Om êrens ‘n merkbare verskil te maak, gee soveel waarde aan die lewe. Jy kan verseker ‘n verskil maak met jou kennis, kundigheid, ervaring en menswees. Ons het net die geleentheid vir jou. Die Beheerraad van Strandsorg soek mense wat graag ‘n verskil wil maak in die lewe van ouer mense. Ons vra nie jou geld daarvoor nie.

Ons is op soek na manne en vroue met entoesiasme, kennis van bestuur, leierskap, finansies en besigheid om Strandsorg te help om dié plek te wees waar ouer mense met waardigheid versorg word – natuurlik ook nie net by ons twee tehuise nie, maar ook binne die gemeenskap. Strandsorg is verantwoordelik vir Huis Esperanza wat fokus op ouer mense met dimensie en Alzheimer’s, en Huis PAM Brink wat fokus op ouer mense wat bystand versorging en hoësorg benodig. Ons nooi jou graag om jouself beskikbaar te stel om op die Beheerraad te dien.

Belangstellendes kan vir Hannes Theron kontak by 083 375 8443 of Hierdie e-posadres word van Spambotte beskerm. Jy moet JavaScript ontsper om dit te lees..