Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Gelowiges in die kerk word fyn dopgehou. Telkens lees ons van mense wat krities oor gelowiges is, maar ons hoor ook talle getuienisse waar gelowiges die liefde van Jesus Christus uitgeleef het. As mense jou nie dophou nie, kan jy nie ’n getuie wees nie.
In Hand 2:42-47 lees ons die verhaal van die eerste gemeente in Jerusalem, kort na Jesus se opstanding, sy hemelvaart en die uitstorting van die Heilige Gees. Dit was nie ’n maklike tyd vir die eerste Christene nie. Maar Hand 2 getuig van dit wat in die gemeente gebeur het – van hulle volharding, sorg vir mekaar, toewyding en blydskap. Hierdie eerste gemeente is fyn dopgehou, maar hulle het die toets geslaag. Vers 47b sê: “....en die hele volk was hulle goedgesind. En die Here het daagliks verlostes by hulle getal gevoeg.”
Ons is ‘n gemeente wat saam Paasfees gevier het. Ons wil mekaar inspireer om werklik ‘n getuienis van die Lewende Here te wees.
David Koopman, nederig en 'n regte staatmaker. Hy hou van lees en sport en help graag vir ander.
Die Uyavula Lees-en-skryfprojek maak kinders se harte bly, en ook die vrywilligers wat vir hulle lees.
Hoogtepunte by Uyavula:
Die projek het vanaf 2021 reeds 4 107 boeke ingesamel en na sewe skole/instansies versprei. Vrywilligers was tydens Covid-inperkings steeds bereid om by een skool ‘n getraumatiseerde kind met liefde, aandag en stories te bedien. Drie skole het vanjaar gevra dat klasvoorlees hervat word, omdat dit so waardevol vir die kinders is. Talle kinders, uit ‘n milieu waar lees en boeke seldsaam is, het die genot en waarde van lees ontdek en vra vir meer boeke.
Bid asb saam met ons dat die Here besondere vrywilligers, voorbidders en donateurs sal voorsien. Die projek het die afgelope jaar 4 904 kinders bedien met die vreugde van lees en 91 vrywilligers was betrokke. Groot dank aan vrywilligers, skole en donateurs.
Projekleier is Adéle Botha by 072 542 2563 of Hierdie e-posadres word van Spambotte beskerm. Jy moet JavaScript ontsper om dit te lees.
‘n Nuwe deel van hierdie bediening is ‘n leersentrum vir jong kinders. Ons sendeling, Louisa Ambati het ‘n leersentrum begin onder jong, minderbevoorregte kinders van die Yenadi stam.
Aanvanklik het ons met tien kinders begin en tans is daar vyf-en-dertig kinders wat op ‘n gereelde basis hierdie lesse gretig bywoon. Ons bereik ook ouers en grootouers deur hierdie lesse en dit is so lekker om te sien hoe opgewonde die kinders is om daagliks daar te wees. Ons leer vir hulle basiese lees, skryf en getal-vaardighede wat hulle sal toerus om in die wêreld te funksioneer en sukses te bereik. Daar is selfs oumas wat al saam met hul kleinkinders vir die eerste keer in hul lewens die geleentheid gekry het om te leer lees en skryf.
Deur skolastiese ondersteuning te bied vir leerders (veral meisies) wat nie andersins skool sou bywoon nie, maak ons nuwe deure oop vir hul toekoms. Ons bring ook die boodskap van Christus deur Bybelstories te vertel, Bybel-liedjies te sing en Jesus se omgee liefde te demonstreer aan die kinders. Die projek het die afgelope jaar 2 170 mense bereik met verskeie bedieningsinisiatiewe.
Kontak gerus die projekleier Aloës Koegelenberg by Hierdie e-posadres word van Spambotte beskerm. Jy moet JavaScript ontsper om dit te lees. of 072 200 1066 vir meer inligting.
My ma het vir ons baie stories vertel. Stories oor baie karakters en mense – van Repelsteeltjie, verby ons familiestories, tot by Daniël in die leeukuil en Jesus se leë graf. Op ‘n manier het ek as kind by haar aangevoel en geleer wat is sprokie en wat is waar.
My lewe is nog steeds vol van stories en nuus en fopnuus. Soms is dit moeilik om te weet wat regtig die waarheid is. Juis in hierdie week is daar ‘n nuusberig oor ‘n Russiese “trolfabriek” wat vals nuus oor Oekraïne moet skep en versprei. In Suid-Afrika is die beeldpoetsfirma Bell Pottinger lank betaal om ons met vals nuus, opgedis as die waarheid, te voer. Ons weet daar is steeds sulke pogings.
Hierdie soort ding kom ook al lank. Toe Jesus uit die graf opstaan, het die Joodse leiers die soldate betaal om fopnuus dat sy liggaam gesteel is, te versprei.
Tog het die waarheid van Jesus se opstanding die kern geword van ons Christelike geloof. ‘n Belangrike manier hoe dit gebeur het en steeds gebeur is deur die stories van hulle wat glo. Die storie wat ek en jy lewe, wys saam dat God se storie nie ‘n storie van strooi is nie, maar ‘n storie van goud. Ons gesels meer hieroor Sondag by ons eredienste.
Ons lees uit Matteus 28:1-20
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Wimpie van Dyk – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- dat ons vir mekaar ook kan lief wees
- dat ons met die daad kan liefhê
- vir U Gees wat U aan ons gegee het
Rou:
Marietjie du Plessis is oorlede, ons dink aan haar familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
En dit is sy gebod: Dat ons in die Naam van sy Seun, Jesus Christus, moet glo, en mekaar moet liefhê volgens die gebod wat Hy aan ons gegee het. 1 Johannes 3:23
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus