Ons lewe in ʼn besige tyd! Eintlik is tyd nie besig nie, dit is net ons wat besig is met soveel dinge in die tyd wat ons het. As jy vir iemand vra hoe dit gaan is ʼn algemene antwoord – Besig of nog beter: As my voete grondvat is dit omdat ek besig is om spoed te verloor. Ons het begin leef met hierdie oortuiging dat ʼn besige lewe ʼn goeie lewe is, of meer ʼn suksesvolle lewe is.
Om besig te wees, is nie verkeerd nie die vraag is waarmee is ons besig? Een van my gunsteling tekste in die Bybel is Ef 2:10: “Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het.” Telkens in my lewe moet ek myself afvra, is hierdie dinge waarmee ek besig is die goeie dade waarvoor God my bestem het of het ek iewers fokus verloor?
Hierdie Sondag kyk ons na die taai toffie van tydsbestuur.