Opstanding: Meer as net WOORDE
Ons erediensreeks in Paastyd gaan oor hoe ons woorde gebruik: “Praat asof Jesus opgestaan het.” Glo ons dat Jesus opgestaan het? Natuurlik, sou ons dadelik sê.

Maar nou is die vraag (en daar is nie ’n persoon wat dit kan ontwyk nie): Praat ons altyd asof Jesus opgestaan het? Of is van die stellings wat ons maak dinge wat ons nie in Jesus se teenwoordigheid sou sê as Hy hier by ons gestaan het nie. Of is die manier waarop ons oor sekere mense en sake praat ’n manier wat ons ook nie in sy teenwoordigheid sou doen nie. En verder: Hou die dinge waaroor ons eerder stilbly rekening met Jesus se teenwoordigheid?

Ons gaan nie net in die eredienste hierop fokus nie. Omdat dit so ’n praktiese saak is, gaan ons elke weeksdag ’n baie kort dagstukkie oor woorde op die gemeente se Facebookblad publiseer, met voorstelle van praktiese voornemens vir die dag en vrae waarmee jy jouself die aand kan toets. Die hele week se stukkies sal op die webblad wees.

Ons wil ook voorstel dat jy, soos in ons Lydenstyd-boekie se ritme, oor die etensuur jouself weer herinner aan die oggend se tekste en voorneme. Volg hierdie praktiese hulpmiddel gerus; dit sal nie baie tyd neem nie, maar kan ’n groot impak op jou praktiese Christenskap hê.

Om te bid en saam met ander te bid is die week hoog op die agenda van baie gelowiges in die land.

Met al die gebeure van die afgelope tyd in ons land, die onsekerheid, ontnugtering en vrae wat daarmee gepaard gaan, die geweld en misdaad, die droogte, werkloosheid, armoede en groot ongelykheid tussen mense, dwing ons op ons knieë. Dit is nou ʼn wonderlike geleentheid vir gelowiges oor alle grense heen om bymekaar te kom en saam te bid. Die waarde van gebed gaan nie soseer daaroor om seker te maak dat God ons hoor nie, maar ook om God te hoor. Gebed is ʼn kreet van hoop.

Helderberg Gemeente stel sy kapel (Firmountweg 82, Somerset-Wes) op Vrydag, 21 April van 17:30-20:00 en Saterdag, 22 April van 07:00-10:00 beskikbaar vir enige-een van die gemeenskap om daar te kom sit in die teenwoordigheid van die Here en te bid. Daar gaan ʼn program van ongeveer 30-45 minute (in Afrikaans en Engels) loop om gelowiges in hul gebed te begelei.

Die grootste probleem van die Christendom is nie die gebede wat nie beantwoord word nie, maar die gebede wat nooit gebid word nie.

Die pos van skakelbeampte (ontvangs) is beskikbaar by Helderberg Gemeente:

Pligte sal onder andere die volgende behels:
• Ontvangs en skakelbord
• Administratiewe pligte
• Databasis van kerk (Winkerk)

Kwalifikasies/Vereistes
• Ontvangsondervinding - skakelbord
• Rekenaarvaardighede (MS Office)
• Eerste skakel met publiek – verteenwoordig Helderberg Gemeente
• Kennis van Winkerk sal tot voordeel wees
• Ure: Maandag tot Donderdae van 7:30 tot 16:00 & Vrydae 08:00 tot 13:00 Aansoeke sluit 3 Mei 2017
Beplande aanstellingsdatum is 1 Junie 2017

• Volledige CV met drie verwysings aan Hierdie e-posadres word van Spambotte beskerm. Jy moet JavaScript ontsper om dit te lees.
of Posbus 337, Somerset-Wes, 7129

Navrae:
Marisa Viljoen by 021-851 5582 (tussen 8:00 en 13:00) of Hierdie e-posadres word van Spambotte beskerm. Jy moet JavaScript ontsper om dit te lees.

Helderberg Natuurreservaat

Soos in die verlede gaan die United Church ʼn Sonsopkomsdiens hou in die Natuurreservaat, dit begin om 06:30. Dit is ʼn geleentheid vir almal om die opstanding van Jesus te vier.

Bring asseblief jou eie stoel, flitslig en warm klere. Indien dit reën of sterk wind is, sal die diens gekanselleer word.

Ons het hierdie week tydens die Heilige Week elke aand ‘n kort aanddiens om 19:00 in die Kapel. Tydens die dienste is daar verskillende momente om jou te begelei deur die oomblikke rondom Jesus se kruisiging en jou te help om opnuut met die betekenis van die seisoen om te gaan.

• Maandag: Die voetewassing stasie waar jy iemand se voete kan was of jou voete gewas word. Joh 13:14 - “ As Ek, wat julle Here en Leermeester is, dan julle voete gewas het, behoort julle ook mekaar se voete te was.” Die handewassing om jouself te reinig in die voorportaal van die kerk.

• Dinsdag: Steek jou hand in die doopwater en steek dan ‘n kers aan vir iemand of jouself om stil te word voor die erediens.>>

Lees verder: Lydensweek

Top