Ons almal weet dat verhoudinge uiters belangrik is, maar soms sukkel ons met ons verhoudinge. Een van die belangrikste elemente in ‘n verhouding is verbintenis of commitment. Ons maak groot commitments by ons werk, sport en stokperdjies, maar om die een of ander rede sukkel ons om dieselfde commitment in ons verhoudinge te maak. In Joh 1:35-51 lees ons die verhaal van Jesus se eerste dissipels. Ons lees hoedat Jesus bereid is om ‘n commitment aan die eerste dissipels te maak en ons lees dat hulle weer op hulle beurt bereid is om ‘n commitment aan Hom te maak. Hulle is bereid om alles net so te los en Jesus te volg. Andreas maak nie net self ‘n commitment nie, maar nooi sy broer Simon Petrus om saam met hom hierdie commitment te maak.
Commitment vra harde werk, moeite, tyd en opoffering. Maar dit is alles die moeite werd. Het jy al werklik ‘n commitment aan Jesus gemaak? Is jy bereid om ‘n commitment te maak in al jou verhoudinge – huwelik, gesin, familie, vriende en jou geloofsgemeenskap. Kom stap saam met Danie O’Kennedy hierdie Sondag oor die onderwerp.
Sondag se deurkollekte gaan vir Helderberg Beradingsentrum.