Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari)
09:30 Informele diens
09:30 Kiddie- en Tekkiekerk
10:00 Helderberg Village
18:00 Tieners
19:00 Aanddiens
(Wintertye begin op 2 Junie 2024)
Projekleier: Vakant
Bedieningsarea
Phambili is ‘n gemeenskapsorganisasie wat fokus op opheffingswerk in die Broadlands Park woongebied.
Phambili se doel en visie
Om te netwerk in vennootskappe met ander nie-winsgewende organisasies, kerke, besighede en regeringsinstansies om die basiese lewenstoestande te verbeter van mense wat lewe met die HIV virus.
Om uit te reik na jongmense in die Strand deur ondersteuningsgroepe om hulle te bemagtig om te groei om betekenisvolle lewens te lei.
Om ondersteuningsgroepe te fasiliteer rakende die stigma, diskriminasie en verwerping deur die gemeenskap teenoor persone wat HIV positief is.
Raak betrokke deur jou kundigheid, gebed en finansiële ondersteuning.
Projekleier: Aneleh Fourie-Le Roux
Ons visie is ‘n MIV-vriendelike gemeente wat uitreik na mekaar en die gemeenskap. Die MIV- en Vigsbediening van Helderberg Gemeente het dit daarom ten doel om te help bou aan ‘n gemeente wat omgee en dáár is vir ons lidmate wie se lewens direk deur MIV geraak word.
Ons uitreik na mekaar word gedoen deur onder andere:
Die aanbied van ondersteuning aan bestaande Helderberg Uitreik projekte en bedienings binne die gemeente wat behoeftes rondom MIV of Vigs het.,
Bewusmakingsgeleenthede in die gemeente rondom Vigsherdenkingsondag in Mei en Wêreld Vigsdag 1 Desember.
Ons uitreik na die gemeenskap word gedoen deur ondersteuning aan:
Helderberg Hospice – word ondersteun met persoonlike higiëne pakkies vir behoeftige pasiënte en finansieel wanneer moontlik.
Helderberg Ontwikkelingsentrum se curriculum sluit ‘n oggendwerkswinkel oor MIV in vir alle studente. Ons fasiliteer die werkswinkels en verskaf ook ‘n MIV-inligtingspakket in vir elke student.
Paasfees- stigma projek – word in samewerking met jeuggroepe soos Uyavula leesprojek aangebied en hoopvolle paaseiers word dan deur projekte uitgedeel.
Aktiewe deelname by die Gesamentlike Vigstaakgroep vir NG Wes-Kaap, VGK Kaapland en die Calvyns Protestante kerk.
Ondersteuning en samewerking met die Christen Vigsburo, CABSA.
Ondersteuning aan Phambile Community Development en ander plaaslike MIV ondersteuningsgroepe.
Jou betrokkenheid en ondersteuning kan ‘n groot verskil maak aan hierdie klein projek. Maandelikse of eenmalige bydraes, stel ons in staat om meer organisasies te ondersteun en meer behoeftes aan te spreek.
Jou betrokkenheid met aankope, aflewering, skenkings, pakkies voorberei, donasies en gebed kan ons help om meer sigbaar te raak en ‘n groter impak in ons gemeente en ook gemeenskap te hê.
Ons verwelkom veral die volgende donasies wat by die kerkkantoor afgegee kan word:
Tandeborsels, klein tandepasta, seep, waslappe, roll-on, weggooibare skeermesse, sanitêre doekies,
Ziplock sakkies (15X27cm), pakkies tissues, latex gloves, sjokolades en paaseiers, leë flessies (medium grootte), lensies, rys, pakkies en pakkies sop.
Indien jy belangstel om deel te word van die projekspan, kontak die projekleier.
Projekleier: Jansie Moolman
Die Cence-projek van Helderberg is daarop gerig om werkgeleenthede te skep deur entrepreneurs, voornemende entrepreneurs en werksoekers te help en te begelei. Dit is ‘n dissipelmakende proses. Om dit te kan bereik, vervul die Cence-projek 'n fasiliterende rol om die gawes waarmee die Here ons as gemeente reeds geseen het, toeganklik te maak vir die wat dit nodig het, om weer ander te kan help.
Sedert Maart 2013 het 25 mense aangemeld waarvan 5 werk gekry het. Twee is gehelp om loopbane te verander. Vier het uit eie keuse die proses gestaak en die ander 15 is nog in proses. Drie word tans deur kundiges met raad bygestaan om hul besighede se mededingendheid te verbeter.
Baie van hierdie hulp het gekom as uitvloeisel van die Cence. Die ontbytsessies die eerste Woensdag van elke maand word goed bygewoon. Sedert die eerste in Maart 2013 het meer as 120 mense dit bygewoon. Ons kyk na verrykende DVD’s rakende besigheids- en persoonlikebestuur, kuier en netwerk daarna tydens ontbyt.
Almal is welkom. Veral ook voornemende entrepreneurs en mense wat nuwe werkgeleenthede oorweeg.
As jy onseker is of jou jarelange ervaring en kundigheid in die wêreld van besigheid iemand anders kan help, kom gesels oor ‘n koppie koffie.
Projekleier: Yolande Kennedy
Die Dienssentrum dien as die skuur van genade van Helderberg Uitreik vanwaar kospakkies klere, meubels, huisvoorraad en ‘n verskeidenheid ander produkte na gesinne in nood en instansies versprei word. Ons grootste behoefte word deur donasies gedek en waar nodig sal items aangekoop word.
Ons is altyd op soek na ‘n paar ekstra hande om te help uitpak, sorteer en die verspreiding van goedere.
Geloofoffers vir hierdie projek word gebruik om in die basiese voedselbehoeftes van gesinne in nood te voorsien.
Projekleier: Sus van Niekerk
Koördineerder: Minette Krog
Deeltydse werkers: Fiela Opperman en Antoinette Erasmus, asook Lea van der Riet wat 'n vrywilliger uit Holland is.
Statistieke bewys dat meer as 80% van persone wat Jesus as hul persoonlike Verlosser aanneem, dit doen tussen die ouderdom van 4 en 14 jaar!
Truth2kids se droom is om soveel moontlik kinders te begelei om Jesus as Verlosser te leer ken en dat hul in ‘n verhouding met Hom sal groei om as Sy dissipels te leef. Dit is met groot dankbaarheid wat ons gemiddeld oor die afgelope jare meer as 1 400 kinders weeklikse in omtrent 36 Bybelklubs kan bereik. Die klubs is in ‘n aantal skole, kleuterskole en in die gemeenskap.
Toegewyde Bybelklubleiers kan ‘n pad van dissipelmaking met die kinders loop deur goed gefundeerde Bybellesse en waardevolle leer-aktiwiteite aan te bied. Baie kinders in ons Bybelklubs kom uit baie moeilike, armoedige omstandighede en daar is baie uitdagings soos geweld, negatiewe groepsdruk, dwelms, en meer op hulle pad.
Opleidingsgeleenthede soos bv. ons kwartaallikse werkswinkels word gehou wat help om Bybelklubleiers te bemagtig met kreatiewe idees en praktiese lesse wat hul elke week kan aanbied – om sodoende geestelike waarhede effektief en op die kinders se vlak oor te dra.
Kampe en uitstappies word jaarliks vir kinders uit ons klubs gehou. Kinders is baie gretig om dit by te woon, aangesien hulle uit armer gemeenskappe met min geleenthede kom. Die kampe bied kosbare tyd vir dieper verhoudingbou en dissipelmaking.
Waar daar geleentheid is, word begeleiding aan kleuterskool-juffrouens gegee om hulle te help om ‘n effektiewe Bybelonderrig kurrikulum in kleuterskole te vestig. Die program sluit ook aktiwiteite in wat fokus op skoolgereedheid en is ook in Xhosa beskikbaar. Ons bied ook soms ‘n werkswinkel vir ouers aan sodat hul bemagtig kan word om die Evangelie met kinders te deel.
Ons is verder betrokke in die gemeenskap deur bv hulp met uitgee van kos, kinderklere ens. vanaf die dienssentrum op plekke waar daar spesifieke behoeftes is.
Hier is ‘n paar getuienisse van kinders uit ons Bybelklubs:
“During the holiday I’m going to take up the challenge and read the Bible when I wake up instead of watching TV….”
“The stories you have taught made the Bible 10 times more clear for me… I will remember it till my heart stops pumping.”
“I used to think that God was a fairy tale, but now I know better”
“ I’m now a believer”
“ Ek is baie lief vir die Bybel. Dit is lekker om van Jesus te hoor.”
“ I wasn’t very interested in God but now I am.”
Kontak ons gerus as jy prakties by die projek wil betrokke raak, ‘n finansiële bydrae wil maak, meer inligting wil ontvang, of een van ons gebedsondersteuners wil word.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Marni Rischmuller se ma Maritha – kanker
Bazil Nunes – ICU, verswak
Louise Visser – ICU met longontsteking
Japie Myburg – operasie
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Wimpie van Dyk – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Geseënde tienerkamp die naweek
Ons is dankbaar:
- dat ons kan wees wie ons is
- dat ons kinders van God is
- vir U liefde en genade
Rou:
Marietjie du Plessis is oorlede, ons dink aan haar familie.
Wilna Kilian is oorlede, ons dink aan Paul en familie.
Pieter Neetling se pa is oorlede, ons dink aan hom en familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
Kinders, laat niemand julle mislei nie; wie doen wat reg is, is regverdig, soos hy regverdig is. 1 Johannes 3:7
04.24.2024 10:00 am - 12:00 pm
Kreatiewe Kuiergroep
04.27.2024
Vryheidsdag
04.28.2024
Uitreikaand
04.30.2024 6:30 pm - 9:00 pm
Kerkraad
05.01.2024
Werkersdag
05.05.2024
Tafelgesprek
05.05.2024
Doop
05.05.2024
Arbeidsondag
05.07.2024 9:00 am - 11:00 am
Helderberg Seniorklub
05.08.2024 10:00 am - 12:00 pm
Kreatiewe Kuiergroep
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus