Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Ons Koning kom!
Ons is opgewonde om weer ons Kinderpinkster (gr.1 tot gr.6) te kan aanbied vanaf Sondag 16 Mei tot Sondag 23 Mei. Ek weet ons kinders is uitgehonger vir geestelike kos en om weer bymekaar te kan wees by die kerk.
Kinders word genooi om die breër verband te ontdek en te verstaan tussen die gebeure in die Ou Testament en Nuwe Testament, en so die groter prentjie van God se plan raak te sien. Kom ontdek saam hoe God se beloftes, wat deur die profete voorspel is en honderde jare later waar geword het met die koms van Koning Jesus. Jesus is die Een wat gekom het om te dien, ons te red en is die Oorwinnaar.
Pinksterweek sal ‘n week wees om tot dieper insig te kom in Bybelse waarhede en ‘n vaste geloof in God. Want, hoe beter kinders die Waarheid ken, hoe beter sal hul toegerus wees om die lewens-uitdagings te hanteer.
Kinders, kom aangetrek soos ‘n prins met jou swaard of prinses met jou tiara of sommer in jou slaapklere. Daar gaan ook elke aand ‘n gelukkige trekking gehou word.
Ons sien julle dan almal Sondagoggend 16 Mei vir die afskop in Talanja, met jou masker aan, asseblief. Daar sal ‘n klein inskrywingsfooi wees vir die week. Hou die kommunikasie dop.
Vir navrae kontak Lizl Botha by Hierdie e-posadres word van Spambotte beskerm. Jy moet JavaScript ontsper om dit te lees. of Corneille Barnard by Hierdie e-posadres word van Spambotte beskerm. Jy moet JavaScript ontsper om dit te lees.
Ons as gelowiges is bevoorreg dat die Here op verskillende maniere met ons praat, maar veral deur sy Woord. Ons glo dat die Bybel nie net ‘n boek vir informasie is nie, maar lei tot transformasie – die Bybel verander mense se lewens.
In Hand 8:26-40 lees ons die treffende verhaal van Filippus en die hofdienaar van Ethiopië. Die hofdienaar lees uit Jes 53 en Filippus help hom om by Jesus uit te kom. Die Bybel het sy totale lewe verander. Jesus Christus is die kern van die Bybel. Soms gebeur dit dat ons die Bybel gebruik as ‘n “stok om ander mee te slaan” en nie as ‘n “weg om na Jesus te gaan.”
Leer jy vir Jesus beter ken in sy Woord? Is jy bereid om sy Woord met ander te deel? Is jy bereid om sy Woord te leef? Daar is baie mense in die wêreld wat nie meer die Bybel lees nie. Hulle “lees” net ons lewens.
Danie O’Kennedy hou Sondag se dienste. Die deurkollekte gaan vir die Rampprojek.
Helderberg Uitreik Dienssentrum
Die winter is op ons en baie mense kry swaar. Die Dienssentrum wil graag ‘n beroep doen op lidmate om tydens Pinkster die volgende donasies na die Kerk te bring, of by die Dienssentrum af te gee:
• Kruideniersware soos blikkieskos, langlewemelk, poeiermelk, konfyt, broodsmere, olie en enige nie-bederfbare produkte.
• Vir die sopkombuise: mieliemeel, stampmielies, rys, pakkies droë bone en/of sopmengsel.
• Toiletware: seep, tandepasta, sjampoe, sanitêredoekies ens.
• Klere vir alle ouderdomme: warm klere soos baadjies, jasse, truie, nagklere en sokkies.
• Beddegoed: komberse en duvet-inners.
• Kombuisbenodighede: borde, bekers, messe, vurke, lepels, bakke, potte en panne.
Navrae: Yolandè Kennedy by 021-851 5582 of Hierdie e-posadres word van Spambotte beskerm. Jy moet JavaScript ontsper om dit te lees.
Te danke aan mildelike bydraes uit die gemeente en gemeenskap kon Helderberg Uitreik se Rampverligtingprojek verskeie mense en gemeenskappe in die afgelope jaar bystaan.
Die COVID-19-pandemie het die fonds se aktiwiteite vir die grootste deel van die jaar oorheers en die COVID-19-rampverligtingfonds het sedert sy ontstaan in Maart 2020 meer as R500 000 uitbetaal aan individue, klein besighede, organisasies, sopkombuise en vennote wat kospakkies verskaf het. Deur die COVID Medies-inisiatief het die projek die verspreiding van meer as 800 omgeepakkies na gesondheidspersoneel en versorgers in die Helderberg-kom gefasiliteer om hulle te bedank en te bemoedig.
Die projek het in hierdie tyd steeds droogtehulp verleen, met ’n fokus op Sutherland, waar ons die Johenco Tehuis vir Bejaardes ondersteun.
Hannes Theron, afgetrede leraar van Helderberg Gemeente, en Pia Nänny, projekleier van die Rampverligtingprojek, sal van 8 tot 22 Mei die Boesmanland “Red-’n-plaas”-Camino, wat oor meer as 300 km strek, aandurf om bewusmaking te doen oor die feit dat die droogte in die Noord-Kaap nog nie gebreek is nie, en om geld vir die NG Kerk in Noord-Kaapland se rampdroogteprojek in te samel. Lees die berig hier om te sien hoe jy die stappers kan ondersteun.
Pia Nänny - Projekleier
Dink aan ‘n oomblik toe jy God as “regtig” ervaar het … Al weet ek God is “regtig”, is daar tog tye wanneer dit meer as “weet” word. Wanneer my hart warm klop of die hoendervleis op my arms uitslaan. Met party van ons gebeur dit meer gereeld as met ander. Die ervaring van die lewende God bly egter spesiaal.
So was dit ook vir die twee volgelinge van Jesus op pad terug na hulle huis in Emmaus. Hulle het teleurgesteld geglo dat Jesus dood en begrawe is. Toe verskyn die opgestane Jesus aan hulle. Eers herken hulle Hom nie, maar toe hulle besef wie dit was, is hulle treffende woorde: “Hoe warm het ons harte nie geklop nie!”
Dit is waaroor ons saam met Danie Möller Sondag in die kerk gesels. Sien jou daar.
Die deurkollekte gaan vir die Instandhoudingfonds.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Wimpie van Dyk – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- dat ons vir mekaar ook kan lief wees
- dat ons met die daad kan liefhê
- vir U Gees wat U aan ons gegee het
Rou:
Marietjie du Plessis is oorlede, ons dink aan haar familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
En dit is sy gebod: Dat ons in die Naam van sy Seun, Jesus Christus, moet glo, en mekaar moet liefhê volgens die gebod wat Hy aan ons gegee het. 1 Johannes 3:23
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus