Ons leef in taai-toffie-tye en ons hoor telkens dat mense sê: “Ek sukkel om met my geld uit te kom.” Die vraag is: Wanneer het ek genoeg geld? Hoe bepaal ’n mens dit? Ons leef in ’n land met groot diversiteit – van werkloses tot hulle wat groot salarisse verdien.
Wat sê die Bybel hieroor? Spreuke 30:8b help ons met die woorde “Moet my nie armoede of rykdom gee nie; breek my porsie brood vir my af.” En dan in die volgende vers word verduidelik hoekom. As ek te veel het, kan ek dalk maklik van die Here vergeet en as ek te min het, kan ek dalk steel en die naam van God skade doen.
Ons help mekaar Sondag met ’n paar praktiese riglyne in die lig van hierdie wyse woorde uit die Bybel.