Helderberg Uitreik het pas ‘n nuwe projek, Vensel Daycare registreer.

Die doel is om die bestaande dagsorg fasiliteit in Nomzamo te ondersteun en van hulp en kundigheid te voorsien om hulle visie uit te voer. Om langs hulle te staan en hulle by te staan in die volvoering van hulle visie. “To provide and promote high quality accessible early learning to under privileged children at an affordable fee.”

Indien jy belangstel in vroeë-kinderjare ontwikkeling, kontak asb vir projekleier Roelof Louw by 082 467 4328 of Hierdie e-posadres word van Spambotte beskerm. Jy moet JavaScript ontsper om dit te lees.

“The first 5 years have so much to do with how the next 80 turn out” Bill Gates

Twitter

Pinksterdag word beskou as die geboorte van die kerk op aarde en dit is wonderlik om te lees wat alles op hierdie dag gebeur het. In Hand 2:4 staan die woorde: “En almal is vervul met die Heilige Gees.” Hulle het gehoor dat God in die Ou Testament net vir sekere mense sy Gees gegee het, maar nou het almal die Heilige Gees ontvang. Elkeen kon in sy eie taal oor die groot dade van God praat (Hand 2:11). Ons as gelowiges is bevoorreg om hieroor te kan feesvier. Jesus se Heilige Gees is by ons. Hy help ons feesvier. Hy help ons om te volhard in die geloof. Hy help ons om die vrug van die Gees uit te leef. Hy help ons om ’n verskil te maak in ‘n deurmekaar wêreld.

Die gelowiges het in Jerusalem opgedaag vir die Pinksterfees en die Gees is op almal uitgestort. Hulle het die seën van die Gees beleef omdat hulle daar was. Ons glo dat die Heilige Gees in en deur Helderberg Gemeente se eredienste werk. Ons nooi jou uit om Pinksterfees saam met ons te ervaar.

– Danie O’Kennedy

Twitter

Rampprojek
Die Noord-Kaap het die afgelope paar jaar onder die ergste droogte in die afgelope 100 jaar deurgeloop. Boere het tot 50% van hulle kuddes verloor, party selfs meer. En toe kom die reën. Almal juig! Die veld is lieflik! Die boere kan weer opstaan. Maar na die uitmergelende droogte het hulle hulp nodig.

Behoefte
Vir ‘n boerdery om lewensvatbaar te wees, het ‘n boer ‘n minimum van 500 skape nodig. Maar na die droogte is die boere nie in staat om skape aan te koop om hulle kuddes aan te vul nie. Vandat die projek geloots is, in Januarie 2022, is 1 500 ooie reeds uitgeplaas, wat reeds 'n wonderlike verskil gemaak het. Maar daar is nog baie wat hulp nodig het. Ten minste nog 3 500 skape word benodig net vir die Calvinia distrik.

Aankoop van ooie
Hantam Lewende Hawe Bk, in Calvinia, ons vennote in die projek, koop dragtige skape aan. Hulle ken die boere, die veld en skape baie goed en weet waar die grootste behoeftes is. Die boere het baie swaargekry tydens die droogte. Kom ons help hulle om weer op te staan. Jou bydrae kan beteken dat 'n boer weer sal kan boer, sy gesin kan voed, sy werkers kan betaal en sy kinders op skool kan hou.

Raak Betrokke en maak ‘n verskil
Vir meer inligting, skakel gerus die Rampfonds Projekleier, Annatjie van Niekerk by 073 191 6277 of stuur 'n e-pos na Hierdie e-posadres word van Spambotte beskerm. Jy moet JavaScript ontsper om dit te lees.
Ons bankbesonderhede:
Helderberg Uitreik
ABSA Helderberg
Rek nr 9114 483 080,
Takkode 632005
Verwys: Ramp Skaap

Twitter

Ontmoet vir Olivia Gardner, sy is die aanbiddingskoördineerder en sal graag van jou wil hoor.

Twitter

Die Dienssentrum voed ongeveer 6 000 mense per week. Hulle voorsien kos, klere en huishoudelike ware op ‘n weeklikse basis aan vele projekte vanaf Eersterivier tot teen die berg by Sir Lowry’s Pass en ook aan gesinne in nood. Alle voedsel skenkings word in pakkies opgemaak en dan in die gemeenskap versprei, dit verminder die risiko van samedromming by sopkombuise. Veral projekte wat aan kinders kos voorsien, gaan voort as tradisionele sopkombuise.

Ons het die afgelope jaar in samewerking met die versorgers van Masincedane ‘n paar uitreik inisiatiewe na die seniorburgers van Vergelegen (Somerset-Wes) en die dames van Kay’s karavaanpark (Strand) ondersteun.

Dienssentrumbestuurder, Yolandé Kennedy sê: “Ek is ongelooflik dankbaar vir elke persoon wat iets gee aan die Dienssentrum hetsy tyd, produkte of finansies. In ‘n baie moeilike ekonomiese klimaat, waar pryse bykans daagliks styg, was daar nog altyd genoeg om te gee.

Projekleier: Yolande Kennedy by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582

Twitter