Mense reageer verskillend in krisistye: Sommige raak baie angstig en negatief; Ander voel lam en kan niks doen nie; Party baklei onder mekaar en gee ander die skuld; Daar is diegene wat mag misbruik en vals nuus versprei; Sommige raak baie geestelik, maar doen min.

Wat verwag die Here van ons om nou te doen? Die Bybel het in krisistye ontstaan en daar is talle verhale wat ons hiermee kan help. Een so ‘n verhaal is dié van Nehemia. Nehemia hoor van die ernstige krisis in Jerusalem – die muur van Jerusalem is afgebreek en die stadspoorte verwoes (Neh 1:1-3). Wat doen Nehemia? Hy glo dat sy Almagtige Here hom kan help. Hy treur, maar bid ernstig tot die Here (1:4-11). En hy probeer om iets te doen. Hy gaan spreek die koning van Persië (2:4-5). Hy gaan na Jerusalem en moedig die mense aan om die muur te herstel. Hy ontvang kwaai teenstand, maar raak nie moedeloos nie. Hy volhard om goed te doen en op die ou-end is die muur voltooi (6:15-16).>>

Twitter

Lees verder: Wat moet ons nou doen?

Die kerk se Boekhoekie het die afgelope maande heelwat boeke en CD skenkings ontvang, soveel so dat ons selfs 'n paar nuwe boekrakke moes bykry. Ons het onder andere 'n hele rak vol Bybelverhale vir kinders, heelwat nuwe Afrikaanse verhale vir volwassenes, die volledige Lord of the Ring-trilogie op CD, en 'n uitgebreide verskeidenheid geestelike boeke.

Ons het ook onlangs 'n mooi versameling musiek CD's ontvang wat bestaan uit klassieke musiek, ligter musiek van bekendes soos Frank Sinatra en Laurika Rauch, en selfs kersfeesmusiek.

Alle boeke en CD's steeds net R10 per item. - Grazie by Hierdie e-posadres word van Spambotte beskerm. Jy moet JavaScript ontsper om dit te lees.

Twitter

“I seriously underestimated the financial cost of preparing and caring for a baby...”

Tydelike veilige sorg-ouers of kanga-ouers soos hulle ook bekend staan, maak plek in hul huise en harte om die mees kwesbaarste in die samelewing in te neem en lief te hê – meestal ten koste van hulself. Nie net fisies en emosioneel nie, maar ook finansieel.

Die kanga&roo-projek het vyf jaar gelede ontstaan om Tydelike Veilige Sorg-ouers wat babas versorg wat wag op aanneming, finansieel by te staan met die voorsiening van formule melk, weggooidoeke en baba-afvee doekies. Ongeveer 80 babas vind jaarliks baat by die projek.

Ons het die volgende dankie-briefie ontvang van Elsabe Esterhuizen, een van die Tydelike Veilige Sorg-ouers wat deurlopend 6 babas versorg:
“Duisend dankies vir die ruim donasie van nodige babaprodukte. In hierdie inperkingstyd het baie van ons gereelde donateurs ook finansiële uitdagings en hou bietjie terug. Wat ons dan direk raak. Maar daar is altyd weer ENGELE soos julle om ons hande hoog te hou.”>>

Twitter

Lees verder: Getuienisgeleentheid: Kanga&roo

Liewe Helderberg-gemeentelid 

Oor die afgelope 52 jaar is ons as gemeente onderskeidend besig met die opbou van die Koninkryk van God. Ons leef met ’n passie vir God en ’n hart vir mense en ’n wêreld in nood. Ons grootste getuienis is dat die lig van Christus helder brand in huishoudings, besighede en verhoudings regoor die wêreld deur elkeen van ons lidmate.

Ons wil graag dankie-sê vir elkeen wat oor die jare ‘n finansiële bydrae maak om hierdie roeping te sien groei. Daarsonder sou niks moontlik gewees het nie.

Die Rentmeesterspan het oor die laaste paar weke onderskeidend besin oor die gemeente se huidige finansiële posisie en wil graag die volgende belangrike inligting met julle deel.

Dit is met groot dank dat Helderberg Gemeente ‘n gereelde maandelikse bydrae van sowat 490 lidmate ontvang. Sonder hierdie bydraes kan die gemeente nie salarisse of algemene oorhoofse kostes van Helderberg Gemeente of Helderberg Uitreik geadministreerde projekte betaal nie. Verder gee 228 lidmate ook ‘n maandelikse bydrae direk vir Helderberg Uitreik geadministreerde projekte en gemiddeld 54 lidmate gee 'n maandelikse bydrae vir die Versorgingsfonds.>>

Twitter

Lees verder: Rentmeesterspan vra

Bid asseblief saam met ons vir:
- Vroue reg oor die wêreld.
- Jong meisies wat swaar kry oor hul selfbeeld en druk wat hulle ervaar agv sosiale media en die verwagtinge van die wêreld.
- Vroue wat graag wil kinders hê, maar sukkel daarmee.
- Ma's wat die druk van 'n loopbaan en ma-wees en die balans daarmee ervaar.
- Vroue en meisies wat mishandel word.
- Oumas wat ver van hulle kleinkinders is en nog iets vir hulle kinders wil beteken.

Twitter