Kom blom saam HIER waar jy geplant is en kuier saam na die aanddiens in die tent op 29 Januarie en 12 Februarie. Alle aanddiens kerkgangers is welkom.

Hierdie naweek bring nuwe fokus vir hulle wat jonk of reeds ervare is, die suksesleer wil klim of reeds daar is, ongeag jou sosiale, finansiële, geestelike, posisie waar jy jouself plaas… dit sal jou lewe verander!

Die aanbieder is Gerhard van der Merwe. Die kursustye is van Sondag, 19 Februarie 2017 van 15:30-21:00 en dan op Maandag, 20 Februarie 2017 van 18:00-21:00. Die kursusfooi behels R2 000.00 per persoon en sluit alles met ‘n werkboek en opvolgafsprake in.

Belangstellendes kan vir Hannes Theron vir meer inligting kontak. Hy sal dan vir jou ‘n inskrywingsvorm aanstuur.

Kom verskerp jou fokus, vernuwe jou visie en ontdek jou ideale toekomsplan.

 

Dit gaan lekker wees.

Harmony Projek streef daarna om mense te mobiliseer om draers van Christus se hoop te wees en om hoop te bring aan individue en hul kinders wat geraak word deur egskeiding en enkelouerskap. Ons doen dit deur geestelike en emosionele ondersteuning te bied en hulle te help om verhoudings te herstel. Hierdeur word God se liefde gedemonstreer.

Die gestrooptheid wat jy ervaar na ‘n egskeiding asook enkelouerskap bied geweldige uitdagings aan die individue en hul kinders. Die 13 weke programme nl. DivorceCare, DivorceCare4Kids en Single&Parenting help hulle toe te rus en te bemagtig.

Die projekspan wil graag verder ook praktiese ondersteuning en hulp aanbied in tye van nood. Dalk kan jy help om op een van die volgende maniere ‘n verskil in lewens te maak en hulle te laat voel dat God hul raaksien en omgee:
- Word deel van ons groep kosmakers wat ‘n ligte ete verskaf voor ons aandprogram;
- Ons soek oogkundiges wat kan help met: opstel van CV’s, testamente, begrotings en finansiële bestuur, die basiese instandhouding van jou motor en DIY huistake, klerekasbeplanning en persoonlike versorging.
- Noodverligting in bv. skoolfondsborge, geskenkbewyse vir lugtyd, brandstof en motordiens.
- As jy ’n prokureur, haarkapper of bloemiste is, of jy het ‘n motorhawe of restaurant, kan jy jou dienste gratis of teen ‘n verminderde fooi beskikbaar stel wat verligting bring in tye van nood.
- Enigiets wat ons in hulle bederfpakkies kan plaas vir spesiale dae soos verjaarsdae.

As jy meer wil weet of betrokke wil raak, kontak gerus vir Annette Botha of Corneille Barnard by Hierdie e-posadres word van Spambotte beskerm. Jy moet JavaScript ontsper om dit te lees.. Die volgende 13 weke siklus skop af op Donderdag, 16 Februarie 2017 om 18:00.

Ons is deel van God se droomgemeenskap
Die goeie nuus in wording! – dit is die reeks waarmee ons vandag afskop. Ons sou eers kon vra: Wat bedoel ons met: Goeie nuus of anders gestel die Evangelie?

Ons praat maklik oor die slegte nuus en sê ook maklik vir mekaar: Daardie een is “bad news”.

As gemeente wil ons eerder daarop fokus om mekaar te help om die goeie nuus te word. Let wel nie te wees nie. Dit is ’n proses waaraan ons tot die einde van ons lewens deelneem en nie ’n plek waar ons arriveer om dan ‘n “goeie voorbeeld” te wees nie. Ons is besig om die goeie nuus te word. Dit is eintlik ’n ontdekkingsreis. Ons is die goeie nuus in wording!

Om die goeie nuus in wording te wees, moet ons verstaan dat geloofsvorming vind plaas in gemeenskap met ander gelowiges waar ons veilig voel, eerlik kan wees en mekaar verantwoordbaar kan hou. God maak ons deel van ʼn familie wat gedring word deur die liefde van God; eintlik oorweldig is deur God se liefde. Hierdie geloofsgemeenskap help nie net mekaar nie, maar word ook die ambassadeurs vir Christus. Hulle word ʼn voorsmaak van wat dit beteken om nie eers na die dood ʼn hemelse ervaring te hê nie, maar dit alreeds nou te beleef.

Ons teks vanoggend is 2 Korinthiërs 5:14-21.

Volgende week is ons tema: Die goeie nuus van geloof, hoop en liefde in wording!

Top