Danie is baie lief vir sy gesin en ook vir fietsry. Hierdie jaar sien hy egter die meeste uit daarna om in September oupa te word.

Twitter

Ons is baie dankbaar en opgewonde om te kan sê dat ons sover 20 skape kon borg om die nood in die Calvinia-distrik te help verlig. (Sien aangehegde foto) Die uiteindelike doel is 5 000 skape! Die getal skape wat reeds die bossies van die Noord-Kaap geniet is 1 621 – so ons het nog 'n entjie om te gaan.

Indien jy 'n daadwerklike verskil wil maak, help die boere om weer op hulle voete te kom na die droogte. Enige donasie, hoe groot of klein is baie welkom.

Vir navrae, kontak asb Rampprojekleier Annatjie van Niekerk by Hierdie e-posadres word van Spambotte beskerm. Jy moet JavaScript ontsper om dit te lees. of 073 191 6277

Alle donasies kan by Helderberg Uitreik se rekening inbetaal word. Verwys: Rampprojek – ooie, kliek hier vir die bankbesonderhede.

Twitter

In ons land is 16 Junie ‘n dag van groot hartseer maar ook ‘n dag wat fokus op die krag van die jeug. Hierdie Sondag vier ons Jeugdag, daar is hoop vir ons land want daar is brawe jongmense wat met ‘n passie vir God en ‘n hart vir die wêreld in nood leef. Ons kom Sondag saam met jongmense bymekaar en ons soek die wil vir God vir ons land en ons vra die belangrike vraag? Wat kan ons doen om die jongmense te help op hierdie pad?

Dit is ook Vadersdag en ons is intens bewus van die rol wat vaders speel in kinders se vorming en belewenis van God. Hierdie Jeugdag dink ons weer aan die gedig van Kahlil Gibran hieronder.

– Paul Barnard

Twitter

Ons is opgewonde om weer na 2 jaar die gebruiklike Holiday Club vir ons graad 1 tot 6 kinders te kan aanbied gedurende die eerste week van die Junie/Julie skoolvakansie. Ek dink ons tienerleiers is nog meer opgewonde daaroor, want wat is Holiday Club sonder ‘n groep opgewonde en entoesiastiese tienerleiers nie?

Ouers sit dikwels met hul hande in hul hare oor wat kan hul kinders sinvol kan doen gedurende die vakansie. Nou is hier iets op jou voorstoep. Elke weeksoggend van Maandag 27 Junie tot Vrydag 1 Julie van 08:00 tot 12:00 hier by Helderberg Gemeente. Die koste vir die week is slegs R100 of dan R20 ‘n dag. Ons tema vir die week is Space Rangers en is geskoei op die grootheid van God skepping en veral dan Psalm 8.

Dit word gehou in samewerking met United Church en die Metodiste kerke hier in Somerset-Wes. Hoop ons sien sommer baie van julle en jul vriende, nooi jou maats van ander skole ook. Donasies vir die week se Holiday Club is welkom, ons benodig ontbytgraanpappe, melk, suiker, koffie, tee, beskuit, hot chocolate en vrugte. Ons waardeer julle hulp en donasies opreg.

– Lizl Botha

Twitter

‘n 20 uur per week pos wat Sondae insluit is beskikbaar by NG Gemeente Helderberg om die kultuur van gasvryheid in die gemeente te versterk.

Vereistes en vaardighede
• Vereenselwig hom/haar met die visie en waardes van Helderberg Gemeente.
• Vermoë om die waarde van gasvryheid uit te leef en ander te kan inspireer tot gasvryheid.
• Vermoë om in ‘n span te kan saamwerk.
• Vermoë om vrywilligers te kan werf en bemagtig.
• Vermoë om te kan bestuur en koördineer.
• Kreatiewe denker.
• Rekenaarvaardigheid.
• Spesifieke akademiese kwalifikasies en praktiese ervaring is nie ‘n vereiste nie, maar sal in ag geneem word.>>

Twitter

Lees verder: Vakante pos: Gasvryheidsbeampte