'n Passie vir God

en 'n hart vir mense en 'n wêreld in nood

1 Joh 3:16-24
Ons leef in ‘n onpersoonlike wêreld waar ons nie altyd mense goed leer ken nie. Hoe leer ons mense ken? Deur dit wat hulle sê of dit wat hulle doen? 1 Joh 3:16a getuig dat ons werklik vir Jesus leer ken deur dit wat Hy vir elkeen van ons gedoen het: “dat Hy vir ons sy lewe afgelê het”. En Hy vra dieselfde van ons.

Dit kan gebeur dat ons ons hart vir ander toesluit (v 17). Ons kan maklik sê dat ons glo, maar liefde is die bewys van ons geloof (vv 18-19). Ons kan maklik sê dat ons opstaan vir die waarheid, maar waarheid sonder liefde is niks. Ons kan maklik sê dat die Bybel vir ons belangrik is, maar liefde is die grootste gebod (vv 23-24).

Ons gesels Sondag verder hieroor.

Danie O’Kennedy

As jy gedink het dit is stil by die kerk gedurende die week, dan het jy ‘n groot fout gemaak. Nie net word daar verskeie bedieninge en spanne se vergaderings gehou nie, maar is daar ook weeklikse aktiwiteite. So oefen die band gewoonlik op ‘n Maandagaand, soms oefen die kantory in die aand. Daar is ook ander projekte se aktiwiteite in die aand. En dan ‘n tipiese week deur die dag is soos volg:

Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.

Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.

Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).

Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.

Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.

Helderberg Uitreik Dienssentrum
Ek het die voorreg gehad om met Yolandè Kennedy, die koördineerder van die Helderberg Uitreik Dienssentrum, te gesels oor haar passie vir die Dienssentrum en wat hulle alles daar doen.

Melanie: Hoekom is jy betrokke by die Dienssentrum?

Yolandè: Daar is soveel kinders wat skool toe moet gaan op ‘n honger maag. Hulle moet die hele dag konsentreer sonder ‘n kriesel kos. Ons droom is om kos so vêr en wyd soos God se genade aan honger mense te verskaf. Tans streef ons na hierdie droom deur 16 sopkombuise en kospakkie projekte te ondersteun. So is dit moontlik dat kinders en hulle ouers minstens een ete per dag kan kry. Dit maak dat ek in die nag kan slaap, wetende dat nie net my maag vol is nie, maar ook sommer ‘n hele klomp ander mense s’n ook.

Melanie: Hoe beleef julle die Here by die Dienssentrum?

Yolandè: Ons beleef die praktiese betekenis van afhanklikheid van die Here by die Dienssentrum. Ons is afhanklik van skenkings. Die voedsel word tans deur Spar De Helderbosch, Spar Heldervue, Checkers Sitari, Checkers Somerset Mall, Pick n Pay Waterstone, Pick n Pay The Sanctuary, Deli Veg, FoodForward, Woolworths CBD en Woolworths Waterstone geskenk. Ons is opreg dankbaar vir elkeen van hulle.>>

Lees verder: Vrae aan Yolandè

In die bekende ou Britse TV reeks Keeping Up Appearances het Hycanth Bucket kykers vir jare vermaak deur haar pogings om iets of iemand te wees wat sy nie is nie. Hoe hard sy ook al probeer om die sosiale leer te klim, sy en haar familie is nou maar een maal nie adel nie. In 1 Johannes 3 lees ons hoe die bejaarde apostel Johannes vir gelowiges skryf en hulle herinner om te wees wie hulle is. Hulle is adel. Hulle is kinders van God. Hulle het hulle vertroue begin verloor en begin wonder of hulle reg is. Johannes moedig hulle aan om te onthou dat hulle God se familie is en so kan en moet optree. Kinders van God leef rein. Kinders van God doen die regte ding. Kinders van God het mekaar lief.