Genadejaar van die Here
Oud en jonk, almal van ons, weet onmiddellik waarvan jy praat as jy die “restart” gebruik. In die digitale eeu waar baie van ons afhanklik is van rekenaars en slimfone is een van die wonderlikste funksies wat al tot baie se redding gekom het: Die “restart”-funksie. “If everythings fails, restart” – hierdie opmerking hoor ‘n mens nogal gereeld.

Dit is natuurlik ook ‘n Bybelse beginsel.

In die antieke samelewing van Israel was daar eintlik net één manier waarop daar heling in die samelewing gekom het: As die Genadejaar, wat elke sewende jaar is, toegepas sou word en ’n baie groot Jubeljaar elke 50ste jaar. Met sy “intreepreek” kondig die Here Jesus ook die genadejaar aan (Luk 4:19). Daarmee verklaar Jesus: Ek het gekom om heling, herstel te bring.

Helderberg Gemeente het ‘n genadejaar nodig waartydens ons net weer tot rus kan kom - ‘n rus by God. Ons het nodig om net weer te (her)ontdek wie God is, wie ons is en waarheen God met ons oppad is. Eintlik om weer te fokus op dit wat werklik saak maak; dit wat op God se agenda vir ons is; om deur die Gees van die Here gelei te word; aan Hom alleen gehoorsaam te wees.

Eerskomende Sondag, 21 Januarie 2018, druk ons as gemeente die “restart”-knoppie en help ons mekaar om die jaar te begin met die fokus op God. Op Sondag, 28 Januarie 2018 wil ons fokus op voorbeelde van mense, soos Josua, wat ‘n besliste keuse gemaak het: “Wat my en my familie betref, ons sal die Here dien. Op Sondag, 11 Februarie wil ons mekaar prakties help om werklik te “restart”.

“Restart!”

Daar is altyd 'n goeie rede om tyd te maak vir lekker, goeie, smaakvolle koffie. Ons is opgewonde oor Soul Coffee wat vanaf hierdie Sondag vir ons lekker koffie beskikbaar gaan stel.

Kom kuier saam en versterk vriendskappe. Jy kan ook vir jou 'n lekker Americano en Cappucino bestel vanaf R20. Kontant- en kaartfasiliteite is beskikbaar.

2018 is hier met ‘n groot “Restart”. Gedurende laasjaar het ons baie terugvoer gekry oor ons eredienste. Die Aanbiddingsbediening wil graag hierdie jaar saam met julle ‘n pad stap om ons eredienste werklik ‘n plek van aanbidding te maak gerig op die verskillende maniere hoe ons God spiritueel ervaar.

Ons is besig om te droom en gaan in die tyd nuwe elemente inbring. So as dinge dalk so bietjie anders voel of lyk, droom saam met ons en gee vir ons terugvoer.

Die eredienste is ‘n plek om die Here te ontmoet, om mekaar te ontmoet en saam te ervaar en te gee. Mag die restart van 2018 ook ‘n restart in die hart van ons eredienste wees. En as jy nuut is, gaan ervaar die verskillende tipe dienste en vind ‘n plek waar jy tuiskom in aanbidding.

Stuur gerus ‘n e-pos aan Hierdie e-posadres word van Spambotte beskerm. Jy moet JavaScript ontsper om dit te lees.

Hartlik welkom aan al ons kleuters, graad 1 – 6’e en ons tieners.

Ons sluit aan by die gemeente se tema “RESTART”. Daar is opwindende dinge wat hierdie jaar gebeur soos Pneumatix studente en drie teologie studente wat betrokke gaan wees by ons bediening.

Ons priotiteit en fokus vanjaar gaan wees om, soos Jesus, verhoudings te bou en ons jeug geestelik te versorg.

Kiddie- en Tekkiekerk vind gelyktydig om 9:30 plaas waarna hulle in kleingroepe verdeel.

Lokaalindelings is as volg:
Kleuters (3 – 6 jaar): Kleuterkerksentrum in Efese en Joppe
Graad 1: Patmos (lokaal langs die Kleuterkerk)
Graad 2 & 3: Tent
Graad 4 – 6: Jeugsentrum

Tienerkerk begin vanaand om 18:00 in die kerkruim en daarna volg die dissipelskapgroepe tot 20:00.

Wil jy ook betrokke raak by ons Jeugbedining? Kontak vir Annette Botha 

Mia Cara Ferreira is tans by CHOP (Children's Hospital of Philadelphia) vir Car T-cell behandeling. Ongelukkig kon dit nog nie begin nie weens nog 'n terugslag. Mia Cara het op 28 Desember 2017 gegaan vir roetine bloedtoetse by die Rooikruis Kinderhospitaal en moes toe die slegte nuus kry dat sy vir die derde keer 'n terugslag gehad het. Chemo (baie sterk) het dadelik begin en planne om 29 Desember VSA toe te vertrek was eers op ys.

Kankerselle is opgespoor in haar beenmurg en spinale vloeistof. José en Sumien het gevra dat almal sal bid vir Mia Cara. 'n Gebedsketting is gevorm en mense van oral oor het saam gebid en dié familie aan die Here opgedra.

Op 31 Desember kom die goeie nuus dat Mia Cara se kankersel-telling begin daal, gepaard met erge koors, kopseer en naarheid hou die klein vegtertjie aan met veg. Toe op 3 Januarie kon die Ferreira-gesin vertrek na die VSA.

Daar was 'n vensterperiode waarin Mia Cara sou kon vlieg en die hospitaal hier het haar voorberei op die vlug. CHOP se ambulans sou gereed staan om haar op die lughawe daar te ontvang. Toe 28 uur later kon Mia Cara per ambulans na CHOP vertrek. Op 11 Januarie verneem hul dat daar steeds baie kankerselle teenwoordig is en Mia Cara moet weer met chemo begin. Die Car T-cell behandeling kan nog nie begin nie. Dit het ongelukkig baie finansiële implikasies.

Daar word fondse ingesamel vir Mia Cara se behandeling en as jy ook wil betrokke raak kontak gerus vir Annette Gerber by 082 545 7718 of Hierdie e-posadres word van Spambotte beskerm. Jy moet JavaScript ontsper om dit te lees. of Hierdie e-posadres word van Spambotte beskerm. Jy moet JavaScript ontsper om dit te lees.. Volg gerus Mia Cara se Facebook bladsy: Hope For Mia Cara of besoek gerus haar webtuiste: www.hopeformiacara.com

Top