Kersfeestyd se tekens is rondom ons en dit maak ons opgewonde en laat ons uitsien na Kersfees wat op pad is. Dit is dan ook waaroor Advent gaan, die tyd wat ons nou ingaan. Ons dink aan Jesus wat duisende jare terug gebore is as die Verlosser, maar ook hoe Hy elke dag kom in ons lewens en hoe Hy weer gaan terugkeer op die wolke. In hierdie tyd berei ons onsself voor vir die Christusfees, maar intussen maak ons ook gereed vir Jesus wat wéér gaan kom.
Die Familiekersdiens om 09:30 gaan hierdie tema verder neem, saam met die kleuters en die gr 1-6 kinders onder leiding van Lizl Botha. Na afloop van die Familiekersdiens, is daar ‘n bring-en-braai vir die hele gemeente. Vuur en slaai word voorsien, bring asseblief eetgerei, asook drinkgoed en jou vleisie. As jy die afgelope drie jaar nuut is by Helderberg, het jy rede om uit te sien na hierdie geleentheid. Familiebediening maak ‘n fees daarvan.
Nooi iemand saam en kom kuier lekker Sondag by Helderberg.