Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Fasiliteite sê dankie
Die Fasiliteitespan wil graag vir ons gemeente baie dankie sê dat julle dit vir ons moontlik maak om hierdie pragtige fasiliteite van ons in stand te hou. Daar was oa dakke reggemaak, die nissies is omhein, tuin is opgeknap, herstelwerk gedoen en nog vele meer. Ons is baie bevoorreg om ‘n aktiewe gemeente te wees waar daar daagliks verskillende aktiwiteite aan die gang is. Ons is ook trots daarop om te meld dat ons oor ‘n paar permanente huurders beskik.
Ons fasiliteite is nie net beskikbaar vir ons gemeente se mense nie, ons het ook baie besoekers wat oa begrafnisse bywoon. Heelwat mense, ook nie-lidmate, wil graag ‘n geliefde se begrafnis by Helderberg in die kerk of Kapel hou. Dit is vir ons ook goed om ‘n diverse gemeente te wees waar ons ieder en elk laat tuis voel.
Ons span is baie trots op dit wat die Here aan ons gegee het om tot Sy eer te gebruik, daarom maak ons erns met ons perseel, dit is ons trots.
Foto: agter van links is David Koopman, Edward Njonga, Paul Kilian (leier), Antoinette du Tot en voor is Odette Stemmet en Margie Herselman.
Ons lewe in ‘n samelewing waar ons soos almal alles beoordeel. Waar jy kyk of jou gedrag, jou stellings goedgekeur word deur ander deur die hoeveelheid likes wat jy het op Facebook, Instagram, Twitter of een van die ander sosiale platforms. Dit maak ook dat ons heeltyd ons eie prestasies, lewe of selfs normale daaglikse doen en late vergelyk met mense rondom ons. Die definiëring van die self word gedoen op grond van hoe ek vergelyk.
Daarom is dit belangrik om ‘n klomp mense in my sirkel, vriendekring of op my sosiale media te hê wat swakker as ek is. Wat my toelaat om goed te voel oor myself. Ons dink dit is ‘n nuwe ding, iets van ons moderne tyd. Dit is sekerlik een van die oudste dinge in die mensdom en een van die hartseerste dinge in geloof. As ek net iemand anders kan uitwys waarvan ek oortuig is meer sondig is as ek dan voel ek baie beter oor myself.
Die dissipels van Jesus doen dieselfde in Johannes 9 om dan met ‘n skok toe ontdek dat hulle die hele situasie gemis het. God roep ons op, nie om die sleg in ander te sien nie, maar die heerlikheid van God. Om stil te staan as die wêreld veroordeel en bewus te word van God in ander. Om nie te beoordeel nie, maar om mense te gun wie God hulle gemaak het om te wees en dan die eer aan God te gee.
Kom deel hierdie Sondag in die heerlikheid van God as ons dit vier in ander mense.
Bring die hele familie en kom geniet die diens van 27 November saam met Familiebediening.
Helderberg Uitreik se Sir Lowry’s Pass projek fokus op die kinders van die Village. Ons bestuur sedert 2010 ‘n Kindervoedingsprogram in samewerking met inwoners Babsie Steyn (Sir Lowry’s Pass Primêr), Fiela Opperman (Fiela se huis-sopkombuise, die Young Ones-tienerkoffiekamer en Bybel- en dansklassies vir kinders) en Zelna Cupido (Kingdom Kids crèche). Behalwe vir die direkte waarde van gesonde, gereelde voeding, glo ons ook dit is een van die voorvereistes vir suksesvolle opvoeding wat weer ‘n sleutel tot persoonlike ontwikkeling en armoedeverligting is. Ons voorsien tweeweekliks bestanddele sodat hierdie engele in die Village vir die kinders in die gemeenskap kan kosmaak. Ons het by hulle geleer wat dit beteken om Jesus se hande en voete te wees en om ander sonder oordeel of voorwaardes met ‘n liefdevolle gesindheid te dien.
Die SLP Leerderondersteuningsprogram vir hoërskoolleerders het in 2014 begin en behoeftige leerders word d.m.v. ‘n beurs in staat gestel om met hul hoërskoolopleiding voort te gaan. Die beurs dek skoolfooie, uniforms en skryfbehoeftes. Gemeentelede se bydraes stel ons in staat om tot 20 leerders per jaar in hierdie program te ondersteun.
Die gemeente se bydraes en ondersteuning stel ons in staat om vir Babsie, Fiela, Zelna en die kinders in die Village op verskeie maniere te ondersteun. Kom gesels asseblief met ons as jy wil betrokke raak of nuwe idees het oor hoe om die kinders van Sir Lowry’s Pass te bemagtig.>>
Ons almal weet dat geen liefdesverhouding kan werk sonder die “commitment” van albei partye nie. Dit is ook dieselfde in ons verhouding met die Here en sy kerk. Reeds vanaf Genesis lees ons dat God ’n verbond (verbintenis of commitment) met sy volk aangaan. Hy beloof dat Hy die troue Verbondsgod sal wees en vra dan ook ’n verbintenis van sy volk. Gen 17:1 sê: “Ek is God, die Almagtige. Leef voor my, en wees onberispelik.” In Rom 12:11 lees ons ook die volgende woorde “Moenie traag wees in jou toewyding nie; bly geesdriftig; hou vol om die Here te dien.” God beloof dat Hy altyd ’n God vir ons sal wees.
Dit kan wel gebeur dat ons as gelowiges se commitment begin afneem. Waar staan jy tans in jou verhouding met die Here en met sy kerk? Het jy ’n behoefte om weer jou commitment te versterk?
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Wimpie van Dyk – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- dat ons vir mekaar ook kan lief wees
- dat ons met die daad kan liefhê
- vir U Gees wat U aan ons gegee het
Rou:
Marietjie du Plessis is oorlede, ons dink aan haar familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
En dit is sy gebod: Dat ons in die Naam van sy Seun, Jesus Christus, moet glo, en mekaar moet liefhê volgens die gebod wat Hy aan ons gegee het. 1 Johannes 3:23
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus