Onbeholpe leierskap, gebrek aan vertroue en integriteit in die leierskap, opgeblaasde ego’s, misbruik van mag en swak aanstellings, persoonlike verryking, misdaad, geweld, plaasmoorde, verkragtings, die wanbesteding van fondse; dit is die werklikheid waarmee ons almal elke dag gekonfronteer word. Dan is daar natuurlik ook die droogte wat verseker ʼn invloed op ons almal se gemoedstoestand het. Die krisis rondom water het ons almal se krisis geword.

Daar is ook die werklikheid nl. die pad wat God met Sy kerk loop. Die NG Kerk beleef op die oomblik seker een van sy mees spanningsvolle en uitdagende tye; tog ook ʼn geseënde tyd. Gemeentes van die NG Kerk in die Wes-Kaap se netto inkomste het die afgelope tyd met 9,3% gestyg. Uitgawes aan gemeentelike dienswerk (barmhartigheid en getuienis) het van R35,7 miljoen met 14,8% toegeneem tot R41 miljoen. Saam met die R11,1 miljoen aan deuroffers, spandeer die Wes-Kaap se gemeentes dus meer as R52 miljoen na buite. Dit is net meer as 10% van die bruto inkomste van die 228 gemeentes (R501 miljoen). Wat ‘n voorreg om deel van so ‘n kerk te kan wees.

Helderberg Gemeente se bydraes tydens voorafgaande boekjare (Mrt. 2013 tot Febr. 2016) het slegs gemiddeld met 3.5% gegroei teenoor Mrt. 2016 tot Febr. 2017 se boekjaar wat met 10,1% gegroei het (sonder die bydrae van Helderberg Uitreik van R135 000 aan die gemeente is dit eintlik 8,2%).>>

Lees verder: Daar is ook ʼn ander werklikheid

Om deel te neem aan die proses, lees elke dag deur die week die teks van die week nadenkend deur met gebruik van lectio Divina (wat hieronder verduidelik word).

Die ses weke se bybeltekste
Week 1: Matteus 28:1-7, 16-20
Week 2: Markus 1:14-20
Week 3: Matteus 11:28-30
Week 4: Kolossense 3:5-7, 10, 12-14, 17-4:1
Week 5: Matteus 5:43-48 en 11:28-30
Week 6: Matteus 23:25-26 en Johannes 15:1-11

Lectio Divina – ‘n Luistermetodiek uit die vroeë kerk
Word eers stil: Kom tot rus in God se teenwoordigheid en gee alles wat jou pla aan Hom af.
1. Lees: Lees die skrifgedeelte aandagtig om te verstaan wat daar staan.
2. Meditasie/nadenke: Lees die skrifgdedeelte ’n tweede keer luisterend, wagtend. Antwoord die volgende twee vrae:
• Watter woord, sinnetjie, moment, beeld staan vir jou uit en bly by jou? (Dit kan God se stem wees.)
• Hoe word jou lewe geraak deur dit wat jy gelees het?
3. Gebed van die Skrif: Lees die skrifgedeelte ’n derde keer en praat dan met God oor wat jy gehoor het.
4. Kontemplasie (tot rus kom in God): Sit bloot in stilte en rus by God.
Inkarnasie (Vleeswording/beliggaming): Leef uit wat jy gehoor het, saam met Jesus.

Dagritme
’n Mens sou nog meer kon baat by die proses as jy die oggend se lectio Divina aanvul deur in die middag en aand die volgende te doen:
Die middag: Ruim iewers ’n kort tydjie in om die teks weer ’n slag te lees en tot rus te kom by Jesus.
Die aand: Raak stil en kyk terug op die dag. Waarvoor is jy dankbaar? Waarvoor wil jy dankie sê?

#Imagine 2017 is die vierde geleentheid waar jongmense in massas saamtrek om God te loof en prys. By #Imagine 2017 word daar ook intensioneel ingebou in die jongmense se lewens sodat hulle na hulle gemeenskappe kan gaan en dit wat hulle daar geleer het, kan toepas.

Kliek hier om na die verhaal van so ‘n groep jongmense te kyk. Vir die inskrywingsvorm kan jy hier kliek.

Vir navrae kontak gerus vir JC de Jongh

Daar is nog kaarjties beskikbaar vir Vrydagaand se hoender of beesstert potjiekos @ R30. Jy kan ook roosterkoeke @ R5 en bakkies nagereg @ R10 koop. Alle kaartjies moet asseblief vooraf by ontvangs gekoop word sodat ons weet vir hoeveel om voor te berei. 

Tafels en stoele is beskikbaar – bring jou eie mandjie met eetgerei en drinkgoed.

Vir die wat wil braai sal daar vure gereed wees vanaf 18:00 – bring jou eie braaivleis, rooster en braaitang. 

Epos Hierdie e-posadres word van Spambotte beskerm. Jy moet JavaScript ontsper om dit te lees. met jou bestelling en betalingsbewys (verwysing: braai). Ons bankbesonderhede is: rekeningnaam: NG Kerk Helderberg, ABSA Bank Somerset-Wes, rekeningnommer: 2900 5900 94, Takkode: 632 005. Betaalde kaartjies kan vooraf of by die braai afgehaal word.

Kom geniet die aand saam met ons.

Vir navrae kontak vir JC de Jongh

Top