Hierdie is een van die stellings in die Bybel wat ons maklik sê sonder om mooi te dink aan wat dit werklik beteken. Hierdie stelling het ook verskillende betekenisse afhangende van wat in ons lewens gebeur.

Vir Paulus is dood ‘n werklikheid. Ons lewe asof die dood nie werklikheid is nie, as dood ‘n werklikheid is praat ons eenvoudig net nie daaroor nie. As ek nie vrede het met die dood nie, kan ek nie lewe nie. Hoekom is dit so moeilik om oor die dood te praat.

Ons lees Sondag uit Filippense 1:21-30

 

Sondag, 22 Oktober is die laaste geleentheid vir hierdie jaar om jou belydenis van geloof tydens een van die eredienste af te lê. 
Aansoeke sluit op 2 Oktober.

Belydenisaflegging bestaan uit twee geleenthede:
‘n Gespreksgeleentheid in die Kapel waar die jongmense, hul ouers en/of familie saam nagmaal gebruik. Dié geleentheid vind plaas die Woensdag om 19:00 vóór die Belydenissondag,
en die openbare belydenis van geloof in een van die erediens op die Sondag tydens die klassieke-, informele diens, aandkerk of Tienerkerk.

Belydenisvorms is beskikbaar by die kerkkantoor of kan afgelaai word op die gemeente se webblad deur te kliek op Mediateek; Aflaaidokumente; Kantoordokumente.

Navrae kan gerig word aan Annette Botha

Wat ‘n voorreg om deel van ‘n kerk te wees met die bynaam: die ENGEE Kerk. Dit is wie ons is: Ons gee graag en ons moedig mekaar ook aan om met vrymoedigheid te gee, want ons is deur God geseën om te seën. Saam met Paulus jubel ons dit uit: “Lofwaardig is die God en Vader van ons Here Jesus Christus! Dit is Hy wat ons in Christus geseën het met elke geestelike seëning in die hemel” (Ef 1:3). Ons het nogal baie om te deel.

Met die ontbyt op Vrydag, 15 September 2017, was dit ook Pierre Malan se getuienis - die voorreg om te kan gee en as finansiële belegger te ontdek dat jy eintlik ook ‘n belegger in God se Koninkryk is.

Nou is juis die beste tyd om te belê in ‘n beweging wat ‘n verskil in mense se lewens maak. Die beweging wat ‘n verskil maak in mense se lewens, is eintlik God se beweging - die kerk as Sy liggaam. Die Drie-enige God maak ‘n verskil in mense se lewens wat hoop verloor het; wat graag wil sin maak uit die lewe; wat soek na werklike geluk, vrede en blydskap. Blydskap is iets wat vanself na jou toe kom as jy met jou lewe na God gegaan het. Die Koninkryk van God is die plek waar daar erns gemaak word met blydskap, vrede en vreugde. Om naby die Here te lewe, help ons om te verstaan waaroor die evangelie eintlik gaan: Ons staan saam met Christus op in ‘n nuwe lewe wat nuwe werklikhede skep. In ‘n tyd waar daar in ons land ‘n gebrek aan duidelike morele en etiese kompasse is, speel die kerk ‘n groot rol om dit weer te help vorm.>>

Lees verder: ENGEE Kerk - oppad na 2019

Dit is die week ná ons aankoms terug in Suid-Afrika en hoewel ons voete weer stewig op Suid-Afrikaanse bodem staan, lê ’n deel van ons hart nog by Omonia Gemeente in Athene…

Louise sê tereg op die vooraand van ons vertrek dat ’n korttermyn-uitreik nie kan verwag om saadjies te plant, water te gee én te oes nie.

Maar eendag gaan iemand die sleutel draai in ’n slot wat Paul en Leone geïnstalleer het – dalk onbewus van die kilometers wat hulle deur Athene se strate gestap het om alles op te spoor wat nodig was om verskeie handewerktakies af te handel – en die deur sal oopgaan.

Miskien sal die kinders eendag terugdink aan die dag toe hulle soos Koninkrykkinders met krone op hul kop in ’n kring saam met Frederike en Reinet gesit het, of aan die Bybelstories op die rekenaar wat in Arabies vertel is, of aan sagte hande en sagte stemme wat help en lei.

Hopelik sal die Engelse leerders eendag ’n begrip of woord gebruik wat met Ilse, Tilana of Louise se hulp vasgelê is, en sal hulle hul “teachers” onthou wat liefde, geduld en baie inisiatief gebruik het om die Engelse klasse aan te bied.

Besoekers sal vir seker ’n leemte by die teetafel ervaar, waar Marlise elke dag met ’n glimlag en vriendelike groet gewag het. “Hallo, how are you?” aan elke persoon wat eers ’n koppie tee en ’n paar koekies kom haal, en ’n gewillige paar hande om ’n kleinding vas te hou terwyl die ma of pa met iets anders besig is.>>

Lees verder: Uitreikgroep is terug van Griekeland

14 & 15 Oktober 2017
Almal, oud en jonk (wat kan lees) word uitgenooi om te kom deelneem aan die Bybelleesmarathon. 

Dis ‘n opwindende geleentheid om herinner te word aan die noodsaaklikheid daarvan om die Bybel te lees! 

Datum: Saterdag, 14 Oktober, asook deurnag en Sondag,15 Oktober tot na afloop van die informele diens.

Inskrywings vind plaas na afloop van die eredienste by die inskrywingstafel in die Tent of e-pos ons. Hoop om sommer baie van julle daar te sien.

Navrae en inskrywings:
Marelize Bruwer by Hierdie e-posadres word van Spambotte beskerm. Jy moet JavaScript ontsper om dit te lees. of Franci de Kock by Hierdie e-posadres word van Spambotte beskerm. Jy moet JavaScript ontsper om dit te lees.

Top