierin. Daarmee saam ook die feit dat ons die wyer gemeenskap dien met klassieke musiekkonserte en terselfdertyd die Evangelie op hierdie wyse verkondig. Juis daarom is die orrel se onderhoud en herstel vir ons ‘n prioriteit.

Ons orrel is een van ons kerk se grootste bates met ‘n vervangingswaarde van om-en-by R9 miljoen en benodig nou dringende herstel en skoonmaak, wat sy bruikbaarheid tans grootliks beperk. Dit is dus hier waar ons jou hulp en vrygewigheid benodig.>>

Twitter

Lees verder: (Bank)noot vir (musiek)noot: die orrel benodig herstelwerk

Daar is tans elke dag ‘n kort video beskikbaar op Helderberg Gemeente se YouTube-kanaal vir ouers met laerskoolkinders. Hierdie is die ideale iets wat besige mammas en pappas saans kan gebruik wanneer kinders in die bed gesit word. Wat ‘n kosbare tyd so saam rondom die Woord en saam met jou kinders.

Hier is die skakel na ons YouTube-kanaal: https://www.youtube.com/channel/UChAVTuuZ0ewy6b_wy6PTZ1g

Twitter

Goeie nuus – ons hervat ons eredienste in die kerkgebou weer op 21 Februarie. Tans is daar nog ‘n beperking van 50 persone per diens, dus is dit belangrik dat jy bespreek vir die diens (sien die skakel onder). Kinders is welkom om by hul ouers te sit in die dienste (en vorm deel van die 50 persone).

Dienste:
8:00 Klassieke diens in die kerk
9:00 Meditatiewe diens in die Kapel
10:00 Informele diens in die kerk
19:00 Aanddiens in die kerk
10:00 Helderberg Village – Hierdie besprekings word gedoen deur vir Hennie van Zyl te kontak by 083 285 3011 of 0609

Ons digitale eredienste gaan steeds voort – skryf in op Helderberg Gemeente se YouTube-kanaal.

Bespreek plek vir die eredienste op die volgende skakel: https://forms.gle/YMFDbREp33YEhsfc7

As jy sukkel hiermee kan jy 'n e-pos stuur aan Hierdie e-posadres word van Spambotte beskerm. Jy moet JavaScript ontsper om dit te lees. of die kerkkantoor skakel by 021-851 5582.

Covid-regulasies geld steeds, dra asseblief jou masker en handhaaf 1.5m afstand te alle tye. Vertrekke word na elke diens gesaniteer. Die Moeders- en Pienkvoetkamers sal ook oop wees, maar ongelukkig is daar nie tans speelgoed beskikbaar nie. Ons sien uit om jou te verwelkom die 21’ste.

Twitter

God roep gewone mense soos ek en jy om draers van Jesus se Hoop en Lig te wees in die wêreld in nood.

Ons nooi jou graag om in te skakel by die Uitreikfees op 14 Februarie om 9:30 by Helderberg Gemeente se YouTube-kanaal. Ds Strydom Bruwer is ons prediker.

Daar sal ook video’s van die projekte wees en jy kan kies waar en hoe jy graag betrokke wil raak.

Wat is ‘n geloofoffer? Dit is jou tyd, kundigheid, gebed en geld, wat jy bo en behalwe jou dankoffer (nie in plek daarvan nie) vir die Here wil gee, soos Sy Gees jou lei en dit waarmee Hy jou seën.

Neem ‘n tyd van stilte en gebed met God, lees rustig deur twee blaaie van die inligtingsblaadjie wat jy hier kan kry, voltooi dan die geloofoffervorm wat jy hier kry, en e-pos laasgenoemde aan Hierdie e-posadres word van Spambotte beskerm. Jy moet JavaScript ontsper om dit te lees.. Daar is ook gedrukte inligtingsblaadjies en geloofoffervorms by die kerkkantoor beskikbaar.>>

Twitter

Lees verder: Uitreikfees 14 Februarie 2021

Die meeste van ons is honger om mekaar weer in die oë te kyk en langs mekaar in die kerkbanke te skuif. Ons het agv fisieke afstand, kontak met mekaar verloor. Daarom het ons in hierdie nuwe tye nodig om mekaar se stories te hoor. Om gesigte agter name te leer ken. Om in mekaar se skoene te klim. Deurdat ons mekaar beter leer ken en verstaan – is dit ook ‘n vorm van gemeenskap van gelowiges.

Ons nooi jou uit om jou getuienis of storie van ‘n belewenis in Covid-tyd met ons te deel. Kom ons help mekaar met stories oor hoe jy of julle gesin die grendeltyd ervaar het, wat het verander in jou lewe, hoe het dit jou verhouding met God en ander mense beïnvloed, wat was jou belewenis van kerk in die tyd, wat jy nuut of anders begin doen het.

Plaas jou storie direk op ons Facebook-groep met die naam Helderberg Gemeente gesels lekker of stuur jou storie aan by Hierdie e-posadres word van Spambotte beskerm. Jy moet JavaScript ontsper om dit te lees. – foto’s is welkom.

Twitter