Ons begin 7 Februarie met die eerste DIY-oggend vir die jaar.
Waar: Die tent
Tyd: 10:00-12:00
Wat gaan ons maak: vetplante in potjies (as jy ekstra vetplantjies het, bring asb saam)

Enige iemand wat lus is om iets te maak en lekker saam te kuier is welkom.

Donasieboks vir Helderberg Beradingsentrum is beskikbaar.

Datums vir die res van die jaar:
7 Maart, 11 April, 16 Mei, 6 Junie, 18 Julie, 15 Augustus, 19 September, 17 Oktober en 21 November.MAART. Maak ’n nota in jou dagboek.

Navrae: Meagin by die kerkkantoor 021-851 5582

 

As deel van ons kommunikasie wil ons graag ‘n foto van elke lidmaat op ons databasis plaas. 

Gelukkig het ons almal “selfies”.  Wees asseblief so gaaf en stuur ‘n gesig foto van jou en elkeen in jou gesin vir Grazie by Hierdie e-posadres word van Spambotte beskerm. Jy moet JavaScript ontsper om dit te lees..

So kan ons die naam by die gesig plaas wat dit weer vir die leraars en personeel makliker maak om met jou te kommunikeer.

Ons kan nie wag om jou foto te ontvang nie.

 

 

 

Eric Swanepoel is 'n ontwikkeling- en verhoudingsbestuurder by INcontext en gaan hierdie Sondag 4 Februarie by die aanddiens wees.

Kliek hier vir meer oor Eric.

Almal is welkom en bring vriende ook saam.

 

 

 

Om mense te mobiliseer om draers van Christus se hoop te wees en om hoop te bring aan individue en hul kinders wat geraak word deur egskeiding en enkelouerskap, word by Harmony op die volgende maniere uitgeleef:

Die aanbied van die verskeie programme, GriefShare, DivorceCare, DivorceCare4Kids en Single&Parenting wat twee keer per jaar aangebied word. Bo en behalwe die toerusting wat die programme bied, was daar in baie gevalle ook groot noodverligting op emosionele, geestelike vlak en ook met basiese behoeftes. Dit is hier waar Harmony enkelouers kon bedien met kospakkies, klere, warm maaltye, mediese hulp, bederf-pakkies met Moedersdag en Kersfees, terapie deur maatskaplike werker en berading, lewensafrigting, aanbied van professionele hulp vir kinders met leeruitdagings, aanbied van verskeie werkswinkels, mediese hulp en hulp met skoolbenodigdhede en skoolfonds.

Harmony is ook ‘n brugbouer tussen mense in nood en donateurs wat nie op ‘n direkte manier kan betrokke raak nie.>>

Lees verder: Harmony

Om te restart, is om seker te maak dat ons vertrekpunt reg is. Ons glo onder andere:
- dat God oor alles en almal regeer
- dat die koninkryk van God dáár deurbreek waar God se wil geskied en waar wat stukkend is, weer heelgemaak word
- dat die koninkryk van God nou reeds teenwoordig is, maar eers volheid sal bereik wanneer Christus weer kom
- dat gelowiges en die kerk geroep word om op elke terrein van die lewe na God se wil te soek en sigbare tekens van God se koninkryk op te rig: van die erediens tot by die werkplek, ontspanningsoord, gesinskring, politieke arena en in al ons verhoudinge.

Die vraag is: Is ons lewe in lyn met dit wat ons glo? Of is die volgende dalk meer waar van ons:
- Ons glo dat dit belangrik is om naam te maak en bekendheid te verkry
- Soveel besittings, rykdom as moontlik bymekaar te maak
- Om my eie drome waar te maak, al kos dit ook wat en al trap ek ook op wie.

Josua neem ‘n besluit deur onomwonde te verklaar: Wat my en my familie betref, ons sal die Here dien.

Om te restart is om weer duidelik en helder te kan verklaar: Ek en my huis, my vriendekring – ons sal die Here dien. Dissipelskap is om mekaar hiermee te help en hierin te begelei.

Top