15 Mei - Bewaak jou mond
Skrifgedeelte:
Spreuke 13:3 - Wie sy mond in bedwang hou, behou sy lewe; wie sy mond nie kan hou nie, gaan sy ondergang tegemoet.

Ken jy mense wat praat voor hulle dink? Of sommer net sê wat ook al by hulle opkom om te sê? Is jy dalk so iemand?
Dis mos asof ‘n mens se mens en lippe en tong soms ‘n lewe en wil van hul eie kry, en as jy mooi luister, dan hoor jy selfs wat by jou mond uitgekom het – en dan wil jy skrik!
Die slim mense in Ou Israel het al gereken dat jy maar jou mond soos die stad se poort moet beskou: Bewaak dit en hou dit in bedwang – dan is jy op die pad van die lewe.
Praktiese nadenke:
• Dink bietjie: wat lê vir jou vandag voor, waar jy ‘n goeie wag gaan nodig hê om jou mond veilig en aan die lewe te hou?
Aand:
• Hoe het dit toe met jou mond se wag gegaan vandag?
• Was hy/sy wakker en op sy pos of bietjie aan die slaap?
• Wat wil/moet jy oor vandag bid?>>

Lees verder: Week 4 - Opstanding: Meer as net WOORDE

Vlugtelinge vanaf die Midde-Ooste kom nog op ‘n daaglikse basis in Griekeland aan. Verwese en ontwortel. Helderberg Uitreik het ‘n vennoot-kerk in Athene gevind wat ‘n hawe vir vlugtelinge bied en wat ons hulp benodig. Ons beplan ‘n kortuitreik na die vlugtelinge vir 29 Augustus tot 13 September. Jy is ook welkom.

Kontak gerus vir Louise Theron vir meer inligting.

Baie dankie vir jou oorweldigende ondersteuning wat ons op Sondag 7 Mei ontvang het. Ons belowe om na die beste van ons vermoë jou hulp te bestuur en jou op hoogte te hou van die vordering wat gemaak word met ons lidmate in finansiële en emosionele nood.

Versogingsfonds

Dit is weer tyd vir ons jaarlikse senior kamp te Kleinmond. Soos gewoonlik heers daar groot opgewondenheid en sien die kinders baie uit na die kamp.

Vir die werksters is dit ‘n tyd van gebed, harde werk en baie beplanning, maar gelukkig ontbreek dit nooit aan entoesiasme en vindingrykheid nie.
Die Tema van die kamp is “Op ‘n Skattejag” na aanleiding en die gebruik van ‘n KidsXpress boek met dieselfde titel. Die Bybel is ‘n skatkis en die kinders word geleer om elke dag meer skatte daarin te ontdek dmv gereelde stiltetyd en ook hoe om die “seerowers” wat ons skatte wil steel teen te staan.

Ons vertrou die Heilige Gees en God se Woord om kragtig in die kinders se harte te werk en dat hul dit wat hulle leer ook na die kamp sal toepas. Om hulle hierin toe te rus kry elkeen hul eie stiltetyd boekie waarin hulle na elke les kan nadink en ook in groepverband die les kan bespreek. Daar is ook ‘n bybellees-program wat hul na die kamp kan gebruik en wat ook deur die leidsters by die klubs versterk kan word.>>

Lees verder: Kinderevangelisasie senior kamp

Ons hoor dikwels mense sê: “Ek ken nie die Bybel goed genoeg nie” of “Ek wens ek kan die Bybel beter ken.” Wel, hierdie graad 3 meisies en nog ‘n spannetjie graad 5 meisies het die uitdaging aanvaar en neem Vrydag, 19 Mei deel aan die Rapport Ryers Beweging se jaarlikse Bybelvasvra kompetisie.

Die skrifgedeeltes wat die deelnemers moet ken is Eksodus 1–8, asook Handelinge 1 en 2. Die kompetisie bestaan uit verskillende afdelings, asook ‘n snelsoek - die senuwees en druk kan groot raak!

Kom ons bid vir hulle en moedig hulle aan. Mag dit ook vir ander tot aan-sporing wees om God se Woord beter te leer ken.

Ons is trots op:
Graad 3 spannetjie op die foto hierbo van links is Danielle Cronjé, Anné Botha, Annika de Wet en Marli van Zyl.

Graad 5 spannetjie (op die foto links) van links agter is Mienke Krog en Annelien Botha, Voor links Kayla Groblaar en Cara Siebert

Top