Psalm 104
Dit kan gebeur dat ons so vasgeval is in ’n deurmekaar wêreld dat ons sukkel om vir God raak te sien. Ons raak nie meer opgewonde oor God nie. En dan help dit om doelbewus terug te staan en vir God as die Almagtige Skeppergod raak te sien – van die kleinste babatjie tot die grootste walvis. Psalm 104 is een van die Skeppingspsalms en help ons om God as Skepper te loof. Die Psalmdigter getuig: “Hoe talryk is u werke, Here! Alles is met wysheid deur U gemaak; die aarde is vol van wat aan U behoort” (v 24).
’n Mens staan in verwondering oor hierdie Skeppergod en ons het amper nie genoeg woorde om sy lof te besing nie. Ons nooi jou uit na Sondag se eredienste. Ons wil mekaar help om op ’n nuwe manier vir God raak te sien te midde van ’n deurmekaar wêreld.
– Danie OK