Helderberg Uitreik het ’n splinternuwe baba: Helderberg Babas

Om Werner en Tania Schultz elke paar maande met ’n pasgebore babatjie by eredienste te sien, is geen ongewone gesig nie. Die babas wat versorg word is babas wat wag op aanneming en word tydelik versorg totdat die baba wetlik aanneembaar is. Dit is gewoonlik ’n minimum periode van 60 dae en kan tot so lank as 6-8 maande duur, veral indien die aanneming internasionaal plaasvind. Tot dus ver kyk hulle na slegs een baba op ’n keer. In die afgelope 8 jaar het hulle reeds aan 13 babas tydelike veilige versorging gebied.

Werner en Tania beleef dat die Here dit op hul harte plaas om vanaf 2020 hul huidige kapasiteit om een baba op ’n keer te versorg uit te brei na ses babas. Hulle wil só graag die groeiende nood aan die versorging van dié kosbare babas help aanspreek. Hulle is as Tydelike Veilige Sorg-ouers reeds deur die Departement van Maatskaplike Ontwikkeling goedgekeur om ’n maksimum van ses babas op ’n keer te versorg. Dit het egter ’n groot finansiële implikasie aangesien die versorging van die babas 24 uur per dag plaasvind en baie arbeidsintensief is. Ses versorgers, wat dag en nag op ’n rotasie-basis in 12 uur skofte werk, sal aangestel moet word. Die uitgawes aan bv. formule melk en doeke raak uit die aard van die saak hoër hoe meer babas versorg word. Die gemiddelde maandelikse koste beloop sowat R9 000 per baba. Die Helderberg Baba-projek sal hierdie visie van Werner en Tania om tot ses babas op ’n keer te versorg, ondersteun.

Om die maandelikse begroting van R54 000 vir die gelyktydige versorging van ses babas te laat klop het ons 108 lidmate nodig om elk R500 per maand te gee. Enige bydrae, hoe groot of hoe klein ookal, sal natuurlik baie welkom wees. Dit sal ook wonderlik wees indien maatskappye uit hul Social Developement Responsibility Fund ’n maandelikse bydrae kan maak. ’n Artikel 18A-sertifikaat kan op versoek uitgereik word vir belastingdoeleindes. Kontak ons asb. indien jy dink dat ons ’n voorlegging aan jou maatskappy kan maak. Bydraes kan inbetaal word by Helderberg Uitreik, ABSA Helderberg, Rek no. 911 4483 080, Takkode 632005, Verwysing: Helderberg Babas.

Fisiese skenkings van babaprodukte, speelgoed en kleertjies is ook baie welkom. Kliek hier om die behoeftelys af te laai. Deel asb. ook ons behoeftes met vriende wat babas het en graag van hul baba-benodigdhede, wat nie meer gebruik word nie en in ’n goeie toestand is, sal wil skenk. Skenkings kan afgelaai word by Helderberg Gemeente se kerkkantoor, gemerk: Helderberg Babas.

Ons glo dat die versorging van hierdie kinders God se hartklop is. Psalm 68:6 en 7 beskryf God as: “’n Vader vir weeskinders en ’n beskermer vir die reg van weduwees (is God in sy heilige woning). God laat eensames in ’n huisgesin woon.....” Die liefde en aandag wat die babas in tydelik versorging ontvang is onontbeerlik vir hulle ontwikkeling en vir hulle aanpassing in hulle nuwe huisgesinne wanneer hulle aangeneem word. Ons wil graag Christus se hoop bring in hierdie kinders se lewens deur die onvoorwaardelike liefde en gebed wat deel van hulle daaglikse versorging vorm.

Werner en Tania is ook beskikbaar om by omgee- en bybelstudiegroepe oor die Helderberg Baba-projek te kom praat. Omgeegroepe sal ook ’n spesifieke baba kan “aanneem” om spesiaal vir die baba te bid tydens sy/haar verblyf in Tydelike Veilige Sorg. Helderberg Babas sal ook vrywilligers benodig om per geleentheid met die versorging van die babas te help.

Die bekende gesegde, It takes a community to raise a child, is hier meer van toepassing as ooit. Wanneer die gemeenskap deur die liggaam van Christus hande vat, is ons oortuig dat hierdie projek Christus se hoop kan bring aan hulle wat die mees kwesbaarste is nl., kinders in nood.

Projekleier: Karin Alheit
Tydelike Veilige Sorg-ouers: Werner en Tania Schultz 

Werner en Tania gaan steeds voort met die werksaamhede van KidsXpress deur evangeliese lesmateriaal vir kinderbediening beskikbaar te maak. Die bydraes van KidsXpress se getroue ondersteuners word opreg waardeer.

Twitter

Hierdie nuutste projek van Helderberg Uitreik spruit uit die Kortuitreik wat in Maart/April 2019 plaasgevind het. Aangeraak deur die nood van die slum-kindertjies in Phuket en die werk van die Asia Center Foundation (ACF), het die span onder leiding van die Heilige Gees eenparig besluit om die projek te registreer.

ACF fokus op die armstes van die armes en die weerlose kinders van die Thailandse eiland, Phuket. Hulle volg ‘n holistiese benadering wat skoolonderrig, voeding, sport, evangelisering, maatskaplike dienste, beveiliging van die kinders, jeugaksie met tieners en ‘n beursfonds vir hoërskoolleerders insluit.>>

Die personeel en kinders kom uit ‘n nie-Christelike geloofsgroepe en -filosofieë, maar deur dissipelmaking en evangelisering, asook jare se toewyding van direkteur Roelien Muller, het heelwat personeellede en kinders vir Jesus ontmoet en aanvaar. Hulle het pas in hulle splinternuwe skoolgebou getrek en is opgewonde oor die nuwe fase van die projek.

Die projekspan het diep bewus geword van die opofferings wat Roelien Muller, die Suid-Afrikaner wat die bediening in Phuket 19 jaar gelede as ‘n enkelouer met ‘n jong kind begin het. Veral ook die omstandighede waarin sy tans woon en werk. Hulle het besluit dat die ondersteuning van Roelien as mens; fisies, geestelik en emosioneel, hulle eerste prioriteit sal wees. Die span sal haar ook bystaan met onderwyskundigheid, praktiese hulp, advies, leiding en enige ander hulp en kundigheid benodig.

Die span sal van tyd tot tyd ook kortuitreike na Phuket onderneem om hulle visie verder uit te bou.

Projekleier: Elsa Rinquest 

Twitter

The Walemera is about the story of Steven Tongole (a Malawian) and his passion and calling to respond to a situation of need in his community in Malawi, in the area of Walemera. Steven, an orphan himself, was touched by the situation in Walemera where many orphans live difficult circumstances and surviving from people in the community who provide food and clothes. This means important needs such as educations and care to relief the plight of these orphans is dependent on a community with little or no resources to sustain this support. This may result in future even more desperate situation when these orphans become young struggling youths and adults demanding even more charity without contributing to improve the situation.

We stand today before you not to request money, grants or charity or is it a call to action but simply serves the purpose to tell you the storey and invite you to allow for God to show you how you can become part of this storey of spreading His gospel. If you want to become part of the storey, you simply need to allow it to happen and you will know what to do or how you can contribute. It is not for us to ask or suggest to you what to do. This is how it happened with us when Steven told his storey. Steven didn't ask for help or money or charity the call to action simply happened because it was meant to be and where it will end and what will become of it is in His hands.

Walemera Project is the latest project being registered with Helderberg Uitreik. Likewise, a project is registered at St Michael's Anglican Church in Walemera, Malawi. Father Allan Barnabas Simba (now the Canon of the Church) as the project leader there and a full committee of the congregation was established to start the work there. Walemera project is not the initiative of a person nor that persons’ moment of glory nor recognition of the person of being a contributing member of a congregation of a church. It is for those who partake, a blessing and privilege to be applied to spread His gospel even though the persons in this story may consider them the unlikely one, judging from their own credentials.

The plan for the rest of the year is:
• Establish and mobilize project teams
• Gather the orphans and identify resources
• Establish sub-projects for funding of Walemera Project
- Plant cuttings and sales.
- Small- farmer activities (chickens, fishing, sugar cane, ducks, pigeons (eggs).
- Maize and rice millings.
• Planning and Preparation for construction work of nursery school and facilities
- Stand, approval and plans
- Building contractors
- Material
- Support of building

Please communicate back whether it is to take action, offer support, contribute or just to continue to receive information on this outreach project.

Steven Phiri Tongole
Cel: +27 62 035 9217
email: Hierdie e-posadres word van Spambotte beskerm. Jy moet JavaScript ontsper om dit te lees.

Projec leader: Roelof Louw

Twitter

Die projek is aan die begin van 2018 registreer vanuit ‘n kortuitreik in Oktober 2017 na die vlugtelinge wat vanuit die Midde-Oosterse lande soos Sirië, Irak en Afganistan op die Griekse eilande uitspoel. Hulle word uit vlugtelingkampe op die eilande oorgeplaas na Athene waar die meeste vestig in karige wooneenhede in die Omonia-gebied van Athene. Vandaar begin hulle proses tot politieke asiel vir lande in Europa. Die vlugtelinge is weerloos, verlate en verward.

Die Omonia Christengemeente bied ‘n veilige ruimte waar die vlugtelinge kan aanklop vir mediese hulp, ondersteuning met asiel-aansoeke, Engelse klasse, terapie vir hulle kinders, voorsiening van lewensmiddele en daar word ook daagliks voedsel verskaf. Die vlugtelinge is almal van Moslem-geloof en vind ‘n tuiste by die warm Christen-omgewing. Hulle word ook daagliks met die Woord bedien en ‘n hoogtepunt is die groep nuwe bekeerlinge wat hulle eie Arabiese kerk geplant waar hulle weekliks op Vrydae in die Omonia Christengemeente se gebou bymekaarkom.
Die projek se visie en beplanning is om Christus se hoop te dra na hierdie vlugtelinge in vennootskap met die Omonia Christengemeente. ‘n Hooffokus is ook die ondersteuning van die personeel by dié gemeente wat die vermoeiende taak het om die vlugtelinge, wat daagliks meer word, te versorg en te bedien.

Beplanning vir 2018: Die projek is deurlopend in gesprek met die koördineerder van die bediening in Athene om ondersteuning, gebed en bemoediging te bied en ‘n kortuitreik sal DV in Oktober 2018 plaasvind om weer die vlugtelinge en gemeente te gaan dien. 

Die projek het in die afgelope jaar 253 vlugtelinge, 3 personeellede asook langtermyn vrywilligers by Omonia ondersteun en met die Woord bedien. Daar is 10 vrywilligers en tientalle gebedsondersteuners mobiliseer.

Projekleier: Pia Nänny

Twitter

Die projek dra Jesus se liefde na Helderberg Hospitaal deur uitreike elke tweede Saterdag. Pasiënte, dokters, verpleegpersoneel, nuwe mammas in die kraamsaal en ook die kinders in die kindersale word met koekies, koeldrank en die evangelie bedien.

Die nuwe mammas het tydens Kersfees geskenkpakke met weggooi-doeke, babaklere , seep, room, waslappie en sepie en ook 'n paar kombersies ontvang. Bybels word ook uitgedeel en almal is altyd baie dankbaar daarvoor.

Die projek reël ook spesiale uitreike bv die ' Toy run', waar aan al die kinders in die sale en ook by ongevalle , sagte speelgoed uitgedeel word. Dit is ook alles skenkings wat ons ontvang het van lidmate.

Voor en na afloop van elke uitreik maak ons 'n kringetjie , waar ons vir die Here vra om elkeen styf vas te hou, te beskerm (pasiënte en ook vir ons, en dat die Heilige Gees regtig met elkeen is om Sy hande en voete te wees, om ons te lei om bruikbaar vir Hom te wees. Ook dat Hy die saad wat ons gesaai het, op vrugbare grond sal laat val en dit sal water gee.

Die ywerige span het die afgelope jaar 6540 mense by Helderberg Hospitaal bereik deur 32 toegewyde vrywilligers.

Projekleier: Lynette Jacobs

Twitter