'n Passie vir God

en 'n hart vir mense en 'n wêreld in nood

ElizaYo is 'n projek met die fokus op die ontwikkeling van jong manne en jong vroue wat nie kanse gekry het nie. Deur hulle vaardighede te leer vir werk en sosiaal, kry hulle meer geleenthede vir werk en inkomste. Ons doen dit met die hulp van ons Hollandse stigting in Holland, maar ons wil die projek begin en laat aangaan deur en vir Suid-Afrika. Vir die jongmanne doen ons tuinopleiding en skoling. By die projek het ons 'n kwekery vir tuinplante en 'n groentetuin. Op sekere dae doen ons tuindienste by mense tuis. Indien jy belangstel dat ons jongmanne, saam met Herman, vir jou tuindienste kom lewer, kontak gerus vir Herman.

Vir vrouens doen Henrien naaldwerk en kreatiewe vaardighede. Juwele en piekniekkomberse wat ons maak verkoop ons in Holland en in Suid-Afrika. Skakel of e-pos Herman as jy betrokke wil raak by die ElizaYo projek. Ons benodig altyd plante, potte en tuingereedskap. Groot wit lappe, soos bedlinne is altyd welkom.

Herman en Henrien Lindhout

Projekleier: Madelyn Beyer
Sendelinge: André en Anna-Marie Thiart, asook Isaac Gama

Om te kan lees en skryf maak wêrelde oop vir almal. Daarom is dit so belangrik vir die Mosambiek Geletterdheidprojek om die kinders in die afgeleë bosgedeeltes in die noorde van Mosambiek, waar daar geen regeringskole is nie, te leer lees en skryf. Sodoende kry hulle ook toegang tot inligting, kennis en ook die Bybel. Alle onderwys vind op ‘n Christelike grondslag plaas met die Woord van God as basis.

Daar is tans 1 258 leerders ingeskryf by 7 bosskole in die Milange omgewing. Hierdie is skole wat nie deur die regering ondersteun word nie, maar ten volle deur die projek gedra word.

Die projek het ook ‘n kleuterskool op die terrein van die Gereformeerde Kerk van Mosambiek (IRM) in Milange. Die projek werk in noue samewerking met ons vennoot, die IRM. Tydens die inperking weens Covid-19, was die meeste bosskole gesluit, maar vind onderwys op verskeie elektroniese maniere plaas vir leerders wat toegang het daartoe. Die Mosambiekse regering het besluit om die skole weer gedurende Maart 2021 te open.

Isaac Gama is die direkteur van die projek en koördineer die werksaamhede in Milange. Hy hou toesig oor die curriculum en ook die kwaliteit van die onderwys van die bosskole. Hy het ook ‘n landbou-inisiatief begin om fondse te genereer om die onderwysers se salarisse te help betaal. Die langtermynplan is om ten minste 50% van die onderwysers se salarisse self te genereer deur landboubedrywighede.

Die projek het ook ‘n kleuterskool met ‘n voltydse onderwyser in Quionga in die verre Noord-Ooste van Mosambiek. Die skooltjie word deur André en Anna-Marie Thiart van die Makwe Missie bestuur. Die skooltjie is ‘n wonderlike manier om die gemeenskap van Quionga te bedien en dit is wonderlik om te sien hoe die ouers en gemeenskap betrokke raak.

Mosambiek Geletterdheid maak ‘n langtermyn belegging in kinders se lewens en help hulle om tot onafhanklike volwassenes te groei. Jou bydrae en gebede is baie kosbaar en belangrik. Baie dankie aan die ondersteuners van Mosambiek Geletterdheid.

Gebedsversoeke: Bid asb vir die veiligheid van ons sendelinge met die aanvalle nou in Mosambiek. Bid asb ook vir genoegsame fondse en hulpbronne vir die projek.

Helderberg Uitreik is welbekend met Andre en Anna-Marie Thiart wat werk onder die Makwe mense groep in Quionga, Noord-Oos Mosambiek. Dit is met groot opgewondenheid om aan te kondig dat hulle projek wat bekend staan as “Makwe Missie” nou amptelik ‘n projek by Helderberg Uitreik geregistreer is.

Die Makwe Missie se bediening word uitgevoer deur vriendskap, onderrig en diens aan die gemeenskap. Hierdie vriendskap bediening laat die Andre en Anna-Marie toe om by verskillende aktiwiteite in die gemeenskap betrokke te raak en hierdie verhoudings skep geleenthede om te getuig oor die Here se genade en redding.

Ons weet dat fisiese grense nie die uitbreiding van die Koninkryk van die Drie-Enige God terughou nie en hierdie is nog ‘n goeie voorbeeld daarvan. Die projekleier van Makwe Missie, Nick Olivier, saam met sy gesin, Wilma en Christo, is nou lidmate van Helderberg Gemeente al bly hulle nog in Pretoria.

Bydraes na hierdie projek kan gemaak word na die Helderberg Uitreik bankrekening (Helderberg Uitreik, ABSA Helderberg, Rek nr 9114 483 080, Takkode 632005) met die verwysing “Makwe”.

Vir meer inligting besoek gerus die Makwe Missie webtuiste by https://www.mission4x4.co.za/MakweMission. Op die foto is links Wilma en Nick Olivier met Andre en Anna-Marie Thiart.
Nick Olivier

Selfs Covid-19 en ‘n totale lockdown in Indië het haar nie in haar werk gestuit nie”. Helderberg Uitreik se nuutste projek, “Colours of India” is in Maart 2020 registreer met ‘n Suid-Afrikaanse vrou as werker, wat vreesloos en geesvervuld die Evangelie in Indië verkondig. Sy bedien die mees onbereikte mense aan die Ooste van Indië. Sy loop ‘n dissipelmakende pad met mense en straal Sy liefde uit. Sy ondersteun ook weduwee en kinders wat weens die kultuur uit die familiekringe uitgewerp word. Haar projek span wil haar graag ondersteun om hierdie bediening uit te brei om meer mense te bereik en meer dissipels te maak.

Projekleier is Aloës Koegelenberg

The demoralizing effect of not being part of the elite squad at school sport is all too visible if one spends time on the side lines. All but a chosen few experiences a lack of self-worth, rejection and lack a sense of belonging, much as a result of the ultra-competitive nature of the approach, even at primary school level. There appears much to be said for a relationship of trust, built over a period spanning senior primary school to early varsity. RTS seeks to develop a personalized coaching programme for children (initially focused on hockey), aimed at fostering confidence, a sense of belonging, self-worth and respect for self and fellow participants by focusing on core skills with a relationship agenda. Specialised coaching will be supplemented by an interactive performance monitoring app, allowing coaches and participants to track personal skills development. RTS intends to host regular training sessions, informal tournaments and to encourage parent participation, thus building positive relationships with parents and children over time and hopefully, bringing the Hope of Christ to a world in need through sport. The aim is to exclude no-one and to encourage cross subsidization of those who cannot afford to contribute financially, by those who can.

Project leader: Chris Eagar